"პრემიერი კობახიძე საქართველოში საბჭოთა კავშირის დროინდელი "გოსპლანის" დაბრუნებას აპირებს", - ამგვარად შეაფასა ეკონომიკური საკითხების ექსპერტმა გია ხუხაშვილმა ხელისუფლების ახალი ინიციატივა პროდუქტის ფასების შემცირების თაობაზე. შეგახსენებთ, რომ პრემიერ ირაკლი კობახიძის განცხადებით, საქართველოს საზღვრიდან დახლამდე ჯამ­ური­ ფასნამატი 86 პროცენტს აღწევს და ხელისუფლება აპირებს მუშაობა დაიწყოს როგორც სადისტრიბუციო კომპანიებთან, ისე სუპერმარკეტების ქსელებთან, რათა ფასების შემცირების რესურსი გამოავლინოს. პრემიერი არ გამორიცხავს კარტელურ გარიგებებსაც და ამბობს, რომ შესაძლოა საქმე სისხლის სამართლის დანაშაულთან გვქონდეს, რის გამოც პროცესში სამართალდამცავი სტრუქტურებიც უნდა ჩაერთონ. მისივე განცხადებით, კითხვები ყველა­ შესაბამის პირს დაესმება, ხოლო ოპოზიცია­ "მაღალი ფასების მხარეს" დგომაში დაადანაშაულა. რამდენად რეალურია ფასების შემცირება ადმინისტრაციული ჩარევით? რას ნიშნავს "86 პროცენტი საზღვრიდან დახლამდე" და რეალურად სად გროვდება ძირითადი ფასნამატი, ლოჯისტიკაში, ქსელურ ვაჭრობაში თუ ბაზრის ზოგად სტრუქტურაში? ხომ არ იქცევა ფასების პრობლემა პოლიტიკური გავლენების, ბიზნესზე ზეწოლის ინსტრუმენტად? ამ საკითხებზე ანალიტიკოსი გია ხუხაშვილი გვესაუბრება.- ხელისუფლება ცდილობს შექმნას ილუზია, თითქოს ხალხზე ზრუნავს. სინამდვილეში ეს ფარსია. საბაზრო ეკონომიკაში ფასებზე საბოლოო პასუხისმგებლობა ხელისუფლებას ეკისრება, რადგან ფასების ასეთი ზრდა პირდაპირ კავშირშია კონკურენციის შეზღუდვასთან. ნორმალურ ეკონომიკაში განვითარებული ინფრასტრუქტურა და ფართო რეალიზაციის ქსელი ფასებს ამცირებს, რადგან იზრდება კონკურენცია, მაგრამ როცა ხელისუფლება თავად უწყობს ხელს ბიზნესების გამსხვილებას, ეს იწვევს მონოპოლიების, ოლიგოპოლიებისა და კარტელური გარიგებების ჩამოყალიბებას. ასეთი სისტემები ხელისუფლების მონაწილეობის გარეშე არ ყალიბდება. ამიტომ, თუ სადმე ფასები დამახინჯებულია, ეს სუს-ის შეშვებით და ვიღაცების დასჯით არ მოგვარდება, პრობლემა ჯანსაღი კონკურენტული გარემოს უქონლობაა. როცა ბიზნესმენებს პარტიულ სალაროსთან აყენებენ და ზოგს 200 ათასს ახდევინებენ, ზოგს 60 ათასს და ზოგსაც 300 ათასს, ეს თანხა პროდუქტის თვითღირებულებაში ჯდება. მერე უკვირთ, რატომ ძვირდება პროდუქტიო? იმიტომ ძვირდება, რომ ბიზნესს აქვს პოლიტიკური გადასახადი და პოლიტიკური რისკი, რაც საბოლოოდ ფასებში აისახება. პრემიერ კობახიძის განცხადება, რომ თითქოს ქვეყანაში "ძალიან ბევრი მარკეტია" და ეს არის ფასების ზრდის მიზეზი, ეკონომიკური უცოდინარობის მაგალითია. ელემენტარული ეკონომიკური კანონია: რაც უფრო მეტია რეალიზაციის ინფრასტრუქტურა, მით უფრო დაბალი უნდა იყოს ფასები. მარკეტების სიმრავლე ფასებს კი არ ზრდის, ამცირებს. თუ ასე არ ხდება, ე.