უძრავი ქონების სექტორში აღმავალი დინამიკა კვლავ ფიქსირდება. „კოლიერს ჯორჯიას“ (Colliers Georgia) უახლესი მიმოხილვის მიხედვით, 2026 წლის მაისში დედაქალაქში საცხოვრებელი ბინების გაყიდვების მაჩვენებელი წინა წლის ანალოგიურ პერიოდთან შედარებით 13.1%-ით გაიზარდა და საცხოვრებელი ბინების ტრანზაქციების რაოდენობამ 3,787 ერთეულს მიაღწია. ამასთანავე, ბაზრის მთლიანი მოცულობა 32.4%-ით გაფართოვდა და 334 მილიონ აშშ დოლარს გაუტოლდა.ორგანიზაციის კვლევის თანახმად, ზრდის ტენდენციას არც აჭარის რეგიონი ჩამორჩება. მაისში ბათუმში საცხოვრებელი ბინების ყიდვა-გაყიდვის ოპერაციები 2.5%-ით გააქტიურდა და 1,324 ერთეული შეადგინა. რაც შეეხება ზღვისპირა ქალაქის უძრავი ქონების ბაზრის ფინანსურ მოცულობას, მან 22.2%-იანი მატება აჩვენა და 87 მილიონ დოლარამდე გაიზარდა.

საქართველოს ბანკის ელექტრონული კომერციის მიმართულების ხელმძღვანელმა, დოდი მალაზონიამ, მონაწილეობა მიიღო საერთაშორისო ტექნოლოგიურ ფორუმში - NextGen Payments & RegTech Forum, რომელიც ესპანეთში გაიმართა. ღონისძიებაზე მან პანელურ დისკუსიაში მიიღო მონაწილეობა, სადაც მიმოიხილა, თუ როგორ იცვლება თანამედროვე გადახდების სისტემები და რა ინოვაციებს ნერგავს საქართველოს ბანკი ამ მიმართულებით. ფორუმი ევროპის მასშტაბით ერთ-ერთი მნიშვნელოვანი პლატფორმაა, სადაც ფინანსური სექტორის ლიდერები გლობალურ ტენდენციებსა და მომავლის გამოწვევებზე მსჯელობენ.პანელური განხილვის ფარგლებში დოდი მალაზონიამ ხაზი გაუსვა რამდენიმე საკითხს, რომელიც როგორც გლობალურად, ისე საქართველოს ბაზრისთვის განსაკუთრებით აქტუალურია: გადახდა, როგორც ზრდის შესაძლებლობა: გადახდების მიღება უკვე აღარ არის მხოლოდ ტექნიკური პროცესი. დღეს ეს პირდაპირ კავშირშია იმასთან, თუ რამდენად კმაყოფილია მომხმარებელი და რამდენად წარმატებულია ბიზნესი. უსაფრთხოება და კომფორტი: ბიზნესის მთავარი გამოწვევაა, ერთი მხრივ, შეიმუშაოს მაღალი დონის უსაფრთხოების სისტემები გადახდებში, ხოლო მეორე მხრივ, პროცესი მომხმარებლისთვის მაქსიმალურად მარტივი და შეუფერხებელი გახადოს. ამასთანავე, დოდი მალაზონიამ აღნიშნა, რომ ქვეყანაში ელექტრონული კომერცია და ციფრული გადახდები ძალიან სწრაფად ვითარდება. ადგილობრივი მომხმარებელი აქტიურად ითვისებს უკონტაქტო და მობილური გადახდების ტექნოლოგიებს, რაც ბანკებს შესაძლებლობას აძლევს, შესთავაზონ ბიზნესებს თანამედროვე და მოქნილი გადაწყვეტილებები.“ჩვენი მაგალითი ნათლად აჩვენებს, რამდენად სწრაფად იზრდება ციფრული გადახდების გამოყენება და როგორ ქმნის ეს ახალ შესაძლებლობებს ბიზნესებისთვის. მსგავსი საერთაშორისო ფორუმები კი არის კარგი სივრცე იმისათვის, რომ გავაზიაროთ ჩვენი გამოცდილება და ამავდროულად, გავეცნოთ ტენდენციებს, რომლებიც გადახდების ინდუსტრიის მომავალს განსაზღვრავს“, — აცხადებს დოდი მალაზონია, საქართველოს ბანკის ელექტრონული კომერციის მიმართულების ხელმძღვანელი.

