თბილისიდან რამდენიმე მიმართულებით მიკროავტობუსებით მგზავრობა გაძვირდა. მგზავრობის საფასური დასავლეთის მიმართულებით 5 ლარით არის გაზრდილი.მაგალითისთვის, მგზავრობის ღირებულება მაისის ბოლოდან გაიზარდა ქუთაისის, ოზურგეთის, ზუგდიდისა და მარტვილის მიმართულებებით.როგორც „ბიზნესპრესნიუსს“ ავტოსადგურ „ოკრიბაში“ განუცხადეს, მარტვილისა და ზუგდიდის მიმართულებით მგზავრობის ფასი 30 ლარია, იქამდე კი 25 ლარი იყო.ამასთანავე, 20 ლარს შეადგენდა ქუთაისის მიმართულებით საქალაქთაშორისო მგზავრთგადაყვანის ფასი, ახლა ღირებულება 25 ლარს გაუტოლდა.მგზავრობა გაძვირდა ოზურგეთის მიმართულებითაც. თუ აქამდე თბილისში, სადგურის მოედნიდან ოზურგეთამდე მგზავრობა 30 ლარი ღირდა, ახლა ფასი 35 ლარს შეადგენს.შეგახსენებთ, რომ ახლო აღმოსავლეთში მიმდინარე კონფლიქტისა და ნავთობის გაძვირების პარალელურად, საქართველოში საწვავის ფასის ზრდამ, მგზავრთგადაყვანის ღირებულება გააძვირა.„ბიზნესპრესნიუსი“ უკვე წერდა, რომ საწვავის ფასის ზრდის გამო, მგზავრობა გაძვირდა კახეთის სხვადასხვა სოფლის, ჭიათურის, ბაკურიანისა და სხვა მიმართულებებით.გასულ პერიოდში ტარიფები მგზავრთგადამყვანმა კომპანიებმაც შეცვალეს. Metro Georgia-მ, Omnibus Express-მა და Georgian Bus-მა, ქვეყანაში საწვავის გაძვირების გამო, მგზავრობის ღირებულება ყველა მიმართულებაზე 5 ლარით გაზარდეს.

აპირებენ ჯარიმების შემცირებას, ეს ძალიან კარგია. არასდროსაა ცუდი, როდესაც შენ აღიარებ შენს შეცდომას, - ამის შესახებ საქართველოს მთავრობის ადმინისტრაციის ყოფილმა უფროსმა, „ქართული ოცნების“ ყოფილმა წევრმა, პოლიტიკოსმა კახა კახიშვილმა „პალიტრანიუსის“ გადაცემაში „360 გრადუსი“ განაცხადა, რითაც გამოეხმაურა მმართველი პარტიის ინიციატივას, რომელიც საგზაო წესებთან დაკავშირებით რიგი ჯარიმების შემცირებას ითვალისწინებს.კახა კახიშვილის თქმით, სანქციების გამკაცრება არასდროს არ მუშაობს და ამას კრიმინოლოგიას მესამე კურსზე ასწავლიან იურიდიულ ფაკულტეტზე.„ხელისუფლების წარმომადგენლებმა ამცნეს საზოგადოებას, რომ აპირებენ ჯარიმების შემცირებას, ეს ძალიან კარგია. არასდროსაა ცუდი, როდესაც შენ აღიარებ შენს შეცდომას, როგორც ბოდიშის მოხდა არ არის სირცხვილი, ასევე მცდარი გადაწყვეტილებების უკან გაწვევაც არაა სირცხვილი. უბრალოდ, ეს მცდარი გადაწყვეტილებები ზედიზედ არ უნდა მიეწყოს, თან რაღაც უაზრო არგუმენტაციით.ჩემთვის ცოტა გაუგებარი იყო. ბატონი ირაკლი კობახიძე არის იურისტი და კვალიფიკაციას ნამდვილად არ დავუწუნებ, მაგრამ როდესაც ასეთი ტიპის ჯარიმების კანონპროექტს იღებ, ბარელაძეს ტვინით კი არ უნდა იმოძრაო და ბარელაძე რასაც გეტყვის, ისე კი არ უნდა გააკეთო და იფიქრო, რომ ეს მართლა რაღაც პრევენციაა, ამისთვის არსებობს მეცნიერება, კრიმინოლოგია ჰქვია. კრიმინოლოგია სწავლობს დანაშაულის პრევენციის საკითხებს, არა მხოლოდ სისხლის სამართლის პრევენციის საკითხებს, არამედ ადმინისტრაციული სამართალდარღვევების შესახებ. კრიმინოლოგია იკვლევს, არის თუ არა კავშირში სანქციების სიმკაცრე დანაშაულის ან გადაცდომის შემცირებასთან. კრიმინოლოგია ასწლიანი მეცნიერებაა, მეცნიერებმა იმუშავეს, ბარელაძემ კი არ იმუშავა, რომელიც იყო პატრულის უფროსის მოადგილე, მეცნიერებმა იმუშავეს და თქვეს, რომ არასდროს არ მოქმედებს. სამი ძირითადი პრინციპი აქვს კრიმინოლოგიას: სასჯელის პროპორციულობა და სამართლიანობა, მეორე პრინციპია სასჯელის გარდაუვალობა და მესამე, სახელმწიფოს მხრიდან ეფექტური რეაგირება სასჯელზე, რომ შემცირდეს დანაშაული. სანქციების გამკაცრება არასდროს არ მუშაობს, ეს ჩემი მოგონილი არ არის, კრიმინოლოგიას მესამე კურსზე ასწავლიან იურიდიულ ფაკულტეტზე და იქ პირდაპირ წერია. არ შეიძლება კრიმინოლოგიის და კრიმინალისტიკის არევა, რა თქმა უნდა, ბატონმა ირაკლიმ ეს ძალიან კარგად იცის. ამას ვიძახი იმ ადამიანებისთვის, რომლებმაც ეს აზრი მიაწოდეს პრემიერს და უხერხულ მდგომარეობაში ჩააგდეს, როდესაც კრიმინოლოგია და კრიმინალისტიკა შეიძლება არც იციან რა არის. მათ გასაგონად ვიტყვი, კრიმინოლოგია სწავლობს პრევენციის საკითხებს, კრიმინალისტიკა სწავლობს გახსნის მაჩვენებლებს.რა თქმა უნდა, შეცდომაში შეიყვანეს [პრემიერი], თურმე ამოიღეს ერთი წლის სტატისტიკა, კორელაცია არ არსებობსო [საგზაო მოძრაობის წესების დარღვევაზე გაზრდილ ჯარიმებსა და შემცირებულ სტატისტიკას შორის]. ამას დღეს კი არ უნდა ამბობდნენ, სანამ კანონპროექტს მოამზადებდნენ, უნდა გადაეშალათ კრიმინოლოგიის წიგნი და "ანი-ბანი" შეესწავლათ. ტერმინი - "კრიმინალისტიკა" საერთოდ არ უნდა გამოეყენებინათ“, - განაცხადა კახა კახიშვილმა.BPN

ჰარვარდის, ვირჯინიის უნივერსიტეტის და ნიუ-იორკის ფედერალური სარეზერვო ბანკის მეცნიერებმა დაადგინეს, რომ დისტანციური მუშაობა აუარესებს ადამიანების ფსიქიკურ ჯანმრთელობას. კვლევის შედეგები გამოქვეყნდა ჟურნალ Science-ში.ბოლო ხუთი წლის განმავლობაში დისტანციური მუშაობის მოცულობა ოთხჯერ გაიზარდა. ამ ტიპის სამუშაოს კვლევები ხშირად ფოკუსირებულია პროდუქტიულობაზე და არა თანამშრომლების კეთილდღეობაზე.მკვლევარებმა შეისწავლეს, თუ როგორ მოქმედებს დისტანციური მუშაობა ადამიანების პროდუქტიულობაზე, სამუშაოთი კმაყოფილებასა და ფსიქიკურ კეთილდღეობაზე. მათ დაადგინეს, რომ დისტანციურად მომუშავე ადამიანები უფრო მეტად არიან მიდრეკილნი მარტოობისკენ, ვიდრე ისინი, ვინც ოფისში მუშაობენ. ისინი მეტ დროს ატარებენ მარტო და იშვიათად ხვდებიან სხვებს.მარტო მცხოვრები ადამიანები განსაკუთრებით იზოლირებულები აღმოჩნდნენ. მათ უფრო ხშირად სჭირდებათ ანტიდეპრესანტები და ფსიქიატრიული დახმარება. 

