სოფელ ვაზიანში 70,000 მაყურებელზე გათვლილი სტადიონის მშენებლობისთვის მთავრობამ კომისია შექმნა

1715863759

წელს ჩრდილოეთ კორეა, რომელიც ოთხი წლის განმავლობაში მთლიანად დაკეტილი იყო, რუსი ტურისტებისთვის გაიხსნა.მაისის დასაწყისში, მეხუთე და ყველაზე დიდი ტურისტული ჯგუფი ფხენიანში ვლადივოსტოკიდან გაემგზავრა. მათ შორის იყო „კომერსანტის“ კორესპონდენტიც, რომელმაც კორეის ეს მხარე უფრო დეტალურად დაგვანახვა.ჩრდილოეთ კორეაში წელიწადში 15-30 დღის განმავლობაში, კოოპერატივებისთვის მიწათმოქმედებაში დახმარება, ქვეყნის მოსახლეობის უმრავლესობის წმინდა მოვალეობაა. 2020 წლის შემდეგ, ჩრდილოეთ კორეა პანდემიის გამო 4 წლით დაიხურა, მაგრამ წელს, მოსკოვსა და ფხენიანს შორის პოლიტიკური კავშირების სწრაფად გაძლიერების ფონზე, ის ხელახლა გაიხსნა და ისიც, მხოლოდ რუსებისთვის.„ყველას თავისი ინტერესი აქვს ამ ქვეყანაში. ზოგიერთი ადამიანი აქ მოდის, რათა მონახულებული სახელმწიფოების კოლექციას დაამატოს, ზოგი იმისთვის, რომ ჩრდ. კორეის ისტორია უკეთ გაიგოს, ზოგიც იმ მიზნით, რომ მოინახულოს თავისი წინაპრების მიწა, ზოგი უბრალოდ, ყოველთვის ოცნებობდა ჩრდილოეთ კორეის მონახულებაზე“, - აცხადებს „კომერსანტის“ კორესპონდენტი.დახურული ცხოვრების წესის გამო, ამ ქვეყანასთან დაკავშირებით ყოველთვის იყო უამრავი კლიშე. უპირველეს ყოვლისა, მოსახლეობის უიმედო სიღარიბისა და შიმშილის შესახებ. რუსი კორესპონდენტი აღნიშნავს, რომ პირველივე შეხედვით ეს მოლოდინი არ მართლდება. მისი თქმით, მთელს ქალაქში არის ახალი, თანამედროვე მაღალსართულიანი შენობები, რომლებიც ღამით განათებულია. დედაქალაქში ბევრი თანამედროვე საცხოვრებელი კორპუსია.თუმცა, ჩრდილოეთ კორეის მოქალაქეებს არ შეუძლიათ ბინის ყიდვა: საცხოვრებელ სახლს გასცემს სახელმწიფო. ყოველწლიურად ქირავდება 10 ათასობით ბინა, მათგან უმეტესობა სამ და ოთხ-ოთახიანია, დაახლოებით 120 კვადრატული მეტრის ფართობით.საბინაო კომიტეტები ახალგაზრდა ოჯახებისთვის ცალკე საცხოვრებლებზე მუშაობენ. ასეთი სოციალიზმის ერთადერთი მინუსი არის ის, რომ გაუთხოვარი გოგოები და მარტოხელა მამაკაცები ვალდებულნი არიან იცხოვრონ მშობლებთან, სანამ არ დაქორწინდებიან. სხვათა შორის, ქვეყნის კანონი განსაზღვრავს განქორწინების უფლებას, მაგრამ სინამდვილეში, ეს არის უფლება, რომელსაც ჩრდილოეთ კორეელები თითქმის არასოდეს იყენებენ, რადგან განქორწინება, ადგილობრივი მსოფლმხედველობის მიხედვით, ამორალურია.ცხოვრების კიდევ ერთი განსხვავებაა საცობების არარსებობა ფხენიანის ფართო ქუჩებზე. ზოგადად, გზებზე ბევრი მანქანა არ არის.ეს კი იმიტომ, რომ კერძო ავტომობილის ფლობა არის უმცირესი ჯგუფის პრეროგატივა, რომელიც შედგება განსაკუთრებით გამოჩენილი ადამიანებისგან, როგორებიც არიან ოლიმპიური ჩემპიონები (თუმცა ჯერჯერობით მხოლოდ 56 ოქროს, ვერცხლის და ბრინჯაოს მედალოსანია ჩრდ კორეაში).ფხენიანის მცხოვრებლებისთვის ძირითადი გადაადგილების საშუალებაა ტაქსები, ასევე ტროლეიბუსები, ავტობუსებისა და ტრამვაის საკმაოდ ფართო ქსელი, ასევე ველოსიპედებიც, რომელიც ძალიან პოპულარულია.ფხენიანის ქუჩებში ვერსად ნახავთ ქვეყნის ლიდერის, კიმ ჩენ ინის ძეგლებს, (რაც მისი განსაკუთრებული მოკრძალებით აიხსნება), მაგრამ ის ყველა ადგილობრივი გაზეთისა და ჟურნალის მთავარი გმირია. და, რა თქმა უნდა, ნებისმიერ ისტორიას, რომელსაც გიდები ჰყვებიან ქვეყანაში მიმდინარე ცხოვრების შესახებ, ყოველთვის თან ახლავს შენიშვნა, რომ ყველაფერი კარგი გაკეთდა „ამხანაგ კიმ ჩენ ინის ბრძნული ხელმძღვანელობით“.ჩრდილოეთ კორეას არ აქვს ჩვეულებრივი ინტერნეტი. Wi-Fi ხელმისაწვდომია უცხოელებისთვის შერჩეულ სასტუმროებში, მაგრამ ფასი საკმაოდ მაღალია: ათი წუთის გამოყენებისთვის 2 დოლარის გადახდა გიწევთ. ამიტომ, ქვეყნის გარშემო მოგზაურობა ერთგვარ ციფრულ დეტოქსიკაციად შეიძლება შეფასდეს.ჩრდილოეთ კორეელებს თავისი ინტერნეტი აქვთ, რომელსაც გლობალურ ქსელთან საერთო არაფერი აქვს. მისი გამოყენება შესაძლებელია ტაქსის გამოსაძახებლად ან საჭმლის შესაკვეთად.რუსი კორეპონდენტი აღნიშნავს, რომ მთავარი, რაც აქ ვიზიტის შემდეგ გრჩებათ, არის „საბჭოთა ბედნიერი ბავშვობის“ გემო, რასაც კიდევ უფრო მეტად ამყარებს წითელი პიონერის ჰალსტუხიანი ბავშვებისა და მოზარდების დიდი რაოდენობა, რომლებიც უცხოელ ტურისტებს მკაცრად განსაზღვრული ღიმილით ასაჩუქრებენ.

