„მეტის მოხმარების გამო ტარიფის გაზრდის ლოგიკას ვერ ვხვდები - გაზს იმდენი რესურსი აქვს, რომ გაძვირების ნაცვლად, საერთოდ უნდა გაიაფდეს“, - ამის შესახებ ენერგეტიკოსმა თემურ ჭიჭინაძემ „ბიზნესპრესნიუსთან“ საუბრისას განაცხადა.მისი შეფასებით, წყალსა და გაზზე საყოფაცხოვრებო მომხმარებლებისთვის მოხმარებული მოცულობის მიხედვით განსხვავებული ტარიფების დაწესება სწორი მიდგომა არ არის, რადგან მეტი რესურსის მოხმარება ავტომატურად არ ნიშნავს, რომ მომხმარებელს უკეთესი სოციალური მდგომარეობა აქვს.ცნობისთვის, პარლამენტმა დაჩქარებული წესით „ენერგეტიკისა და წყალმომარაგების შესახებ“ კანონში ცვლილებები მიიღო. ამ გადაწყვეტილების თანახმად, სემეკ-ს ენიჭება უფლებამოსილება როგორც წყლის, ასევე ბუნებრივი გაზის საყოფაცხოვრებო მოხმარებისთვის დიფერენცირებული ტარიფები დაადგინოს.მიღებული კანონის თანახმად, სემეკ-ი უფლებამოსილი იქნება 2036 წლის 1-ელ იანვრამდე - წყალმომარაგების, ხოლო 2038 წლის 1-ელ იანვრამდე ბუნებრივი გაზის შემთხვევაში, ტარიფის დადგენის დროს, საყოფაცხოვრებო მომხმარებლების მიერ მოხმარებული მოცულობის მიხედვით განსხვავებული მომსახურების ღირებულება დაადგინოს.„ჩემი აზრით, ეს არ არის სწორი. შეიძლება მეტი მოვიხმარო და რატომ უნდა გადავიხადო მეტი?! პირიქით, მაგალითად სავაჭრო სფეროში რაც მეტს ყიდულობ, ზოგ შემთხვევაში უფრო ნაკლებს იხდი. აქ რატომ ხდება პირიქით?მესმის, რომ სოციალურად დაუცველ ადამიანებს შეიძლება გადასახადი შეუმცირო, მაგრამ არ უნდა გაძვირდეს ტარიფი მეტი მოხმარების შემთხვევაში. მათ შევუმციროთ გადასახადი, მაგრამ სხვებს ნუ გაუძვირებთ. ეს აუცილებელი არ არის.მით უმეტეს, გაზს იმდენი რესურსი აქვს, რომ გაძვირების ნაცვლად, საერთოდ უნდა გაიაფდეს,“ - განაცხადა თემურ ჭიჭინაძემ.ენერგეტიკოსის განმარტებით, მოხმარების მოცულობის მიხედვით ტარიფის განსაზღვრა არ ითვალისწინებს იმ გარემოებას, რომ მომხმარებელს შესაძლოა მეტი გაზი საცხოვრებელი პირობებიდან გამომდინარე სჭირდებოდეს და არა მისი ფინანსური შესაძლებლობების გამო.მაგალითად, როგორც ჭიჭინაძე აღნიშნავს, თუ ადამიანს მემკვიდრეობით დიდი სახლი დარჩა, მას შესაძლოა საცხოვრებლის გასათბობად მეტი გაზის მოხმარება დასჭირდეს, თუმცა, ეს არ ნიშნავს, რომ ასეთი მომხმარებლისთვის გადასახადის გაზრდა სამართლიანი იქნება.„ვინც მეტს მოიხმარს, ნამდვილად არ ნიშნავს, რომ უკეთეს სოციალურ მდგომარეობაშია. მაგალითად, მშობლებმა ადამიანს დიდი სახლი დაუტოვეს, რომელსაც გათბობისთვის მეტი გაზი სჭირდება. რატომ უნდა გადაახდევინო ამის გამო ზედმეტი?!