[ამერიკელები] ბიძინა ივანიშვილს სთხოვდნენ შეხვედრაზე პოლიტიკაში დაბრუნებას და ხელისუფლებაზე ზემოქმედებას , - ასე უპასუხა პრემიერ-მინისტრმა ირაკლი კობახიძემ „გირჩის“ ერთ-ერთი ლიდერის, სანდრო რაქვიაშვილის შეკითხვას: „თქვენ ახსენეთ ომში ჩათრევის ისტორია, რატომ მოუნდათ ამერიკელებს შეხვედრა ბიძინა ივანიშვილთან იმ მომენტში, როცა არანაირ თანამდებობას არ იკავებდა?“.ირაკლი კობახიძის განცხადებით, ბიძინა ივანიშვილთან შეხვედრისას [ამერიკელები] სიტყვა „ომს“ არ ახსენებდნენ.„გითხრათ, რა იყო მთავარი გზავნილი, რას სთხოვდნენ, გითხრათ? პოლიტიკაში დაბრუნებას და ხელისუფლებაზე ზემოქმედებას. ეს არის პასუხი თქვენს კითხვაზე. ბიძინა ივანიშვილს სთხოვდნენ იმ შეხვედრაზე, პოლიტიკაში დაბრუნებას და ხელისუფლებაზე ზემოქმედებას, ამათ არ იციან, რა უნდა გააკეთონო, იქ სიტყვა ომი არ იყო ნახსენები, მაგრამ ეს სიტყვები იყო, რომ ამათ არ იციან რა უნდა გააკეთონ და თქვენ უნდა დაბრუნდეთ და გააკეთებინოთ ის, რაც გასაკეთებელია. ეს სიტყვები იყო ნათქვამი იმ შეხვედრაზე. ჯერ იყო სხვა შეხვედრები, მერე იყო მესამე შეხვედრა, სადაც ამ სიტყვას, „ომს“, არ ახსენებენ, მაგრამ პოლიტიკაში დაბრუნდი და გააკეთე, რაც გასაკეთებელიაო“, - განაცხადა ირაკლი კობახიძემ.Ipn.ge

საკანონმდებლო ორგანოში დარეგისტრირდა განათლების სამინისტროს მიერ მომზადებული საკანონმდებლო ცვლილებათა პაკეტი, რომელიც მასწავლებლის/სპეციალური მასწავლებლის განათლებისთვის შესაბამისი მოთხოვნების დადგენას გულისხმობს.როგორც პროექტის განმარტებით ბარათშია აღნიშნული, სისტემაში არსებული დეფიციტის მართვისა და ხარისხიანი განათლების ხელმისაწვდომობის უზრუნველყოფის მიზნით, მნიშვნელოვანია გაიზარდოს მასწავლებლად/სპეციალურ მასწავლებლად დასაქმების შესაძლებლობები.მათ შორის, სამინისტროს მიერ მომზადებული ცვლილებების მიხედვით, ტექნოლოგიების საგნობრივი ჯგუფის მიმართულებით, სკოლაში დასაქმების შესაძლებლობა იმ პირებსაც მიეცემათ, რომელთაც ინფორმაციისა და კომუნიკაციის ტექნოლოგიების კუთხით მხოლოდ პროფესიული განათლება აქვთ. თუმცა, მხოლოდ პროფესიული განათლების მქონე პირებისთვის ასევე სავალდებულო იქნება მასწავლებლობის მაძიებლობის პროგრამის ან მასწავლებლის მომზადების შესაბამისი საგანმანათლებლო პროგრამის გავლა.აღსანიშნავია, რომ მოქმედი რედაქციის მიხედვით, ტექნოლოგიების სწავლების უფლება მხოლოდ არანაკლებ ბაკალავრის აკადემიური ხარისხის მქონე პირებს აქვთ.„ზოგადსაგანმანათლებლო დაწესებულებებში ტექნოლოგიების საგნობრივი ჯგუფის მასწავლებლების დეფიციტი განსაკუთრებით მწვავედ იგრძნობა, რაც, მათ შორის, განპირობებულია მოქმედი კანონმდებლობის მოთხოვნით, რომლის მიხედვითაც ტექნოლოგიების სწავლების უფლება მხოლოდ არანაკლებ ბაკალავრის აკადემიური ხარისხის მქონე პირებს აქვთ.ამასთან, ინფორმაციისა და კომუნიკაციის ტექნოლოგიების მიმართულებით, არიან მაღალი კომპეტენციის მქონე სხვა ახალგაზრდებიც, რომლებსაც შესაძლოა არ ჰქონდეთ ამ მიმართულებით უმაღლესი განათლების აკადემიური ხარისხი.შესაბამისად, კანონში არსებულ ჩანაწერს ემატება, ინფორმაციისა და კომუნიკაციის ტექნოლოგიების მიმართულებით პროფესიული განათლების დაშვება, რაც გაზრდის ტექნოლოგიების მიმართულებით მაძიებლად დასაქმების შესაძლებლობას.აღნიშნული ხელს შეუწყობს ტექნოლოგიების საგნობრივი ჯგუფის მასწავლებლების არსებული დეფიციტის აღმოფხვრას.ამასთან, სკოლაში დასაქმების მიზნით, მათ უნდა ჰქონდეთ გავლილი მასწავლებლის მომზადების საგანმანათლებლო პროგრამა და ჩაბარებული იმ საგნის გამოცდა, რომელსაც ასწავლიან ზოგადსაგანმანათლებლო დაწესებულებაში.აღნიშნული ცვლილება ხელს შეუწყობს სკოლაში ტექნოლოგიების საგნობრივი ჯგუფის მიმართულების კვალიფიციური მასწავლებლებით შევსებას,“ - ვკითხულობთ დოკუმენტში.ამასთან, „ზოგადი განათლების შესახებ“ კანონში შესატანი ცვლილებების მიხედვით, განისაზღვრება: სპეციალური მასწავლებლის დამატებითი კატეგორია - შემცვლელი სპეციალური მასწავლებელი.პროექტის განმარტებითი ბარათის თანახმად, ეს სკოლას შესაძლებლობას მისცემს, კონკურსის გამოცხადების პარალელურად, კადრის საბოლოო შერჩევამდე, ამ კატეგორიის პედაგოგთან დროებითი ხელშეკრულება გააფორმოს.