თანამედროვე ბიზნესში სწორი გადაწყვეტილებების მიღება სულ უფრო მეტად უკავშირდება მონაცემების, ანალიტიკური ინფორმაციისა და მომხმარებლის ქცევის გააზრებას. სწორედ ამიტომ, თუ გსურთ გაიგოთ, როგორ გამოიყენოთ მონაცემები ორგანიზაციის მართვაში და როგორ ჩამოაყალიბოთ მონაცემებზე დაფუძნებული კულტურა თქვენს ბიზნესში, businesscourse.ge-ზე შეგიძლიათ სრულად დაფინანსებული ბიზნესკურსი გაიაროთ.კურსს უძღვება ქრისტინე ლორთქიფანიძე, კვლევისა და საკონსულტაციო მომსახურების კომპანია „ანოვას“ თანადამფუძნებელი.კურსის ფარგლებში მონაწილეები გაეცნობიან: ბაზრის სეგმენტაციასა და მიზნობრივი მარკეტის შერჩევას; მომხმარებლის ქცევის განმსაზღვრელ ფაქტორებს; მომხმარებლის გამოცდილების (CX) კვლევის ინსტრუმენტებსა და მეტრიკებს; ორგანიზაციულ კვლევებსა და თანამშრომლებისგან მიღებული ინსაითების გამოყენებას; HR მეტრიკებსა და პერფორმანსის ანალიტიკას; მონაცემებზე დაფუძნებული ლიდერშიფის კულტურის ჩამოყალიბებას. Businesscourse.ge საქართველოს ბანკის საგანმანათლებლო პლატფორმაა, რომელიც ბიზნესით დაინტერესებულ ადამიანებს 70-ზე მეტ სრულად დაფინანსებულ კურსს სთავაზობს. პლატფორმაზე უკვე 100,000-ზე მეტჯერ დარეგისტრირდნენ ხოლო სასწავლო პროგრამები მუდმივად ახლდება თანამედროვე ბიზნესის საჭიროებების შესაბამისად. 

მომხმარებლები სხვადასხვა სავაჭრო ობიექტში მოქმედი ფასდაკლებებისა და სპეციალური შეთავაზებების შესახებ ინფორმაციას ერთიან ელექტრონულ პლატფორმაზე მიიღებენ. ამის შესახებ მთავრობის 2 ივნისით დათარიღებული განკარგულებიდან ხდება ცნობილი.დოკუმენტის მიხედვით, შესაბამისი საინფორმაციო სისტემის შექმნას საქართველოს კონკურენციისა და მომხმარებლის დაცვის სააგენტო გეგმავს, რისთვისაც სახელმწიფო ბიუჯეტიდან (მთავრობის სარეზერვო ფონდიდან), 53 000 ლარი გამოიყო.განკარგულების თანახმად, პლატფორმის მიზანია ფასდაკლებული პროდუქტების შესახებ ინფორმაციის ხელმისაწვდომობის უზრუნველყოფა, სავაჭრო ქსელებში მოქმედი ფასდაკლებებისა და სპეციალური შეთავაზებების შესახებ მონაცემების ელექტრონული დამუშავება და მათი მომხმარებლებისთვის მიწოდება.როგორც მთავრობა განმარტავს, ახალი პლატფორმის ამოქმედების შემდეგ, მომხმარებლებს შესაძლებლობა ექნებათ, მარტივად შეადარონ სხვადასხვა მაღაზიაში არსებული აქციები და მათთვის ხელსაყრელი შეთავაზებები ერთ სივრცეში მოიძიონ.ცნობისთვის, ახალი პლატფორმის შექმნა კონკურენციის სააგენტომ ჯერ კიდევ მაისში დააანონსა. ეს გადაწყვეტილება უწყებამ ფასების შემსწავლელი კომისიის რეკომენდაციის საფუძველზე მიიღო.