გაზს თავისი ტარიფი აქვს. კიდევ ვამბობ, სოციალურად დაუცველ და გაჭირვებულ ადამიანს შეუმცირე გადასახადი, მაგრამ მას, ვინც მეტს მოიხმარს, ნუ გაუზრდი. ამაში ლოგიკას ვერ ვხედავ“, - აღნიშნა თემურ ჭიჭინაძემ „ბიზნესპრესნიუსთან“.კითხვაზე, ბუნებრივი გაზის ტარიფის შემცირების რა რესურსი არსებობს? - ენერგეტიკოსი ყურადღებას გაზმომარაგების პროცესში შუამავალი კომპანიების არსებობაზე ამახვილებს.მისი თქმით, საქართველოს საზღვრიდან მომხმარებლამდე გაზის მიწოდების პროცესში სამი აზერბაიჯანული შუამავალი კომპანია მონაწილეობს, რომელთა საქმიანობისა და როლის გადახედვამ, მისი შეფასებით, შესაძლოა ფინანსური რესურსის დაზოგვის შესაძლებლობა შექმნას.„ენერგეტიკაში შუამავალი კომპანიები ხომ ამოიღეს. დღეს ბუნებრივი გაზის სექტორში სამი შუამავალი კომპანიაა (სამი აზერბაიჯანული კომპანია), რომელიც საქართველოს საზღვრიდან მომხმარებლამდე გაზის მიწოდების პროცესს განაგებს.წარმოიდგინეთ, ეს არის შუამავალი რგოლი, რომელსაც დამატებითი ნამატი აქვს. თუ ამ რგოლებსაც ამოვიღებთ, რაც თავად ჩვენი ქვეყნის გადასაწყვეტია, საკმაოდ დიდი ფინანსური რესურსი დაიზოგება“, - ამბობს თემურ ჭიჭინაძე.რაც შეეხება წყალმომარაგებას, ენერგეტიკოსის თქმით, მოხმარებული მოცულობის მიხედვით განსხვავებული ტარიფების დაწესება დამატებით კითხვებს აჩენს, მათ შორის მოსახლეობის დიდი ნაწილის გამრიცხველიანების არარსებობის გამო [მოსახლეობის ნაწილი სულადობრივ გადასახადზეა].ამასთან, მისი შეფასებით, თუ წყლისა და გაზის ტარიფის ზრდა წარმოებებზეც აისახება, ეს საბოლოოდ პროდუქციის გაძვირებას გამოიწვევს და დამატებითი ხარჯის გადახდა კვლავ მოსახლეობას მოუწევს.BPN

30 ოქტომბერს ქუთაისში მზიან ამინდს ელოდებიან, დღისით +22 და ღამით +15 გრადუსია მოსალოდნელი.მზეს ოზურგეთშიც ელოდებიან, დღისით +22 გრადუსი დაფიქსირდება, ღამით კი +14 გრადუსი იქნება.ბათუმშიც მზე იქნება, დღისით ჰაერი +23 გრადუსამდე გათბება, ხოლო ღამით +15 გრადუსი დაფიქსირდება.უნალექო ამინდია ფოთშიც. დღისით +23 გრადუსი დაფიქსირდება, ღამით კი +16 გრადუსია მოსალოდნელი.მზე ზუგდიდშიც იქნება, დღისით ტემპერატურა +21, ღამით კი +14 გრადუსია ნავარაუდევი.სოხუმშიც მზიანი დღეა. +20 გრადუსია მოსალოდნელი დღისით, ღამით +14 გრადუსი დაფიქსირდება.მესტიაში მზეა. დღისით +18 გრადუსი იქნება, ღამით კი +6 გრადუსი დაფიქსირდება. ლენტეხშიც მზიანი ამინდი იქნება. დღისით +20 გრადუსი, ხოლო ღამით +6 გრადუსი იქნება.