ი. ქვეყანაში არაჯანსაღი გარემოა, რომელზეც პასუხისმგებელი თავად ხელისუფლებაა. მაინტერესებს, სუს-მა ფასები როგორ უნდა "დაადგინოს"? კანონით ადამიანს შეუძლია ნებისმიერი ფასნამატი დაადოს პროდუქტს. ჯანსაღ ბაზარზე ძვირად ვერ გაყიდი, რადგან კონკურენტი იაფად გაყიდის და გაიძულებს ფასის დაწევას. დაბალი ფასების ერთადერთი გარანტია კონკურენციაა. სადაც კონკურენცია არ არსებობს, იქ იწყება ფასების მონოპოლიური ზრდა და დღეს სწორედ ეს ხდება.- პრემიერი საუბრობს შესაძლო კარტელურ გარიგებებზე, ასევე აცხადებს, რომ საზღვრიდან დახლამდე ჯამური ფასნამატი 86 პროცენტს აღწევს. რა მეთოდოლოგიით შეიძლება იყოს მიღებული ეს რიცხვი, რა კომპონენტები შედის მასში და რეალურად, საქართველოს ბაზარზე ფასის ზრდის ძირითადი წნეხი სად ყალიბდება, დისტრიბუციის ეტაპზე თუ საცალო ქსელებში?- ეს იაფფასიანი პოპულიზმია. თუმცა­ ეჭვი მაქვს, კობახიძე ეკონომიკურ პროცესებში ვერ ერკვევა. ვინ ქმნის­ ამ კარტელურ გარემოს? ისევ ხელისუფლება.­ ავიღოთ ბიზნესასოციაცია, ეს ხომ ფაქტობრივად კარტელური სისტემის პროდუქტია. ის ლობირებს საკუთარ წევრებს კონკურენციაში, ისინი აფინანსებენ პარტიებს და ამის სანაცვლოდ გარანტიებს იღებენ. მერე, როცა ხელისუფლება ვითომ "ებრძვის" კარტელს, იგივე ბიზნესები ეტყვიან, ფული რომ მოგვთხოვეთ პარტიულ სალაროში, სად უნდა გვეშოვა, თუ მონოპოლია არ გვექნებოდა და ტენდერებს მარტო ჩვენ არ მოვიგებდითო? ღარიბაშვილის, ლილუაშვილის და სხვების კორუფციული საქმეები გავიხსენოთ, საიდან მიდიოდა მათთან ფული?! ბიზნესიდან ხომ არა?! ეს ე.წ. ხარკი პროდუქტის თვითღირებულებაში არ აისახებოდა?! იმ 86%-იან ფასნამატში მინიმუმ 15-20% პოლიტიკური კორუფციის შედეგია. თუ ეს წნეხი მოიხსნება და ბიზნესი პოლიტიკური რისკებისგან გათავისუფლდება, ჯანსაღი კონკურენცია თვითონ დაარეგულირებს ფასებს. ამას ხელისუფლებისა და სუს-ის ჩარევა კი არა, თავისუფალი ბაზარი სჭირდება.- შეიძლება საბოლოოდ ყველა ჯოხი ღარიბაშვილზე გადატყდეს?