ამასთან, სააგენტოს ცნობით, პროგრამაში ჩართული ქსელები ვალდებული იქნებიან, სააგენტოს ყოველკვირეულად მიაწოდონ ინფორმაცია „საოჯახო კალათის“ პროგრამაში შემავალ საბაზისო პროდუქტებზე არსებული საუკეთესო შეთავაზებებისა და ფასების შესახებ, რომელიც საინფორმაციო პორტალზე პროაქტიულად განახლდება.შეგახსენებთ, რომ საქართველოს პარლამენტის სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელმა დროებითმა კომისიამ დასკვნა მაისის 1-ელ ნახევარში წარადგინა.კომისიის დასკვნით, ძირითადი პრობლემაა არა გადაჭარბებულ მოგებაში, არამედ არაეფექტურ საოპერაციო ხარჯებში. მათივე ცნობით, მიწოდების ჯაჭვი არაეფექტური და გრძელია.დასკვნის გამოქვეყნების შემდეგ რითეილ სექტორის მსხვილმა მოთამაშეებმა ფასდაკლებების აქციები დაიწყეს, რაზეც მთავრობის მეთაურის მადლობაც კი დაიმსახურეს.როგორც ცნობილია, ფასდაკლებულ პროდუქტების კალათაში მომხმარებლებს 10-დან 15-მდე პროდუქტი ხვდებათ. საუბარია, ისეთ სოციალურ პროდუქტებზე, როგორიცაა: მაკარონი, წიწიბურა, ზეთი, კვერცხი, ბრინჯი, რიგ შემთხვევებში რძის პროდუქტები და ა.შ.

საქართველო წამყვან სამეულს ხურავს იმ ქვეყნებს შრის, სადაც ზაფხულში რუსეთიდან მოგზაურობებზე მოთხოვნა ერთ წელიწადში ყველაზე მეტად გაიზარდა.ამის შესახებ სასტუმროებისა და აპარტამენტების ონლაინ-დაჯავშნის სერვის „ოსტროვოკის“ კვლევაში წერია, რასაც TASS ავრცელებს.კერძოდ, რუსებს შორის საქართველოში მოგზაურობაზე მოთხოვნა, 2025 წელთან შედარებით, 66%-ით გაიზარდა.პირველ ადგილზე ვიეტნამია, რომელთანაც წლევანდელ სეზონზე რუსეთიდან საჰაერო მიმოსვლის გაზრდის გამო ტურისტული მოთხოვნა გაორმაგდა, მეორე ადგილზე კი 83%-იანი ზრდით ჩინეთია.საქართველოს მეოთხე ადგილზე 58%-ით კორეის რესპუბლიკა მოსდევს, შემდეგი კი სათითაოდ 45%-იანი ზრდით სომხეთი და უზბეკეთია. თურქეთსა და იაპონიაში რუსებს შორის მოგზაურობაზე მოთხოვნა ერთ წელიწადში 35%-ით აიზარდა.“ოსტროვოკი” თავის რეიტინგში საქართველოს ოკუპირებულ რეგიონს, აფხაზეთს ტრადიციულად ცალკე მიმართულებად ასახელებს, სადაც მოთხოვნა წლის განმავლობაში, ასევე, მნიშვნელოვნად, 26%-ით გაიზარდა.ზოგადად, რუსებს შორის ზაფხულის საერთაშორისო მოგზაურობებზე მოთხოვნა, წინა წელთან შედარებით, 20%-ით გაიზარდა.კვლევის თანახმად, წლევანდელი ზაფხულისთვის 10 ყველაზე პოპულარული საგარეო მიმართულება ბელარუსი, ოკუპირებული აფხაზეთი, თურქეთი, საქართველო, სომხეთი, იტალია, ყაზახეთი, უზბეკეთი, იაპონია და ჩინეთია.BPN