ამბროლაურშიც მზიანი ამინდია. დღისით ჰაერი +20 გრადუსამდე გათბება, ღამით კი +10 გრადუსი დაფიქსირდება.ჭიათურაში მზიანი ამინდია, დღისით +20 გრადუსი, ღამით კი +10 გრადუსი დაფიქსირდება. ახალციხეშიც მზიანი დღეა, დღისით +17 გრადუსი, ღამით კი +8 გრადუსი იქნება.ნალექს არ ელოდებიან ახალქალაქშიც. ტემპერატურა დღისით +17, ღამით კი +8 დაფიქსირდება.ბორჯომში უნალექო დღეა, +15 იქნება დღისით, ღამით კი +10 გრადუსი დაფიქსირდება. მზიანი დღეა მოსალოდნელი ბაკურიანშიც, დღისით +14 გრადუსია მოსალოდნელი, ღამით +4 გრადუსი დაფიქსირდება.უნალექო დღეს ელოდებიან გორში, დღისით +17 გრადუსი, ღამის განმავლობაში კი +9 გრადუსი დაფიქსირდება.ცხინვალში ჰაერის ტემპერატურა +16 გრადუსი იქნება, ღამით კი +8 გრადუსი დაფიქსირდება და იქნება მზე.გუდაურშიც მზიანი ამინდია. დღის განმავლობაში +7 გრადუსი დაფიქსირდება, ღამით კი ჰაერის ტემპერატურა +2 გრადუსი იქნება. ომალოში დღისით, +10 ღამით კი +4 გრადუსი დაფიქსირდება. არ იწვიმებს.ლაგოდეხში წვიმიან დღეს ელოდებიან. ჰაერის ტემპერატურა დღის განმავლობაში +15 გრადუსი იქნება, ღამით კი +9 გრადუსი დაფიქსირდება.წვიმიანი დღე იქნება თელავში, +15 გრადუსი დაფიქსირდება, ღამით კი +10 გრადუსია ნავარაუდევი.უნალექო დღე იქნება გურჯაანში. დღისით +16 გრადუსი, ღამით კი +9 გრადუსი დაფიქსირდება. სიღნაღშიც მზიანი დღეა მოსალოდნელი, დღისით +15 გრადუსია მოსალოდნელი, ღამით +8 გრადუსი დაფიქსირდება.რუსთავშიც წვიმიანი დღეა მოსალოდნელი, დღისით +16 გრადუსია მოსალოდნელი, ღამით კი +9 გრადუსი დაფიქსირდება.თბილისში წვიმას ელოდებიან. ჰაერის ტემპერატურა დღისით +17 გრადუსს მიაღწევს, ღამით კი +9 გრადუსი იქნება.

დასავლეთმა ვერ მიაღწია მიზანს, რუსეთისთვის სტრატეგიული მარცხი მიეყენებინა, - ამის შესახებ რუსეთის პრეზიდენტმა, ვლადიმერ პუტინმა განაცხადა.“ბევრი მხოლოდ იმაზე საუბრობს, რომ 2030 წლისთვის ომისთვის უნდა მოვემზადოთ. სწორია ეს თუ არა? პირველ რიგში, ჩვენ მზად ვართ, მაგრამ ევროპასთან ომი არ გვსურს“, -აღნიშნა პუტინმა, მისი თქმით, თუ რუსეთსა და ევროპას შორის საქმე ომამდე მივა, გამარჯვებული არავინ იქნება.„მათ ამჟამად ვერ მიაღწიეს მიზანს, მოეყენებინათ რუსეთისთვის სტრატეგიული მარცხი. ნაკლებად სავარაუდოა, რომ ამის მიღწევა 2030 წლისთვის შეძლონ, ხოლო თუ საქმე ძალიან შორს წავა, გამარჯვებული არავინ არ იქნება. ეს არავინ უნდა დაივიწყოს“, - აღნიშნა პუტინმა.მისი თქმით, ფინეთის პრეზიდენტ ალექსანდრ სტუბთან და ნორვეგიის პრემიერ-მინისტრ იონას გარ სტორესთან საუბარი მათი ინიციატივით შედგა.