- რატომ მხოლოდ ღარიბაშვილზე? მამუკა ხაზარაძის სადისტრიბუციო კომპანიასაც მიადგნენ, რაც სასაცილოა. ამ კომპანიას დისტრიბუციის სეგმენტის მხოლოდ 2% უჭირავს. ეს არის კლასიკური მანიპულაცია: თითქოს მიზეზები სხვაგანაა, თითქოს კონკრეტული "დამნაშავეები" უნდა ვიპოვოთ, რეალურად კი მიზანი პასუხისმგებლობის გადატანაა. ვიღაცებს გადააბრალებენ ყველაფერს, თვითონ კი ძალაუფლებაში დარჩებიან. გათვლა სწორედ ამაზეა.- ე.ი. კიდევ დაისჯებიან ვიღაცები?- ფასის გამო ვერავის დასჯიან. ჩვენი კანონმდებლობით, თუნდაც 100%-იანი ფასნამატი დაადო პროდუქტს, ამისთვის პასუხს ვერავინ მოგთხოვს. ეს საბაზრო ეკონომიკაა.- თუ კარტელურ გარიგებაში დაადანაშაულებენ?- კარტელური გარიგებები შეიძლება არსებობდეს ისეთ ბაზრებზე, სადაც­ კონცენტრაცია მაღალია, მაგალითად, ფარმაცევტულ სექტორსა და ნავთობპროდუქტებში. ვინ არიან ამ ბაზრებზე მთავარი მოთამაშეები? სწორედ ის კომპანიები,­ რომლებიც ხელისუფლებას ხარკს უხდიან.­ ეს ხარკი ხომ ჰაერიდან არ მოდის?! თუ ბაზარს ხელოვნურად არ აკონტროლებ, ამ ფულს საიდან მოიტან? ხელისუფლებას­ უნდა ერთდროულად ხარკიც აიღოს და დაბალი ფასებიც ჰქონდეს, ეს კი არ მუშაობს.- შეიძლება თუ არა მცირედით მაინც შემცირდეს პროდუქტის ფასები?- დიდი ბოდიში, მაგრამ გახსოვთ კამპანია წამლებთან დაკავშირებით? რა აღშფოთებით საუბრობდნენ "ქართული ოცნების" წევრები წამლების განუზომლად მაღალ ფასებზე? მაშინაც დიდი ხმაური იყო, განცხადებები, "ბრძოლა ფასებთან"…და მერე რა მოხდა? ბოლოს ისევ გარიგდნენ და ყველაფერი ძველებურად დარჩა.- მე ისიც მახსოვს, "ორმა ბანკმა რომ "გადაჭამა" ყველაფერი.- ძალიან კარგად გაიხსენეთ ბანკების თემა. კამპანია რომ დაიწყეს, ბანკების მოგება კი არ შემცირდა, პირიქით, გაიზარდა.­ როგორ გგონიათ, რის ხარჯზე? მომსახურების ღირებულების ზრდის ხარჯზე. ყველაფერი იწყება პოპულისტური განცხადებებით და "ნიანგის ცრემლების"­ ღვრით. ამიტომ ტყუილად ელოდებით ფასების შემცირებას, პირიქით, მოიმატებს. ახლა, როცა სუს-ი შევიდა მაღაზიებში, იმასაც ხომ რაღაც უნდა "აჭამონ", რომ თავი დაანებონ?! და სუს-ს რომ "აჭმევენ", ეს ხარჯი სად აისახება? საბოლოოდ ისევ ფასებში. ამიტომ პროდუქტი უფრო გაძვირდება.- ეს მოცემულობა საბჭოთა პერიოდის ეკონომიკასთან პარალელებს ავლებს?- საბჭოთა კავშირში იყო სახელმწიფო­ ფასები და რეალური ეკონომიკა საერთოდ არ არსებობდა. არსებობდა ე.წ. გოსპლანი, რომელიც ფასებს ზემოდან ადგენდა. დღეს კობახიძე ფაქტობრივად იმავე მოდელის შექმნას ცდილობს, თუმცა ვერ იმუშავებს, მაგრამ თავად გზავნილი სწორედ იქამდე მიდის - საბჭოთა ტიპის მართვამდე. ეს არის უკიდურესად სახიფათო და აბსურდული მიდგომა თანამედროვე ეკონომიკაში.