1715860501

ზოგადი განათლების საფეხურებში ცვლილება ხორციელდება, რომლის მიღების შედეგად, სავალდებულო საბაზო განათლება 9 კლასის ნაცვლად, 10 კლასით განისაზღვრება და მოსწავლეების სავალდებულო განათლების მიღების უზრუნველყოფა 10 კლასის ჩათვლით მოხდება.პარლამენტში ინიცირებულია „ზოგადი განათლების შესახებ“ კანონში ცვლილებები, რომლის მიხედვით, საქართველოში ზოგადი განათლების 3 საფეხური შემდეგნაირად განისაზღვრება: - დაწყებითი (6 წელი - I-VI კლასები), საბაზო (4 წელი - VII-X კლასები) და საშუალო (2 წელი - XI-XII კლასები).პროექტის ავტორი და ინიციატორი განათლებისა და მეცნიერების სამინისტროა, რომლის ინფორმაციით, საკმაოდ მაღალია იმ მოსწავლეთა რაოდენობა, რომლებიც სკოლას მე-9 კლასის შემდეგ ტოვებენ (3 200-მდე მოსწავლე 2023 წელს), ხოლო მათი შრომის ბაზარზე დასაქმების პერსპექტივა ძალიან დაბალია, რადგან 9 კლასის დასრულების შემდეგ მოსწავლეები 15 წლისანი არიან, „შრომის კოდექსის“ თანახმად კი, ფიზიკური პირის შრომითი ქმედუნარიანობა 16 წლიდან წარმოიშობა.განათლებისა და მეცნიერების სამინისტრო ყურადღებას ამახვილებს იმაზე, რომ მატულობს მოზარდების ისეთი რისკების წინაშე დადგომის ალბათობა, როგორიცაა ბავშვთა ქორწინება, ასაკის შეუსაბამო დასაქმება, ტრეფიკინგი, კანონსაწინააღმდეგო ქმედებები და არასრულწლოვანთა მართლმსაჯულების სისტემაში მოხვედრა და სხვა.როგორც სამინისტრო განმარტავს, საბაზო საფეხურის გაზრდით მოსწავლეები უფრო მომზადებულები იქნებიან იმისთვის, რომ მეტად გააზრებული გადაწყვეტილება მიიღონ - განაგრძონ სწავლა ზოგადსაგანმანათლებლო დაწესებულებაში, თუ პროფესიულ სასწავლებელში.