როგორც განმარტებით ბარათში ვკითხულობთ, პრაქტიკოს სპეციალურ მასწავლებლებს, რომლებმაც შესაბამისი გამოცდის ჩაბარებით კომპეტენცია ვერ დაადასტურეს, განათლების სისტემის დატოვება მოუწიათ, რამაც სკოლებში ამ მიმართულების კადრების დეფიციტი შექმნა.„2026 წლის 1 იანვრიდან, იმ პრაქტიკოს სპეციალურ მასწავლებლებს, რომლებმაც კანონმდებლობით გათვალისწინებული შესაბამისი გამოცდის ჩაბარებით ვერ დაადასტურეს კომპეტენცია, მოუწიათ განათლების სისტემის დატოვება, რამაც გამოიწვია სპეციალური მასწავლებლების დეფიციტი.აღნიშნული განსაკუთრებით მწვავედ აისახება საქართველოს მაღალმთიან და შორეულ სოფლებში მდებარე საჯარო სკოლებზე, სადაც სპეციალური საგანმანათლებლო საჭიროებების მქონე (შემდგომ - სსსმ) მოსწავლეები სწავლობენ და სადაც შესაბამისი კვალიფიკაციის მქონე კადრების მოძიება ხშირად შეუძლებელია.ეს გარემოება მნიშვნელოვან ბარიერს შეუქმნის და მომავალში კიდევ უფრო შეაფერხებს სსსმ მოსწავლეთა ეფექტურ ჩართვას სწავლა-სწავლების პროცესში.ამასთან, ამ ცვლილებებით შესაძლებელი იქნება სკოლაში დროებით არმყოფი სპეციალური მასწავლებლის (შვებულება, დეკრეტი და ა.შ.) შეცვლაც, რათა არ გაცდეს საათები და მაქსიმალურად დაცულ იქნას მოსწავლეთა საუკეთესო ინტერესები.შემოთავაზებული ცვლილებებით, სპეციალური მასწავლებლობის უფლება მიეცემა იმ პირსაც, რომელსაც საგნის მასწავლებლობის უფლება მოპოვებული აქვს კანონმდებლობით დასაშვები სხვადასხვა გზით და ამასთან, ჩაბარებული აქვს სპეციალური მასწავლებლის გამოცდაც“, - ნათქვამია დოკუმენტში.BPN

უძრავ ქონებასთან დაკავშირებული დავები, ხანდაზმული ვალდებულებები, საბანკო სესხები და მემკვიდრეობის განაწილება – ყოველდღიურ ცხოვრებაში ხშირად ვაწყდებით ისეთ რთულ იურიდიულ საკითხებს, სადაც საკუთარი უფლებების ზუსტი ცოდნა გადამწყვეტია. ეს ის თემებია, რომელთა ირგვლივაც კანონით გათვალისწინებული ნორმების არცოდნა, შესაძლოა, ფინანსური ზარალის მომტანიც აღმოჩნდეს.მკითხველისთვის ყველაზე აქტუალურ და პრობლემურ კითხვებს ადმინისტრაციულ, სამოქალაქო საქმეთა და ბავშვთა უფლებებში სპეციალიზებული ადვოკატი, საქართველოს ადვოკატთა ასოციაციის აღმასრულებელი საბჭოს მოქმედი წევრი - ნუგბარა როსტიაშვილი პასუხობს.2017 წელს სასამართლომ ოჯახის ერთ-ერთ წევრზე დაუსწრებლად გამოიტანა განაჩენი: მას "თელასის" ვალი დაეკისრა. მითითებული იყო აბონენტის ნომერი და ამ ადამიანის ძველი გვარი, ის კი უკვე შეცვლილ გვარს ატარებდა. არც სახლი ყოფილა მის საკუთრებაში. ამ ხნის განმავლობაში ვალი არ გადახდილა. ყოველთვე აბონენტის ნომერზე მოდის ქვითარი დაკისრებული ვალის ოდენობის თანხით. შეიძლება თუ არა ამ ვალის თავიდან აცილება და რა შემთხვევაში?- მოცემულ შემთხვევაში საქმე გვაქვს 2017 წელს მიღებულ სასამართლო გადაწყვეტილებასთან (სამოქალაქო საქმეზე ითქმის გადაწყვეტილება და არა განაჩენი). იმ გარემოებას, რომ პირს შეცვლილი ჰქონდა გვარი ან არ იყო უძრავი ქონების მესაკუთრე, არსებითი მნიშვნელობა არა აქვს, თუკი ხელშეკრულება აბონენტად რეგისტრაციის შესახებ თავის დროზე მის ძველ მონაცემებზე იყო გაფორმებული. სასამართლო გადაწყვეტილებით დადგენილი მოთხოვნის ხანდაზმულობის ვადა შეადგენს 10 წელს, მაშინაც კი, თუ მოთხოვნა უფრო ნაკლებ ხანდაზმულობის ვადას ითვალისწინებდა. ამდენად აღნიშნული ვალდებულების იძულებით აღსრულებას ვადა 2027 წლამდე აქვს. ხანდაზმულობის ვადის გასვლის შემდგომ პირმა მიმართოს "თელასს", თუ აღსრულების ეროვნულ ბიუროშია საქმე, ამ შემთხვევაში აღსრულებას და მოითხოვოს ვალდებულების განულება ხანდაზმულობის გამო.ჩემს მაზლს აქვს ბანკის სესხი უზრუნველყოფის გარეშე. აქვს დანიშნული პენსია ინვალიდობის მე-2 ჯგუფით. რამდენიმე წელია დაბრუნდა ემიგრაციიდან და სტაბილური სამსახური ვერ იშოვა. ვეღარ იხდის სესხს და მთლიანად უკავდება პენსია, რამდენად სწორია?