- პრემიერმა კობახიძემ განაცხადა, რომ ხელისუფლება მზად არის დისკუსიისთვის, დაუძახებენ ყველას და დაუსვამენ კითხვებს, თუმცა ოპოზიციაში ამის მზაობა არ ჩანს.- მე არ ვიცი, რა გათვლით გადაწყდა, რომ თითქოს ურთიერთობების გასახსნელად ოპოზიციასთან დიალოგი უნდა დაწყებულიყო. რეალურად ხელისუფლების მიერ დებატებზე საუბარი უკიდურესი თავხედობაა, რადგან ყველამ კარგად ვიცით, რომ მათ კონტროლირებად მედიასივრცეში არსებობს "შავი სიები", სადაც არასასურველი პირები არ დაიშვებიან. მე თავად ვარ ამის ცოცხალი მაგალითი. მე ვიყავი ადამიანი, რომელმაც "იმედი" დაუბრუნა მის მეპატრონეს, მაშინ როდესაც ბიძინა წინააღმდეგი იყო, რომ ეს ტელევიზია ბადრის ოჯახს დაბრუნებოდა. თუმცა დღეს სწორედ მე აღმოვჩნდი ამ ტელევიზიის შავ სიაში. ამიტომ, როდესაც ასეთი ადამიანები დებატებზე იწყებენ ლაპარაკს, ეს დიდი უტიფრობა და ტყუილია. განაგრძეთ კითხვა

საქართველოს ნავთობისა და ნავთობპროდუქტების იმპორტი 8%-ით გაუიაფდა. კერძოდ, სტატისტიკის ეროვნული სამსახურის მონაცემებით 2024 წელს ქვეყანაში 1.303 მლრდ დოლარის ღირებულების 1 595 001 ტონამდე ნავთობპროდუქტები შემოვიდა, 2025 წელს კი 1.358 მლრდ დოლარის ღირებულების 1 809 312 ტონა. გამოდის, რომ 2025 წელს ერთი ტონა ნავთობისა და ნავთობპროდუქტების იმპორტის ღირებულება ტონაზე 751 დოლარს შეადგენდა, 2024 წელს კი 816 დოლარს.რაც შეეხება იმპორტიორ ქვეყნებს, როგორც 2024 წელს, ასევე შარშანაც მთავარი იმპორტიორი რუსეთი იყო. ხუთეულში შედიან - ბულგარეთი, რუმინეთი, აზერბაიჯანი და თურქეთი.ტოპ-5 ქვეყანა, სადაც 2025 წელს საქართველომ ყველაზე დიდი რაოდენობით ნავთობი და ნავთობპროდუქტები იყიდა: რუსეთი - 477.674 მლნ დოლარის 693 645 ტონა რუმინეთი - 230.948 მლნ დოლარის 305 553 ტონა ბულგარეთი - 192.995 მლნ დოლარის 263 583 ტონა აზერბაიჯანი - 117.772 მლნ დოლარის 171 811 ტონა თურქეთი - 107.983 მლნ დოლარის 120 737 ტონა

აშშ დოლარის ოფიციალური ღირებულება 2.6937 ლარი გახდა.ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6937 ლარი გახდა. კურსი, რომელიც დღეს მოქმედებდა, 2.6941 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0004 ლარი შეადგინა.რაც შეეხება ევროს, მისი კურსი 3.1950 ლარია. მაშინ, როცა დღეს მოქმედი კურსი 3.1607 ლარს შეადგენდა. შესაბამისად, ევროს ცვლილება 0.0343 ლარი შეადგინა.