1715858341

საქართველოს ეროვნული პლატფორმა, რომელშიც 150-ზე მეტი ორგანიზაციაა გაერთიანებული, მე-10 მოწვევის პარლამენტთან თანამშრომლობის მემორანდუმს საბოლოოდ წყვეტს. ამის შესახებ პლატფორმამ განცხადება გაავრცელა. „საქართველოს პარლამენტმა არ შეისმინა ქართული საზოგადოების უმრავლესობის მოთხოვნა, დასავლელი მეგობრებისა და პარტნიორების რჩევა, გაეწვიათ რუსული კანონი. 14 მაისს მე-10 მოწვევის პარლამენტმა მე-3 მოსმენით მიიღო კანონი „უცხოური გავლენის გამჭვირვალობის შესახებ“, რომელმაც მიღებამდე განვითარებული ძალადობის, დაშინების, სტიგმატიზაციისა და განსხვავებული აზრის დევნა დააკანონა.საქართველოს კონსტიტუციით გარანტირებულია შეკრებისა და მანიფესტაციის უფლება! ჩვენ, საქართველოს ეროვნული პლატფორმის წევრები, სოლიდარობას ვუცხადებთ ყველა დაზარალებულს, რომელიც ბოლო დღეებში მიმდინარე მასშტაბური რეპრესიების, ფიზიკური და ფსიქოლოგიური ძალადობის მსხვერპლი გახდა და მშვიდობიანი პროტესტით იცავს ჩვენი ქვეყნის ევროპულ მომავალს. ზემოაღნიშნულიდან გამომდინარე, საქართველოს ეროვნული პლატფორმა საბოლოოდ წყვეტს საქართველოს მე-10 მოწვევის პარლამენტთან თანამშრომლობის მემორანდუმს“, - აღნიშნულია განცხადებაში.

1715854263

„ლარს მთელი 4 თვეა აუფასურებს ეროვნული ბანკი“,- ამის შესახებ „ევროოპტიმისტების“ ლიდერმა რომან გოცირიძემ „პალიტრანიუსის“ გადაცემაში „360 გრადუსი“ განაცხადა.მისი თქმით, სებ-ი ინტერვენციებს აგვიანებს, რის გამოც ეროვნული ვალუტა ეცემა.„ლარი შეიძლება ერთ დღეს გაუფასურდეს ამ პანიკის ან სხვა რამის გამო, მაგრამ ლარს მთელი 4 თვეა აუფასურებს ეროვნული ბანკი. მაისის 25-ში გავიგებთ, რა რაოდენობის დოლარი იყიდა ეროვნულმა ბანკმა (ვიგებთ 55 დღის შემდეგ), თუ 1-ელ აპრილს რაღაც იყიდა, ამას ვიგებთ 25 მაისს და ამაზე მე ბევრჯერ მითქვამს. მაგრამ, რაც ვიცით ჩვენ, სადღაც 300 მლნ დოლარი იყიდა და 800 მლნ ლარი გაუშვა მიმოქცევაში, ანუ დღეს ლარის კურსი გაცილებით მყარი იქნებოდა, ეროვნულ ბანკს ზომიერად რომ ეყიდა უცხოური ვალუტა, თუ შემოდინებები ხდებოდა. როგორც ჩანს, კვლავ არის ეს შემოდინება, მათ შორის, რუსეთიდან, არ დამთავრებულა ეს მოძრაობები აქეთ, როგორც ჩანს, შიშები მაინც არის და რაღაც ფული კიდევ შემოდის. მას რომ დაეცვა ბალანსი, ლარი უფრო მყარი იქნებოდა. დღეს ლარი შეიძლება ყოფილიყო 1,6 – 1,58 ... ამდენი ფული რომ იყიდე, რატომ არ აკეთებ ინტერვენციებს?! რაც შენ იყიდე დოლარები, უკან რატომ არ ჩააბრუნე?! 300 მლნ-ის ნაცვლად 10 % მაინც დააბრუნე, ინტერვენციას რატომ არ აკეთებ?! ამიტომ, ეროვნულმა ბანკმა დააგვიანა ინტერვენციები. როგორც კი ატყდა ეს პირველი რეაქცია და ბაზარმა ჯანსაღი რეაგირება მოადინა, ეროვნულმა ბანკმა ვერ მოახდინა.მე არ ვარ პოპულისტი, არ ვამძიმებ ვითარებას, როგორც კი ლონდონის ბირჟასთან დაკავშირებით გავიგეთ და შემდეგ უფრო დაწვრილებითი ინფორმაცია გამოვიდა, 100-მა ადამიანმა მომწერა (მიყურებენ ალბათ), მათ შორის, ემიგრაციიდან, ამერიკიდან, საფრანგეთიდან, გამოვიტანოთ ფული? ბანკებში გვაქვს შენახული დოლარები... ვაიმე, რა გვეშველება, კოტრდება საქართველო? იმავე წუთს დავპოსტე, „თიბისი ბანკი“ და „საქართველოს ბანკი“ არის კარგად კაპიტალიზებული ჯანსაღი ბანკები, ნურავითარ პანიკას ნუ მიეცემით“,- განაცხადა რომან გოცირიძემ.თუმცა, აღნიშნა, რომ თუ ამ მომენტისთვის პანიკის საფუძველი არ არსებობს, საშუალო და გრძელვადიან პერიოდში, სანქციების გავლენით ქვეყანა უმძიმეს მდგომარეობაში აღმოჩნდება.„ეს არის ამ მომენტში, ხანგრძლივ პერიოდში, საშუალოვადიანში, 1 წლის შემდეგ, როგორც კი დასანქცირება დაიწყება და აუცილებლად დაიწყება თუ ვეტო დაძლიეს, მაშინ უმძიმეს მდგომარეობაში ჩავარდება ქვეყანა “,- განაცხადა რომან გოცირიძემ.  

