• Ƀ/$

ქართული წარმოების ნატურალური რძის ნაწარმი დღგ-სგან გათავისუფლდება

12 ივლისი 10:43 | ეკონომიკა

ნატურალური რძის წარმოების ხელშეწყობისთვის საკანონმდებლო ინიციატივა საგადასახადო კოდექსში ცვლილებების სახით მთავრობის მომავალ უახლოეს სხდომას წარედგინება. ცვლილებები დღგ-სგან გათავისუფლებას გულისხმობს. 

ამის შესახებ ფინანსთა მინისტრმა, ნიკოლოზ გაგუამ მთავრობის სხდომის შემდეგ გამართულ ბრიფინგზე განაცხადა, სადაც მან კიდევ ერთხელ ისაუბრა პრემიერ-მინისტრ მამუკა ბახტაძის მიერ გაჟღერებული ინიციატივის შესახებ, რომელიც გულისხმობს ქართული წარმოების ნატურალური რძისა და რძის ნაწარმის სრულად განთავისუფლებას დამატებული ღირებულების გადასახადისგან ჩათვლის უფლებით. 


„ინიციატივა, რომელიც დღეს გაჟღერდა, უახლოეს მთავრობის სხდომაზე უკვე წარმოდგენილი იქნება კონკრეტული საკანონმდებლო ცვლილებებით. აღნიშნული ინიციატივა გაზრდის მოთხოვნას ნატურალურ პროდუქტზე, ქართული წარმოების ნატურალური რძე და რძის ნაწარმი  უფრო მიმზიდველი გახდება მომხმარებლისათვის. ასევე, ჩვენ ვფიქრობთ, რომ კომპანიებისთვის, რომლებიც აღნიშნული საქმიანობით არიან დაკავებული, უფრო მიმზიდველი გახდება ნატურალური რძის პროდუქტების წარმოება,“ - განაცხადა ფინანსთა მინისტრმა, ნიკოლოზ გაგუამ.


მისი განცხადებით, უახლოეს პერიოდში, მთავრობის სხდომაზე განხილვის შემდეგ, საგადასახადო კოდექსში მომზადებული ცვლილებები პარლამენტს გადაეგზავნება.


 


მსგავს თემაზე:


6 თვეში ზედმეტად გადახდილი დღგ-ს მოცულობამ 226 მილიონი ლარი შეადგინა


მედვედევმა საპენსიო ასაკთან ერთად დღგ-ც გაზარდა


სხვა სიახლეები