ეროვნული ბანკის მიერ 23 იანვრის დადგენილი კურსით, დღეს 1 აშშ დოლარის ღირებულება 2.6941 ლარი, ხოლო ევროს კურსი 3.1607 ლარია.„ბიზნესპრესნიუსი“ გთავაზობთ თბილისის სხვადასხვა უბნებში მოქმედ სავალუტო ჯიხურებში ლარის გაცვლით კურსს ევროსა და დოლარის მიმართ.ვალუტის კურსი ჯიხურებში დღეს, 09:30 საათის მდგომარეობით:ამ მომენტისთვის, (09:30 საათისთვის) საბურთალოზე მდებარე სავალუტო ჯიხურებში ერთი დოლარის ყიდვას მოქალაქეები 2.6950 ლარად შეძლებენ, სავალუტო ჯიხურები კი - 2.6900 ლარად ყიდულობენ. ერთი ევროს შეძენა მოქალაქეებს 3.1850 ლარად, გაყიდვა კი 3.1750 ლარად შეუძლიათ.ჩუღურეთში დოლარის ყიდვას მოქალაქეები 2.6950 ლარად, ხოლო გაყიდვას 2.6900 ლარად შეძლებენ. რაც შეეხება ევროს, მისი ყიდვა მოქალაქეებს - 3.1880 ლარად, ხოლო გაყიდვა - 3.1650 ლარად შეუძლიათ.სადგურის მოედნის მიმდებარე ტერიტორიაზე ვალუტის გადამცვლელ პუნქტებში ერთი დოლარის ყიდვა მოქალაქეებს - 2.6950 ლარად, გაყიდვა კი - 2.6910 ლარად შეუძლიათ. რაც შეეხება ევროს, ერთ ევროს ყიდვას მოქალაქეები 3.1950 ლარად, გაყიდვას კი - 3.1750 ლარად შეძლებენ.თავისუფლების მოედნის მიმდებარე ტერიტორიაზე, სავალუტო ჯიხურებში 1 აშშ დოლარის ყიდვას მოქალაქეები 2.6950 ლარად, ხოლო გაყიდვას 2.6700 ლარად შეძლებენ, რაც შეეხება ევროს, მისი ყიდვა მოქალაქეებს 3.1950 ლარად, გაყიდვა კი 3.1500 ლარად შეუძლიათ.ცნობისთვის, ეროვნული ბანკი ახალ კურსს დღეს 17:00 საათზე გამოაქვეყნებს.

2025 წლის დეკემბერში მომხმარებელთა უნაღდო დანახარჯები და ტრანზაქციების რაოდენობა წლიურ ზრდას განაგრძობს, - ამის შესახებ აღნიშნულია „თიბისი კაპიტალის“ ბაზრის მიმოხილვაში.ამავე პერიოდში, რეზიდენტებმა „თიბისი ბანკის“ არხებით გაწეული ჯამური უნაღდო დანახარჯების 87%, ხოლო არარეზიდენტებმა 13% დაიკავეს.„2025 წლის დეკემბერში, „თიბისი ბანკის“ არხებით, ჯამურ უნაღდო დანახარჯებში სურსათზე გაწეული ხარჯების წილი 27%-ს, ხოლო რესტორნებში დანახარჯების წილი 13%-ს გაუტოლდა.ამავე თვეში, სურსათზე უნაღდო დანახარჯები წლიურად 20%-ით გაიზარდა, ხოლო საშუალო დანახარჯი ერთ ტრანზაქციაზე 19 ლარი დაფიქსირდა. სურსათსა და უალკოჰოლო სასმელებზე ინფლაციამ 9% შეადგინა“, - აღნიშნულია კვლევაში.

აშშ დოლარის ოფიციალური ღირებულება 2.6941 ლარი გახდა.ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6941 ლარი გახდა. კურსი, რომელიც დღეს მოქმედებდა, 2.6946 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0005 ლარი შეადგინა.რაც შეეხება ევროს, მისი კურსი 3.1607 ლარია. მაშინ, როცა დღეს მოქმედი კურსი 3.1497 ლარს შეადგენდა. შესაბამისად, ევროს ცვლილება 0.0110 ლარი შეადგინა.