1715849660

თბილისის მერიის „შეზღუდული შესაძლებლობის მქონე ბავშვთა და მოზარდთა საკურორტო მომსახურების“ პროგრამის ფარგლებში, შშმ პირებისთვის საქართველოს კურორტებზე სასტუმროს ხარჯი ვაუჩერის გზით ფინანსდება, - ამის შესახებ თბილისის მერმა კახა კალაძემ დედაქალაქის მუნიციპალიტეტის მთავრობის სხდომაზე განაცხადა.მისივე თქმით, საკურორტო ვაუჩერის მფლობელებს მისი გამოყენება პირველი მაისიდან 15 სექტემბრის ჩათვლით, მათთვის სასურველ დროს შეეძლებათ.„ამ პროგრამას დიდი ხანია ვახორციელებთ და ბევრი ადამიანია ჩართული. ჯანდაცვისა და სოციალური მომსახურების საქალაქო სამსახური წლიდან წლამდე ზრდიდა ვაუჩერის ღირებულებას და დღეისთვის ერთ საკურორტო ვაუჩერს 800 ლარით აფინანსებს. აღსანიშნავია, რომ ასევე, იხვეწებოდა პროგრამის დიზაინი და დღეისთვის ვაუჩერით მოსარგებლე (კანონიერი წარმომადგენელი) თავად ირჩევს დასასვენებელ ადგილს და სასტუმროს. ადრე მუნიციპალიტეტი იღებდა გადაწყვეტილებას, თუ რომელი სასტუმრო უნდა ყოფილიყო, დღეს კი ვაუჩერის მეპატრონე თავად ირჩევს, თუ რომელ სასტუმროში განთავსდეს. საკურორტო ვაუჩერის გამოყენება პირველი მაისიდან 15 სექტემბრის ჩათვლით არის შესაძლებელი და მის მფლობელს, სასურველი დროის შერჩევა თავისუფლად შეუძლია“, - განაცხადა კახა კალაძემ. თბილისის მერის თქმით, წელს შშმ პირებისთვის გადაცემული საკურორტო ვაუჩერების რაოდენობამ 3 000-ს გადააჭარბა.„თბილისის მერია ყოველ წელს ზრდის გაცემული ვაუჩერების რაოდენობას და თუ გასულ წელს 2 500 ვაუჩერი გაიცა, მიმდინარე წელს, მათმა რაოდენობამ 3 000-ს გადააჭარბა. ჩვენ ყოველთვის გვერდით დავუდგებით ყველა იმ ოჯახს, ადამიანს, ვისაც ჯერ კიდევ სჭირდება ჩვენი თანადგომა და ეს თანადგომა გაგრძელდება ყოველთვის“, - განაცხადა დედაქალაქის მერმა, კახა კალაძემ.