„რაც შეეხება სატელეფონო საუბარს ევროკავშირის ქვეყნების წარმომადგენლებთან, უფრო სწორად, ამ ქვეყნების ლიდერებთან - ფინეთთან და ნორვეგიასთან: საუბრის დასაწყისშივე მათ ხაზი გაუსვეს, რომ ევროკავშირს, როგორც ორგანიზაციას, არ წარმოადგენდნენ და, როგორც იტყვიან, ეროვნული სტატუსით მიკავშირდებოდნენ“, - აღნიშნა პუტინმა.მისი თქმით, ევროპაში არიან ადამიანები, რომლებსაც, ზოგიერთისგან განსხვავებით, რუსეთისთვის სტრატეგიული მარცხის მიყენება კი არ სურთ, არამედ კონსტრუქციული დიალოგის დამყარება.ამასთან, პუტინის თქმით, რუსეთს არ სურს, რომ ბალტიის ზღვაზე ისეთივე ვითარება შეიქმნას, როგორიც ჰორმუზის სრუტესა და სპარსეთის ყურეშია. მისი განმარტებით, ბალტიის ზღვაში უსაფრთხოების საკითხი ფინეთის პრეზიდენტთან და ნორვეგიის პრემიერ-მინისტრთან სატელეფონო საუბრისას წამოიჭრა და მათ გამოთქვეს იმედი, რომ საერთაშორისო ურთიერთობების ყველა მონაწილე საერთაშორისო საზღვაო სამართალს დაიცავს.„ჩვენ მხარს ვუჭერთ ასეთ მიდგომას. სხვაგვარად როგორ შეიძლება? სხვა შემთხვევაში, შეიქმნება ჰორმუზის სრუტეში არსებული ვითარების მსგავსი მდგომარეობა. ვის სურს, რომ ბალტიის ზღვაზე ისეთივე ვითარება შეიქმნას, როგორიც სპარსეთის ყურეში ან ჰორმუზის სრუტეშია? არ ვიცი. ჩვენ ეს არ გვსურს“, - აღნიშნა პუტინმა.მისი მტკიცებით, მოსკოვი მზად არის, უპასუხოს ბალტიის ზღვაში ნებისმიერ გამოწვევას, თუმცა იქ დაძაბულობის შექმნა არ სურს: „ჩვენ ეს არ გვსურს. თუმცა ნებისმიერ გამოწვევას ვუპასუხებთ“, - დასძინა რუსეთის პრეზიდენტმა.Ipn.ge

2026 წლის სექტემბერში საქართველოში ხუთვარსკვლავიან სასტუმროში ნომრის საშუალო ფასი 546 ლარი იყო. PMCG-ის კვლევის მიხედვით,  ღირებულება გურიაში დაფიქსირდა, სადაც ნომერი 795 ლარი ღირდა.ხუთვარსკვლავიან სასტუმროში ნომრის საშუალო ფასით მეორე ადგილზე კახეთია — 775 ლარით, მესამეზე კი შიდა ქართლი, სადაც საშუალო ღირებულებამ 736 ლარი შეადგინა.კვლევა საქართველოში 568 სამ, ოთხ და ხუთვარსკვლავიანი სასტუმროსა და 371 საოჯახო ტიპის სასტუმროს მონაცემებს ეფუძნება. ფასები Booking.com-ზე განთავსებული სტანდარტული ორადგილიანი ნომრების მიხედვით არის გამოთვლილი.2026 წლის სექტემბერში საქართველოში სასტუმროების ფასების ინდექსი წინა წლის ანალოგიურ პერიოდთან შედარებით 8%-ით გაიზარდა, თუმცა აგვისტოსთან შედარებით 7.2%-ით შემცირდა. ამის შესახებ PMCG-ის სასტუმროს ფასების ინდექსის კვლევაშია აღნიშნული.