2025 წლის მეოთხე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 1.5 პროცენტით გაიზარდა, ხოლო ინდექსის წლიურმა ზრდამ 3.3 პროცენტი შეადგინა. ამის შესახებ ინფორმაციას სტატისტიკის ეროვნული სამსახური აქვეყნებს.მათივე ცნობით, 2020 წლის საშუალოსთან შედარებით ინდექსი 59.4 პროცენტით არის გაზრდილი.ცნობისთვის, RPPI-ის დაფარვა შემოიფარგლება თბილისით და მოიცავს მხოლოდ ახალი საცხოვრებელი უძრავი ქონების ბაზარს, როგორც მრავალსართულიანი სახლების (ბინების), ისე კერძო სახლების სეგმენტებს.„2025 წლის მეოთხე კვარტალში, წინა კვარტალთან შედარებით, ფასების ზრდა დაფიქსირდა, როგორც საცხოვრებელი ბინების სეგმენტში (1.3 პროცენტი), ისე კერძო სახლების სეგმენტში (2.1 პროცენტი).2024 წლის მეოთხე კვარტალთან შედარებით ფასების ზრდა დაფიქსირდა ორივე სეგმენტში - ბინებზე 3.5 პროცენტით, ხოლო კერძო სახლებზე 2.5 პროცენტით.საცხოვრებელი უძრავი ქონების ფასების ინდექსი (RPPI) ასახავს საცხოვრებელი უძრავი ქონების ფასების დინამიკას. ინდექსი მოიცავს უძრავი ქონების ბაზრის ახალი აშენებული და მშენებარე საცხოვრებლების სეგმენტს თბილისში,“- ვკითხულობთ „საქსტატის“ ინფორმაციაში.

„ჯამური ფასნამატი არის 86%, აქედან 44% მოდის დისტრიბუციაზე და დაახლოებით 28% მოდის ქსელურ მარკეტებზე, ჯამურად არის 86%-მდე“, - ამის შესახებ სურსათზე ფასებზე საუბრისას პრემიერ-მინისტრმა ირაკლი კობახიძემ „იმედის“ ეთერში განაცხადა.მისი თქმით, ფასების შესწავლის ნაწილში სამუშაოები აპრილის ბოლომდე დასრულდება.„განსხვავდება მარჟები მარკეტებსა და დისტრიბუტორებს შორის, ჯამურად არის 86%, რაც განაპირობებს იმას, რომ დიდი სხვაობა ევროპულ ფასებთან. რომ შევისწავლეთ ევროპაში ფასწარმოქმნა, დაახლოებით 20%-დან 30%-მდე მერყეობს საბითუმოდან თაროს ფასამდე სხვაობა. ჩვენ შემთხვევაში ამას ტრანსპორტირებაც ემატება, მაგრამ მთლიანობაში 86% ბევრად მეტია, ვიდრე გერმანული მარკეტების შემთხვევაში. ამას ემატება ისიც, რომ გერმანიაში იჯარის ფასიც მეტია და ხელფასებიც უფრო მაღალია. ეს ბუნებრივია, განაპირობებს კიდევ უფრო მაღალ ხარჯებს ქსელური მარკეტებისთვის. ამ პირობებშიც კი 20-დან 30%-მდე მერყეობს იქ ფასნამატი. ამიტომ ვფიქრობთ, რომ არის სივრცე ფასნამატის შემცირებისა და ფასების დაკლებისთვის.მაგალითისთვის რომ ავიღოთ კონკრეტული სახეობის ბრინჯი, რომელიც ერთ-ერთ ევროპულ ქვეყანაში კონკრეტულ ქსელში ღირს 4-ლარზე ნაკლები და ზუსტად იგივე პროდუქტი საქართველოში იმავე ქსელში ღირს თითქმის 11 ლარი. თითქმის სამმაგია ფასებს შორის სხვაობა. ჩემთვის რთულად ასახსნელია ეს, თუმცა ჩავეძიებით და დავადგენთ, რამდენად არის ეს ყველაფერი ლოგიკური. ასევე ერთი საინტერესო დეტალია, რომ ხშირად პრეტენზიებს გამოხატავენ სექტორის წარმომადგენლები ერთმანეთის მიმართ - ქსელების წარმომადგენლები დისტრიბუტორების მიმართ, დისტრიბუტორები ქსელების მიმართ, მწარმოებლები ქსელების და დისტრიბუტორების მიმართ და ა.შ.