- საბანკო დაწესებულების ან მიკროსაფინანსო ორგანიზაციის მხრიდან უზრუნველყოფის გარეშე არსებული სესხის გამო პირის სოციალური პაკეტის (ინვალიდობის პენსიის) სრულად დაკავება აბსოლუტურად უკანონოა. "სააღსრულებო წარმოებათა შესახებ" საქართველოს კანონის თანახმად, იძულებითი გადახდევინება არ შეიძლება მიეცეს სახელმწიფოს მიერ გაცემული მიზნობრივ დახმარებაზე. საქართველოს ეროვნული ბანკის პრეზიდენტის ნორმატიული აქტებითა და მომხმარებელთა უფლებების დაცვის წესებით, ბანკს არა აქვს უფლება მსესხებელს საარსებო მინიმუმზე ნაკლები დაუტოვოს, მით უმეტეს, სრულად ჩამოაჭრას სოციალური გასაცემელი, თუ თავად კლიენტს არა აქვს გაცემული ამაზე სპეციალური, მიზნობრივი ნებაყოფლობითი თანხმობა. უნდა გაირკვეს, რა საფუძვლით იჭრება თანხა - ეს არის ბანკის მიერ შიდა წესით ჩამოჭრა (სესხის ხელშეკრულების საფუძველზე) თუ სააღსრულებო ბიუროს/კერძო აღმასრულებლის ყადაღა. პირმა ან მისმა კანონიერმა წარმომადგენელმა უნდა წარადგინოს განცხადება ბანკსა ან აღსრულების ბიუროში, დაურთოს შშმ პირის სტატუსის დამადასტურებელი დოკუმენტი და მოითხოვოს, რომ აღნიშნული სარგო არ დაუკავდეს.მშობლებს ჰყავთ ორი ვაჟი. ცხოვრობენ ერთ ეზოში, სადაც არის ორი სახლი: ერთი ძველი, მეორე - უფრო ახალი, მშობლების აშენებული, მაგრამ ორივე ტექბიუროში ბაბუის სახელზე იყო. მოკლედ, მშობლებთან ცხოვრობდა ერთი ვაჟი, მეორე ვაჟს მისცეს ბაბუის სახლი. იქ ცხოვრობდა ცოლ-შვილთან ერთად. ჰყავდა პირველი ცოლი და ერთი შვილი, გარდაეცვალა ცოლი, რის შემდეგ მოიყვანა მეორე მეუღლე. საბოლოოდ ორივე ძმას დარჩათ ეს სახლები ანდერძით ბაბუისგან მამაზე გადასული. დაიღუპა ბაბუის სახლში მცხოვრები ძმა და ახლა მისი მეუღლე ედავება მშობლებთან ერთად მცხოვრებ ძმას იმ სახლის წილში, სადაც არაფერი შეუქმნია, არც მშობლებისთვის მიუხედავს. სახლები ფართობით ხუთი კვადრატული მეტრით არის განსხვავებული. რამდენად ეკუთვნის რამის გადახდა იმ ვაჟს? მშობლები დაღუპულები არიან.- კითხვიდან ირკვევა, რომ ორივე ძმამ ქონება ბაბუისგან მიიღო ანდერძით, რომელიც მამაზე იყო გადასული. ვინაიდან მშობლებიც გარდაცვლილები არიან, სამკვიდრო გახსნილია. თუმცა კითხვიდან არ ირკვევა, ეს ორი სახლი არის ერთ საკადასტრო კოდზე თუ ცალ-ცალკეა რეგისტრირებული. ასევე თუ მშობლები ანუ მამა ცოცხალია, ცხადია, მამის ქონებაზე ვერ იდავებენ. დიდი ალბათობით, სამკვიდროზე არ დაობს გარდაცვლილი ძმის ცოლი, მეტად სავარაუდოა, რომ ერთ საკადასტრო კოდზეა ქონებები რეგისტრირებული და მაგიტომ გედავებათ. უფრო ზუსტი სამართლებრივი კონსულტაციის გასაცემად საჭიროა დოკუმენტების გაცნობა.როცა ჩუქებით გაქვს ქონება მიღებული, გაყიდვის შემთხვევაში გიწევს თუ არა მოგების გადასახადის გადახდა?- ფიზიკური პირის მიერ აქტივის (უძრავი ქონების) გაყიდვით მიღებული ნამეტი (მოგება) იბეგრება 20%-იანი განაკვეთით. მოგება იანგარიშება როგორც სხვაობა ქონების გაყიდვის ფასსა და მისი შეძენის (თვითღირებულების) ფასს შორის. ფიზიკური პირის მიერ საცხოვრებელი ბინის (სახლის) მასზე მიმაგრებული მიწის ნაკვეთით რეალიზაციით მიღებული შემოსავალი თავისუფლდება საშემოსავლო გადასახადისგან, თუ ეს ქონება მის საკუთრებაში იმყოფებოდა 2 წელზე მეტი ხნის განმავლობაში. ასევე, თუ ქონება ჩუქებით არის მიღებული და მას ყიდით რეგისტრაციიდან 2 წლამდე ვადაში, მოგების გადასახადის გადახდა მოგიწევთ. ვინაიდან ჩუქებისას თქვენ თანხა არ გადაგიხდიათ, თვითღირებულებად ჩაითვლება ჩუქების მომენტში ქონების საბაზრო ღირებულება ან ნულოვანი ღირებულება (კონკრეტული გარემოებებიდან გამომდინარე), და სხვაობა დაიბეგრება 20%-ით. თუ ჩუქებით მიღებული ქონების საჯარო რეესტრში რეგისტრაციიდან გასულია 2 წელზე მეტი, მისი გაყიდვა სრულად თავისუფლდება მოგების გადასახადისგან. თუ 2 წელი არ არის გასული, მიზანშეწონილია დაელოდოთ ამ ვადის გასვლას საგადასახადო ვალდებულების თავიდან ასაცილებლად.ვიყავი თავდები მეგობრის, რომელსაც ჰქონდა გამოტანილი ბანკიდან სესხი და რამდენიმე წელი იხდიდა უპრობლემოდ. მოულოდნელად გარდაიცვალა, ახლა თავდებს ხომ არ მომიწევს სესხის გადახდა?