საქართველოს ბანკი, როგორც განათლების მთავარი მხარდამჭერი, ახალგაზრდებისთვის შესაძლებლობების შექმნას განაგრძობს. სწორედ ამ მიზნით, არქიტექტურის სტუდენტებისთვის პროფესიული განვითარების ხელშეწყობის მიზნით, საქართველოს ბანკი გიორგი ჩახავას სახელობის სასტიპენდიო პროგრამას ახორციელებს.საქართველოს ბანკის სათავო ოფისის ავტორის, ცნობილი ქართველი არქიტექტორის, გიორგი ჩახავას სახელობის სტიპენდია სტუდენტებს აძლევს შესაძლებლობას, მიიღონ სწავლის სრული დაფინანსება ექვს პარტნიორ უნივერსიტეტში, მათ შორის:  ილიას სახელმწიფო უნივერსიტეტი თავისუფალი უნივერსიტეტი აპოლონ ქუთათელაძის სახელობის თბილისის სახელმწიფო სამხატვრო აკადემია საქართველოს ტექნიკური უნივერსიტეტი ბათუმის შოთა რუსთაველის სახელმწიფო უნივერსიტეტი საქართველოს უნივერსიტეტი გიორგი ჩახავას სახელობის სასტიპენდიო პროგრამაზე რეგისტრაცია უკვე დაწყებულია. დაინტერესებულ სტუდენტებს პროგრამის პირობებისა და მონაწილეობის შესახებ დეტალური ინფორმაციის მიღება და განაცხადის შევსება შეუძლიათ ვებგვერდზე. საქართველოს ბანკის საგანმანათლებლო პროექტების შესახებ მეტი ინფორმაციის მისაღებად ეწვიეთ ვებგვერდს: ganatleba.bog.ge 

საქართველოს ბანკი მუდმივად ზრუნავს რომ მომხმარებელს მასზე მორგებული შეთავაზებები მიაწოდოს. ამჯერად ბანკი წლის ბოლომდე Amex ბარათის აღებისას მომხმარებელს განსაკუთრებულ პირობას სთავაზობს. უფრო კონკრეტულად, თუკი წლის ბოლომდე  Amex ბარათს საქართველოს ბანკის  მობილბანკიდან აიღებთ, ერთი წლის განმავლობაში ბარათით  უფასოდ ისარგებლებთ.  იმ შემთხვევაში კი, თუკი საკრედიტო ლიმიტს გამოიყენებთ  და საშეღავათო პერიოდში  თანხას სრულად დაფარავთ,  ეფექტური 0%-ით ისარგებლებთ. MR ქულებიAmex ბარათის მთავარი ხიბლი მისი ლოიალობის პროგრამა და დამატებითი სერვისებია.MR (Membership Rewards) ქულები გროვდება მხოლოდ Amex ბარათით, მხოლოდ საქართველოს ბანკის ტერმინალზე ნებისმიერი გადახდისას ფიზიკურ მაღაზიებსა თუ ონლაინ.დაგროვებული ქულები შეგიძლია გამოიყენო ორი გზით: გადაიხადოAmex-ის პარტნიორ ობიექტებში  გადაცვალო PLUS ქულებში მომგებიანი კურსით: 1 MR ქულა = 3 PLUS ქულას. როგორ დავაგროვოთ MR ქულები?Amex ბარათის მთავარი უპირატესობა გადახდებშია. როცა ბარათით საქართველოს ბანკის ტერმინალზე იხდი, MR ქულები ავტომატურად გროვდება შენი ლოიალურობის ანგარიშზე.MR ქულების დასაგროვებლად საკრედიტო ლიმიტის გამოყენება არ არის აუცილებელი. შეგიძლია საკუთარი ანგარიშიდან გადარიცხო თანხა Amex ბარათზე და იმით ისარგებლოთ. ამ შემთხვევაში, თქვენი საკრედიტო ლიმიტი ხელუხლებელი დარჩება, MR ქულებს კი ჩვეულებრივ დააგროვებთ. მეტი დეტალისთვის კი შეგიძლიათ ეწვიოთ ბმულს