ვნახოთ, მე ვფიქრობ, რომ ფასების შემცირებისთვის სივრცე არსებობს, სერიოზული სამუშაო არის ჩასატარებელი, ამაში დაგვეხმარება პარლამენტი, სადაც შეიქმნება შესაბამისი კომისია. იქ საჯაროდ წარიმართება პროცესი, მოსახლეობას შეეძლება უშუალოდ დააკვირდეს დისკუსიებს, რომელიც სექტორის წარმომადგენლებთან გაიმართება. აპრილის ბოლომდე ეს პროცესი უნდა დასრულდეს, მაგრამ ეს არ ნიშნავს იმას, რომ აპრილის ბოლომდე გვინდა, რომ დაველოდოთ ფასების შემცირებას, იმედი გვაქვს, რომ გზადაგზა მივაღწევთ შედეგებს აპრილის ბოლომდე“, - განაცხადა ირაკლი კობახიძემ.ცნობისთვის, პრემიერ-მინისტრმა ირაკლი კობახიძემ 2025 წლის 24 დეკემბერს განაცხადა, რომ სურსათის ევროპულ და ქართულ ფასებს შორის დიდი სხვაობა განპირობებულია სადისტრიბუციო კომპანიებისა და მარკეტების მაღალი ფასნამატით, რაც საქართველოს საზღვრიდან დახლამდე საშუალოდ 86%-ს შეადგენს.24 დეკემბერსვე სახელმწიფო უსაფრთხოების სამსახურმა განაცხადა, რომ სასურსათო ფასებთან დაკავშირებული საკითხის შესწავლას იწყებს. 2026 წლის 5 იანვარს კი სურსათის ფასებთან დაკავშირებით სამთავრობო კომისია შეიქმნა.20 იანვარს გაიმართა სამთავრობო კომისიის 1-ელი შეხვედრა, რომლის ფარგლებშიც ცნობილი გახდა, რომ სამთავრობო საკოორდინაციო კომისია სასურსათო პროდუქციის, მედიკამენტებისა და საწვავის ფასებთან დაკავშირებით იმუშავებს. ამასთან, გამოითქვა მოსაზრება რომ კომისია მუშაობას სავარაუდოდ აპრილის ბოლომდე დაასრულებს.

ეროვნული ბანკის მიერ 22 იანვრის დადგენილი კურსით, დღეს 1 აშშ დოლარის ღირებულება 2.6946 ლარი, ხოლო ევროს კურსი 3.1497 ლარია.„ბიზნესპრესნიუსი“ გთავაზობთ თბილისის სხვადასხვა უბნებში მოქმედ სავალუტო ჯიხურებში ლარის გაცვლით კურსს ევროსა და დოლარის მიმართ.ვალუტის კურსი ჯიხურებში დღეს, 09:30 საათის მდგომარეობით:ამ მომენტისთვის, (09:30 საათისთვის) საბურთალოზე მდებარე სავალუტო ჯიხურებში ერთი დოლარის ყიდვას მოქალაქეები 2.6960 ლარად შეძლებენ, სავალუტო ჯიხურები კი - 2.6850 ლარად ყიდულობენ. ერთი ევროს შეძენა მოქალაქეებს 3.1600 ლარად, გაყიდვა კი 3.15050 ლარად შეუძლიათ.ჩუღურეთში დოლარის ყიდვას მოქალაქეები 2.6960 ლარად, ხოლო გაყიდვას 2.6910 ლარად შეძლებენ. რაც შეეხება ევროს, მისი ყიდვა მოქალაქეებს - 3.1650 ლარად, ხოლო გაყიდვა - 3.1500 ლარად შეუძლიათ.სადგურის მოედნის მიმდებარე ტერიტორიაზე ვალუტის გადამცვლელ პუნქტებში ერთი დოლარის ყიდვა მოქალაქეებს - 2.6950 ლარად, გაყიდვა კი - 2.6900 ლარად შეუძლიათ. რაც შეეხება ევროს, ერთ ევროს ყიდვას მოქალაქეები 3.1700 ლარად, გაყიდვას კი - 3.1540 ლარად შეძლებენ.თავისუფლების მოედნის მიმდებარე ტერიტორიაზე, სავალუტო ჯიხურებში 1 აშშ დოლარის ყიდვას მოქალაქეები 2.6950 ლარად, ხოლო გაყიდვას 2.6700 ლარად შეძლებენ, რაც შეეხება ევროს, მისი ყიდვა მოქალაქეებს 3.1700 ლარად, გაყიდვა კი 3.1200 ლარად შეუძლიათ.ცნობისთვის, ეროვნული ბანკი ახალ კურსს დღეს 17:00 საათზე გამოაქვეყნებს.