- თავდებობის ხელშეკრულებით თავდები კისრულობს ვალდებულებას თავდებად დაუდგეს კრედიტორს მესამე პირის (მსესხებლის) ვალდებულების შესასრულებლად. როგორც წესი, საბანკო ხელშეკრულებებში ფორმდება სოლიდარული თავდებობა. მსესხებლის გარდაცვალება არ აქარწყლებს სესხის ხელშეკრულებას და არ ათავისუფლებს თავდებს პასუხისმგებლობისგან. მემკვიდრეები პასუხს აგებენ მამკვიდრებლის ვალებისთვის სამკვიდრო ქონების ფარგლებში. თუმცა ბანკს აქვს უფლება მოთხოვნა წარუდგინოს როგორც გარდაცვლილის მემკვიდრეებს (თუ მათ მიიღეს სამკვიდრო), ისე პირდაპირ თავდებ პირს. თანამედროვე საბანკო პრაქტიკაში, სამომხმარებლო თუ იპოთეკური სესხების უმეტესობა დაზღვეულია მსესხებლის გარდაცვალების შემთხვევისგან. თუ სესხს ჰქონდა სიცოცხლის დაზღვევა, სადაზღვევო კომპანია ვალდებულია სრულად დაფაროს ბანკის წინაშე არსებული დავალიანება და თქვენ, როგორც თავდები, ავტომატურად გათავისუფლდებით ვალდებულებისგან. თუ დაზღვევა არ არსებობდა, თქვენ მოგიწევთ თანხის გადახდა. მას შემდეგ, რაც თქვენ დაფარავთ ბანკის ვალს, უფლება გაქვთ მოითხოვოთ გადახდილი თანხის უკან დაბრუნება (რეგრესის წესით) გარდაცვლილის იმ მემკვიდრეებისგან, ვინც მისი ქონება მიიღო.გააგრძელეთ კითხვა

საქართველოში ყველაზე მოთხოვნადი 8-დან 30 ათას დოლარამდე ღირებულების ელექტრო მანქანებია, - ამის შესახებ „ბიზნესპარტნიორს“  Carmark-ის დირექტორმა ირაკლი კუხიანიძემ  განუცხადა.მისი თქმით, საქართველოში შიდა წვის ძრავიან ავტომობილებზე განბაჟების ტარიფების ზრდის ფონზე, ქვეყანაში დღითი დღე იზრდება იმპორტირებული ელექტრომობილების რაოდენობა.„მომხმარებლების დიდმა ნაწილმა, ვინც აქამდე შიდა წვის ძრავიან მანქანას ეძებდა, 1-ელ აპრილს ამოქმედებული კანონის გამო, არჩევანი შეცვალა და უკვე ელექტრო მანქანის ძიების პროცესშია“, - განმარტა ირაკლი კუხიანიძემ.მისივე თქმით, მიუხედავად იმისა, რომ ელექტრო ავტომობილების გაყიდვები გაზრდილია, ჯამურად, ყველა ტიპის მსუბუქი მანქანის რეალიზაცია ქვეყანაში შემცირებულია.„განბაჟების ახალი ტარიფების ამოქმედების შემდეგ, ჩვენი კომპანიის გაყიდვები 60%-ით შემცირდა. იმ 40%-იდან კი, რა მანქანებსაც ვყიდით, დიდი ნაწილი სწორედ ელექტრო ავტომობილებია“, - აღნიშნა Carmark-ის დირექტორმა.მისივე ინფორმაციით, ქვეყანაში შემოსული ელექტრომობილების ძირითადი წყარო კვლავ ამერიკის შეერთებული შტატებია, თუმცა მზარდია ჩინური მანქანების წილიც.ცნობისთვის, მიმდინარე წლის პირველ კვარტალში, ქვეყანაში 34 მლნ დოლარის ღირებულების, 2 201 ერთეული ელექტრომანქანა შემოვიდა, მაშინ როცა წინა წლის იგივე პერიოდში, ეს მაჩვენებელი 1 630 ერთეულს შეადგენდა. ეს დინამიკა მზარდია და მომდევნო თვეებში, ავტოიმპორტიორი კომპანიები საქართველოში კიდევ უფრო მეტი ელექტრო ავტომობილის შემოსვლას პროგნოზირებენ.BPGE

2026 წლის I კვარტალში ბიზნესმათივე ცნობით, დასაქმებულთა მთლიანი რაოდენობის 43.6 პროცენტი მსხვილ ბიზნესზე მოდიოდა, 19.4 პროცენტი — საშუალოზე, ხოლო 37.0 პროცენტი — მცირე ბიზნესზე. საანგარიშო პერიოდში დაქირავებულთა მთლიანმა რაოდენობამ 743.7 ათასი კაცი შეადგინა (გასული წლის შესაბამის პერიოდთან შედარებით 3.5 პროცენტით მეტი), ხოლო საწარმოთა მთლიანი დანახარჯები პერსონალზე 5 319.0 მილიონი ლარით განისაზღვრა (გასული წლის შესაბამის პერიოდთან შედარებით 11.4 პროცენტით მეტი).„2026 წლის I კვარტალში, ბიზნესსექტორში დაქირავებით დასაქმებულთა საშუალო თვიური ხელფასი 2 335.9 ლარს გაუტოლდა (გასული წლის შესაბამის პერიოდთან შედარებით გაზრდილია 166.3 ლარით), ხოლო მათ შორის ქალების ხელფასმა 1 837.6 ლარი შეადგინა (გასული წლის შესაბამისი პერიოდთან შედარებით გაზრდილია 126.1 ლარით).საწარმოთა ზომის მიხედვით საშუალო თვიური ხელფასი კი შემდეგნაირი იყო:⦁ მსხვილი ბიზნესი – 2 513.5 ლარი;⦁ საშუალო ბიზნესი – 2 786.5 ლარი;⦁ მცირე ბიზნესი – 1 787.2 ლარი“, - წერია საქსტატის ინფორმაციაში.სექტორში დასაქმებულთა საშუალო რაოდენობა 799.4 ათასი კაცით განისაზღვრა, რაც გასული წლის შესაბამისი პერიოდის მაჩვენებელზე 3.7 პროცენტით მეტია. დასაქმებულთა მთლიანი რაოდენობიდან 44.2 პროცენტი ქალი იყო, ხოლო 55.8 პროცენტი — კაცი, - ინფორმაციას საქსტატი აქვეყნებს.