16 ივნისს ქუთაისში მზიანი დღე იქნება, დღისით +32 და ღამით +17 გრადუსი დაფიქსირდება. მზიანი დღე იქნება ოზურგეთშიც. დღისით +30 გრადუსი დაფიქსირდება, ღამით კი +16 გრადუსი იქნება.ბათუმშიც მზეა მოსალოდნელი, დღისით ჰაერი +27 გრადუსამდე გათბება, ხოლო ღამით +17 გრადუსი დაფიქსირდება.უნალექო ამინდია ფოთში. დღისით +28 გრადუსი დაფიქსირდება, ღამით კი +18 გრადუსია მოსალოდნელი. ზუგდიდში დღე უნალექოდ ჩაივლის, ჰაერის ტემპერატურა დღისით +30, ღამით კი +16 გრადუსი იქნება.სოხუმშიც მზეა, +30 გრადუსია მოსალოდნელი დღისით, ღამით +17 გრადუსი დაფიქსირდება.მესტიაშიც მზეა, დღისით +22 გრადუსი იქნება, ღამით კი +7 გრადუსი დაფიქსირდება. ამბროლაურში მზეს ელოდებიან. ჰაერი +30 გრადუსამდე გათბება, ღამით კი +14 გრადუსი დაფიქსირდება.ჭიათურაშიც მზიანი დღეა, დღისით +30 გრადუსი, ღამით კი +14 გრადუსი დაფიქსირდება.ახალციხეშიც მზიანი დღეა, დღისით +27 გრადუსი, ღამით კი +10 გრადუსი იქნება.ბორჯომში წვიმაა მოსალოდნელი, +27 იქნება დღისით, ღამით კი +12 გრადუსი დაფიქსირდება.ნალექიანი დღეა მოსალოდნელი ბაკურიანში, დღისით +20 გრადუსია მოსალოდნელი, ღამით +5 გრადუსი დაფიქსირდება.გორშიც მცირე ნალექია მოსალოდნელი, დღისით +28 გრადუსი, ღამის განმავლობაში კი +13 გრადუსი დაფიქსირდება. ცხინვალშიც წვიმაა მოსალოდნელი, ჰაერის ტემპერატურა +27 გრადუსი იქნება, ღამით კი +12 გრადუსი დაფიქსირდება.გუდაურში ნალექიანი ამინდია მოსალოდნელი, დღის განმავლობაში +18 გრადუსი დაფიქსირდება, ღამით კი ჰაერის ტემპერატურა +4 გრადუსი იქნება.ომალოში ხანმოკლე წვიმას ელოდებიან. დღისით +19 ღამით კი +6 გრადუსი დაფიქსირდება.ლაგოდეხშიც მცირე ნალექს ვარაუდობენ, ჰაერის ტემპერატურა დღის განმავლობაში +29 გრადუსი იქნება, ღამით კი +18 გრადუსი დაფიქსირდება.ანალოგიური ამინდი იქნება დღეს თელავში, სადაც დღისით +28 გრადუსი დაფიქსირდება, ღამით კი +17 გრადუსია ნავარაუდევი.ხანმოკლე წვიმა იქნება გურჯაანში, დღისით +28 გრადუსი, ღამით კი +17 გრადუსი დაფიქსირდება. სიღნაღშიც წვიმს, დღისით +27 გრადუსია მოსალოდნელი, ღამით +16 გრადუსი დაფიქსირდება.რუსთავში ასევე მცირე ნალექია მოსალოდნელი. დღისით +30 გრადუსია მოსალოდნელი, ღამით კი +18 გრადუსი დაფიქსირდება.თბილისში მოსალოდნელია ხანმოკლე წვიმა. ჰაერის ტემპერატურა დღისით +30 გრადუსს მიაღწევს, ღამით კი +18 გრადუსი იქნება.