აშშ დოლარის ოფიციალური ღირებულება 2.6946 ლარი გახდა.ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6946 ლარი გახდა. კურსი, რომელიც დღეს მოქმედებდა, 2.6950 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0004 ლარი შეადგინა.რაც შეეხება ევროს, მისი კურსი 3.1497 ლარია. მაშინ, როცა დღეს მოქმედი კურსი 3.1550 ლარს შეადგენდა. შესაბამისად, ევროს ცვლილება 0.0053 ლარი შეადგინა.

საქართველოში ოქროს ფასი ზრდას განაგრძობს. ამ დროისთვის თბილისის ოქროს ბირჟაზე 999-სინჯიანი 1 გრამი ოქრო 434 ლარი ღირს, 750-სინჯიანი - 325 ლარი, ხოლო 585-სინჯიანი 1 გრამი ოქროს ფასი 254 ლარია.რაც შეეხება ვერცხლის ფასს, მისი ღირებულებაც დღიდან დღემდე მატულობს. კერძოდ კი, 800 სინჯის 1 გრამი ვერცხლი 6.91 ლარი ღირს, ხოლო 999 სინჯის - 8.63 ლარი.მსოფლიო ბირჟებზე კი ერთი უნცია ოქრო, თბილისის დროით 12:30 საათისთვის, 4 480 დოლარი ღირს, რაც ერთდღიან პერიოდში 0.09%-ით შემცირებული ფასია. 1.42%-ით არის მომატებული ვერცხლის ფასი, ამ დროისთვის ერთი უნცია ბირჟებზე 94.12 დოლარი ღირს.

„ქართული ოცნების“ მთავრობაში ეკონომიკისა და მდგრადი განვითარების მინისტრის, მარიამ ქვრივიშვილის თვიური ხელფასი 2026 წელს 13 600 ლარი იქნება. მინისტრის პირველი მოადგილე ნინო ენუქიძე თვეში 12 000 ლარს მიიღებს, ხოლო დანარჩენი ხუთი მოადგილის ანაზღაურება 11 600 ლარით განისაზღვრა. BMG-ის ცნობით, შესაბამისი მონაცემები მთავრობის 37-ე განკარგულებაშია ასახული, რომელიც პრემიერ-მინისტრმა ირაკლი კობახიძე 15 იანვარს გამოსცა.დოკუმენტის მიხედვით, ეკონომიკის სამინისტროს ცენტრალურ აპარატში 225 ადამიანი მუშაობს, მათ შორის მინისტრი და მისი მოადგილეები, ხოლო სახელფასო ფონდის ჯამური ოდენობა 11.3 მილიონ ლარს შეადგენს. ამავე დროს, 2026 წლის ბიუჯეტის თანახმად, საჯარო სექტორში ანაზღაურებები 10%-ით იზრდება, მაშინ როცა ეკონომიკისა და მდგრადი განვითარების სამინისტროს საერთო ბიუჯეტი 18.4 მილიონი ლარით შემცირდა და 928.5 მილიონი ლარი გახდა.tvpirveli.ge