„გამოვა, რომ თეორიას უფრო ბევრი ადამიანი ჩააბარებს და უფრო დიდი რიგი დადგება - მთავარი მიდგომის შეცვლაა“, - ასე აფასებს საავტომობილო ფედერაციის ვიცე-პრეზიდენტი მევლუდ მელაძე „ბიზნესპრესნიუსთან“ ცვლილებებს, რომლის მიხედვითაც, მართვის მოწმობის გამოცდაზე, კანდიდატს უფრო მეტი შეცდომის დაშვების შესაძლებლობა მიეცა.როგორც მევლუდ მელაძე განმარტავს, საგამოცდო სისტემაში მთავარი „დაუწერელი წესების“ მიდგომის შეცვალა და ინსტრუქტორების მიერ კანდიდატების რეალური შეფასებაა.კერძოდ, დარგის ექსპერტი "ბიზნესპრესნიუსთან" ამბობს, რომ გამომცდელმა კანდიდატის უნარები უსაფრთხოებასთან შესაბამისობით უნდა შეაფასოს და არა ზებრა გადასასვლელთან მდგომი ქვეითის ფაქტორით, რომელიც შესაძლოა, სულაც არსად მიდიოდა.როგორც მევლუდ მელაძე ამბობს, როდესაც კანდიდატი გამოცდაზე მიდის, მას იქ მეგობარი უნდა ეგულებოდეს ინსტრუქტორის სახით და არა მტერი."ისეთი მაღალი ტემპერატურა იყო, უბრალოდ, რაღაცა უნდა გაეკეთებინათ" - მევლუდ მელაძე მართვის მოწმობის გამოცდის წესის ცვლილებაზე"მე ვფიქრობ, უკვე ისეთი მაღალი ტემპერატურა იყო, უბრალოდ, რაღაცა უნდა გაეკეთებინათ. მაგრამ აქ ამბავი ის არის, რომ მიდგომა შეიცვალოს, თორემ რა მნიშვნელობა აქვს შეცდომის დამთვლელი სამით მეტ უმნიშვნელო შეცდომას დაგითვლის თუ ნაკლებს.თეორიულ ნაწილში, მე აბსოლუტურად პირიქით ვფიქრობ. ვგულისხმობ, 3-ის ნაცვლად 5 შეცდომის პატიებას. ჯერ ერთი, რომ თეორიულ ნაწილში ბევრია, და, მეორე, გამოვა, რომ თეორიას უფრო ბევრი ადამიანი ჩააბარებს და შესაბამისად უფრო დიდი რიგი დადგება ამ პრაქტიკულ ნაწილში. რაც ისედაც პრობლემური იყო.არსებობს დაწერილი წესები, რაც ყველამ იცოდა და იმას იქით გადაანაცვლებ თუ აქეთ, არსებითად არაფერს შეცვლის. შეცვლის იმ დაუწერელი წესების ცვლილება, რომლის გამოც გთვლიან დამნაშავედ. თუ საზოგადოების რეაქციამ შედეგი გამოიღო და აქ შეიცვლება მიდგომა, მაშინ არ არის ცუდი, მაგრამ თუ იქ არაფერი შეიცვლება, მაშინ პირიქით, ეს უბრალოდ იყო ხანძრის ჩასაქრობად და მეტი არაფერი“,- ამბობს მევლუდ მელაძე.კითხვაზე, პრაქტიკულ გამოცდაზე რომელ შეცდომებს თვლის „დაუწერელ წესებად“, სადაც რეალურად მიდგომებია შესაცვლელი, მევლუდ მელაძე "ბიზნესპრესნიუსთან" საუბრისას განმარტავს:„ასეთი ბევრია, მაგრამ ყველაზე მნიშვნელოვანი არის ქვეითთან ურთიერთობა. ჩაჭრა სწორედ ამ ნაწილში ხდება ყველაზე უფრო მასიურად. უამრავი შემთხვევით გადაღებული ვიდეოა, სადა ჩანს, რომ ამ კონკრეტული მოქმედებების დროს აჩერებენ და ჭრიან კანდიდატს.აქ მთელი ამბავი ის არის, რომ უსაფრთხოებიდან გამომდინარე უნდა განსაზღვროს მძღოლმა, დათმობა-არდათმობის პერსპექტივა. ხშირად არის, რომ მაგალითად, ვიღაც დგას გზის ნაპირზე, საერთოდ არ აპირებს ის გადასვლას, ამ დროს, გააჩერებ - პრობლემაა, იმიტომ რომ გააჩერე იქ, სადაც არ გადადიოდა. არ გააჩერებ - პრობლემაა, რადგან არ დაუთმე ქვეითს.გამოდის - არ გააჩერებ, რატომ არ გააჩერე, თუ გააჩერებ, რატომ გააჩერე. რეალურად უსაფრთხოება უნდა განსაზღვრო, რომელი მოქმედება იქნება უფრო სწორი. მითუმეტეს იქ, სადაც ზებრა გადასასვლელები საერთოდ არ არის. თუ უსაფრთხო იყო ის მანევრი, რაც გააკეთე, მაშინ ეს არ არის დანაშაული და ამ შემთხვევაში სწორედ ინსტრუქტორმა უნდა განსაზღვროს, შენი მოქმედება რამდენად შეესაბამებოდა კონკრეტულ რეალობას, რამდენად ადეკვატური იყო და არა ის, რომ იქ ადამიანი დავინახე, ან ვიღაცამ იქ გაიწია და რაღაც აუხსნელი მიზეზები, რომელიც გინდა რომ ოღონდ უპოვო და ჩაჭრა.მითუმეტეს, რომ ჩვენნაირ ქვეყანაში ქვეითების ამბების დარეგულირება ურთულესია. ბევრგან არ არის გადასასვლელი იქ, სადაც უნდა იყოს, ამ დროს ქვეითები თვითნებურად გადადიან და გადმოდიან. ანუ რეგულაციები უბრალოდ ფურცელზე დაწერილია ხოლმე.ძალიან იშვიათად თუ უნახავს ვინმეს, არასწორად გადასული ქვეითი დაეჯარიმებინოთ. ანუ, რეალურ ცხოვრებაში ქვეითების და მძღოლების თანაცხოვრება და გამოცდაზე ქვეითების და მძღოლის თანაცხოვრებისგან რადიკალურად განსხვავდება და ვერ პოულობ იმ ოქროს შუალედს, როგორ უნდა იმოქმედო იმ კონკრეტულ მომენტში, რომ გამოცდაზე არ ჩაიჭრა. არადა, გინდა არ გინდა, ასეთი ადგილების გავლა გიწევს ნუ არაერთის გამოცდის შემთხვევაში.ამიტომაც ვამბობ, რომ აქ მთავარი ინსტრუქტირების მიერ კანდიდატის უნარების სწორად შეფასებაა, შეუძლია თუ არა კანდიდატს უსაფრთხოდ გადაადგილება. მე რომ გამოცდაზე მივდივარ, იქ უნდა მეგულებოდეს მეგობარი და არა მტერი“, - ამბობს მევლუდ მელაძე.ცნობისთვის, შს მინისტრის ბრძანებით, მართვის მოწმობის გამოცდის წესები იცვლება. კერძოდ, ცვლილებების მიხედვით, B და B1 კატეგორიის თეორიულ გამოცდაზე კანდიდატს 30-კითხვიან ტესტში მაქსიმუმ 5 შეცდომის დაშვების უფლება ექნება. გამოცდა ჩაბარებულად ჩაითვლება, თუ კანდიდატი 30 წუთში მინიმუმ 25 სწორ პასუხს გასცემს. მანამდე, სავალდებულო 27 სწორი პასუხი იყო.ამასთან, იცვლება პრაქტიკული გამოცდის შეფასების წესიც. ახალი რეგულაციით, თუ კანდიდატი გარკვეულ მოთხოვნას პირველად არასათანადოდ შეასრულებს, გამომცდელს შეეძლება მას დამატებითი შესაძლებლობა მისცეს შეცდომის გამოსასწორებლად.გარდა ამისა, პრაქტიკულ გამოცდაზე მსუბუქი შეცდომების დასაშვები ზღვარი იზრდება. თუ მანამდე კანდიდატს გამოცდაზე მხოლოდ 12 მსუბუქი შეცდომის დაშვების უფლება ჰქონდა, ახლა 15 ან მეტი მსუბუქი შეცდომის შემთხვევაში ჩაიჭრება.როგორც დოკუმენტშია აღნიშნული, ცვლილებები ასევე ეხება პრაქტიკული გამოცდის მეორე ეტაპზე რიგების დაჯავშნას. ბრძანების მიხედვით, მომსახურების სააგენტო სპეციალური ალგორითმით განსაზღვრავს კანდიდატებისთვის ადგილების განაწილებას, რათა რიგები უფრო თანაბრად გადანაწილდეს. კერძოდ, უწყება სხვადასხვა პრიორიტეტს გაითვალისწინებს, მათ შორის პირველად გასვლას, ნაკლებ მცდელობასა და ხანგრძლივ მოლოდინს.პრაქტიკული გამოცდის შეფასებასთან დაკავშირებული ცვლილებები ძალაში მიმდინარე წლის 15 ივნისიდან შევა.BPN

საქართველოს პროკურატურამ წინასწარი შეთანხმებით ჯგუფის მიერ მოქალაქეთა კუთვნილი დიდი ოდენობით თანხის მოტყუებით დაუფლების, საქართველოს მოქალაქის უცხო ქვეყანაში უკანონოდ დარჩენისთვის ხელშეწყობის, საქართველოს მოქალაქისთვის უცხო ქვეყანაში თავშესაფრის მისაღებად მცდარი ინფორმაციის წარდგენის ხელშეწყობის და ორგანიზების, ასევე ყალბი ოფიციალური დოკუმენტის დამზადება-გასაღების ფაქტებზე 3 პირი დააკავა და 6 პირის მიმართ სისხლისსამართლებრივი დევნა დაიწყო.ინფორმაციას საქართველოს პროკურატურა ავრცელებს.„საქართველოს პროკურატურის და ამერიკის შეერთებული შტატების საელჩოს რეგიონული უსაფრთხოების სამსახურის მიერ ერთობლივად ჩატარებული ღონისძიების შედეგად გამოვლენილია ორი ორგანიზებული დანაშაულებრივი ჯგუფი.გამოძიებით დადგენილია რომ, ამერიკის შეერთებულ შტატებში საემიგრაციო პოლიტიკის გამკაცრების შედეგად, აშშ-ის საზღვრის გადაკვეთა გართულდა. აღნიშნულის გამო, საქართველოს ოთხმა მოქალაქემ დანაშაულებრივი ორგანიზებული ჯგუფი ჩამოაყალიბა. წინასწარ შემუშავებული გეგმის შესაბამისად ისინი ამერიკაში თავშესაფრის მსურველ საქართველოს მოქალაქეებს მოიძიებდნენ და მათ თავშესაფრის მისაღებად საჭირო ისტორიის, ე.წ. „ქეისის“ შექმნას, მტკიცებულებების შეგროვებასა და სასამართლოში მხარდაჭერას ჰპირდებოდნენ. საქართველოს პროკურატურის მიერ ჩატარებული გამოძიებით დადგენილია საქართველოს 366 მოქალაქის ვინაობა, რომლებმაც ამერიკის შეერთებულ შტატებში თავშესაფრის მისაღებად ორგანიზებული დანაშაულებრივი ჯგუფის წევრებს მიმართეს.ორგანიზებული დანაშაულებრივი ჯგუფის წევრები, ე.წ. ქეისებში არარსებულ ისტორიებს წერდნენ, თუ როგორ დევნიდნენ საქართველოს მოქალაქეებს საქართველოს ტერიტორიაზე სხვადასხვა მიზეზით, მათ შორის, პოლიტიკური შეხედულების თუ სექსუალური ორიენტაციის გამო. აღნიშნული ისტორიების გამყარების მიზნით ორგანიზებული დანაშაულებრივი ჯგუფის წევრები ამზადებდნენ ყალბ დოკუმენტებს და სანაცვლოდ დიდი ოდენობით თანხებს ითხოვდნენ. კერძოდ: ყალბი ე.წ. „ქეისის“ შედგენის სანაცვლოდ 1 000 - 1 500 აშშ დოლარამდე თანხას, ხოლო ყალბი დოკუმენტების დამზადებისთვის 3 000 აშშ დოლარს. გარდა მითითებული თანხებისა, თავშესაფრის მაძიებლის საქმის წარმოებისა და წარმატებით დასრულებისთვის, თითოეული მოქალაქისგან ითხოვდნენ და იღებდნენ დამატებით 6 000-8 000 აშშ დოლარამდე თანხას.ასევე, ორგანიზებული დანაშაულებრივი ჯგუფის ორი წევრი ამერიკის შეერთებულ შტატებში ჩასულ და საემიგრაციო პატიმრობაში მყოფ ქართველებს დახმარებას ჰპირდებოდა, სანაცვლოდ კი, დიდი ოდენობით თანხას ითხოვდნენ. ბრალდებულები 4 მოქალაქის კუთვნილ 10 000 აშშ დოლარს დაეუფლნენ, თუმცა მათ საქართველოს მოქალაქეებს დახმარება არ გაუწიეს.გარდა ამისა, ორგანიზებული დანაშაულებრივი ჯგუფის წევრები საქართველოს მოქალაქეებს კანადის ვიზის მიღებაში დახმარებასაც ჰპირდებოდნენ. თბილისის პროკურატურის საგამოძიებო სამმართველოს მიერ ჩატარებული ოპერატიულ-სამძებრო ღონისძიების ფარგლებში, ერთ-ერთმა ბრალდებულმა, კანადის ვიზის მიღებაში დახმარების მიზნით, 800 აშშ დოლარის სანაცვლოდ, პროკურატურის ოპერატიულ თანამშრომელს დაუმზადა ყალბი საბანკო ამონაწერი, ცნობა სამსახურის თაობაზე, თითქოსდა, ეს უკანასკნელი დასაქმებული იყო ამერიკის შეერთებულ შტატებში და სხვა ყალბი დოკუმენტაცია.საქართველოს პროკურატურის და აშშ-ს საელჩოს რეგიონული უსაფრთხოების სამსახურის მიერ ერთობლივად ჩატარებული ღონისძიების ფარგლებში, ასევე გამოვლენილია კიდევ ერთი ორგანიზებული დანაშაულებრივი ჯგუფი, რომელიც ყალბი დოკუმენტების გამოყენებით მოქალაქეებს ამერიკის ვიზის მიღებაში ეხმარებოდა. ორგანიზებული დანაშაულებრივი ჯგუფის წევრებმა სოციალური ქსელის სხვადასხვა პლატფორმაზე განათავსეს განცხადებები, რომლითაც ამერიკის შეერთებულ შტატებში გამგზავრების მსურველ პირებს ვიზის მიღებაში დახმარებას სთავაზობდნენ. დანაშაულებრივი ჯგუფის წევრები მოქალაქეებს ეუბნებოდნენ, რომ აპლიკაციის შევსებისთვის საჭირო თანხის გარდა, ვიზის მიღებამდე თანხის გადახდა არ მოუწევდათ. ვიზის მიღების შემთხვევაში კი 10 000-დან 15 000 აშშ დოლარამდე უნდა გადაეხადათ.ჯგუფის წევრებმა საქართველოს 65 მოქალაქეს ამერიკის საელჩოში წარსადგენად, დაუმზადეს და გადასცეს ყალბი ოფიციალური დოკუმენტები, რომელთა გამოყენებითაც მოქალაქეთა ნაწილმა შეძლო ვიზის მიღება. ვიზის მიღების შემდეგ მათ 112 000 აშშ დოლარი ხელზე გადასცეს ორგანიზებული დანაშაულებრივი ჯგუფის წევრებს.მას შემდეგ, რაც წარმოშობილი ეჭვების საფუძველზე საელჩომ დოკუმენტების ნაწილი გადაამოწმა, გამოვლინდა დანაშაულებრივი ჯგუფის სიყალბე, რის გამოც ყველა მოქალაქეს, ვისაც დანაშაულებრივი ჯგუფის წევრები ეხმარებოდნენ, ვიზა გაუუქმდა. მიუხედავად აღნიშნულისა, 2025 წლის იანვრიდან 2026 წლის თებერვლის ჩათვლით პერიოდში, ორგანიზებული დანაშაულებრივი ჯგუფის წევრებმა, ყალბი დოკუმენტების გამოყენებით, ფინანსური სარგებლის სახით მოქალაქეებისგან მიიღეს 142 786.43 აშშ დოლარი, 15 095 ლარი და 1 560 ევრო.ბრალდებულებს ბრალდება საქართველოს სისხლის სამართლის კოდექსის 344-ე სეკუნდა მუხლის მე-2 ნაწილის „გ“ და „დ“ ქვეპუნქტებით, მე-3 ნაწილით (პირის მიერ ფინანსური ან სხვა მატერიალური სარგებლის მიღების მიზნით საქართველოს მოქალაქის უცხო ქვეყანაში“, - წერია გავრცელებულ ინფორმაციაში.

თბილისში 70-ათასიანი სტადიონის პროექტის გამო, მოქალაქეს ქონება იძულების წესით ჩამოერთმევა. ამის შესახებ საქართველოს ეკონომიკისა და მდგრადი განვითარების მინისტრის 2026 წლის 29 მაისით დათარიღებულ ბრძანებაშია საუბარი.როგორც დოკუმენტში ვკითხულობთ, თბილისში დაგეგმილი მასშტაბური სპორტული ინფრასტრუქტურული პროექტის განხორციელების მიზნით, მუნიციპალური განვითარების ფონდის ექსპროპრიაციის უფლება მიენიჭა.ბრძანების მიხედვით, საუბარია აეროპორტის მიმდებარე ტერიტორიაზე, ლუგარის კვლევით ცენტრსა და შავი ზღვის უნივერსიტეტს შორის, UEFA-ს IV კატეგორიის, 70 000 მაყურებელზე გათვლილ საფეხბურთო სტადიონზე, რომელიც ასევე მოიაზრებს სარაგბო, საკონცერტო და საკონვენციო ღონისძიებების მასპინძლობას.დოკუმენტში აღნიშნულია, რომ პროექტის მიზანია საქართველოს საერთაშორისო სპორტულ და ღონისძიებათა მასპინძელ ქვეყნად პოზიციონირება, ასევე ტურიზმისა და ეკონომიკური აქტივობის ზრდის ხელშეწყობა. სტადიონის ლოკაციის შერჩევა, სამინისტროს განმარტებით, განხორციელდა საერთაშორისო საკონსულტაციო კომპანია „The Stadium Consultancy B.V.“-ის მონაწილეობით, რომელიც სატრანსპორტო ხელმისაწვდომობასა და ინფრასტრუქტურულ კრიტერიუმებს აფასებდა.როგორც ბრძანებაში ვკითხულობთ, პროექტის განხორციელების მიზნით, აუცილებელი გახდა კერძო საკუთრებაში არსებული მიწის გამოსყიდვა, თუმცა ერთ-ერთ მესაკუთრესთან შეთანხმება ვერ შედგა, რის გამოც ფონდმა სახელმწიფოს ექსპროპრიაციის უფლების მინიჭება სთხოვა.შედეგად, მოქალაქე ზაქარია ქიმაძეს, აღნიშნულ ტერიტორიაზე 525 კვ.მ მიწის ფართობი ჩამოერთმევა.ბრძანების თანახმად, ქონების ღირებულებასა და საკომპენსაციო თანხაზე დავის შემთხვევაში მხარეებს უფლება აქვთ საკითხი სასამართლოში გაასაჩივრონ.დოკუმენტი ასევე განსაზღვრავს, რომ ბრძანება შეიძლება გასაჩივრდეს გამოქვეყნებიდან ერთი თვის ვადაში თბილისის საქალაქო სასამართლოში.BPN

დედაქალაქის მერმა კახა კალაძემ ტელეკომპანია „რუსთავი 2“-ის ეთერში გამართული დებატების დროს, ახალ საგზაო პროექტებსა და სატრანსპორტო პოლიტიკაზე ისაუბრა.მისი თქმით, მიმდინარეობს მოკვლევა, მცხეთიდან დიდ დიღომში ალტერნატიული შემოსასვლელის მოწყობაზე.„ჯერ არ გამიჟღერებია და პირველად თქვენი ეთერით ვიტყვი, რომ ინფრასტრუქტურის სამინისტროსთან გვქონდა არაერთი შეხვედრა და მიმდინარეობს კვლევითი სამუშაოები ახალ საგზაო ინფრასტრუქტურასთან დაკავშირებით. მცხეთიდან ალტერნატიული შემოსასვლელის გაკეთება დიდი დიღმის მიმართულებით, უახლოეს მომავალში გვექნება კვლევის შედეგები, თუ რა პროექტის განხორციელება იქნება შესაძლებელი. ასევე, ავჭალა-ზაჰესის გავლით ლილოს მიმართულებით ქალაქში შემოსვლის გარეშე რომ გაკეთდეს ჩქაროსნული მაგისტრალი, ესეც ძალიან მნიშვნელოვანი პროექტია“, - აღნიშნა თბილისის მერმა,ტელეკომპანია „რუსთავი 2“-ის გადაცემაში „დებატები“ თბილისის მერმა და ვიცე-მერმა გიორგი ტყემალაძემ საზოგადოებრივი ტრანსპორტის მიმართულებით არსებული გამოწვევების შესახებ ოპონენტების კითხვებსაც უპასუხეს.„ზოგადად, ჩვენი სატრანსპორტო პოლიტიკა მიმართულია იმისკენ, რომ საზოგადოებრივი ტრანსპორტით გადაადგილება იყოს ყველასთვის ხელმისაწვდომი. ამიტომ შევისყიდეთ 18-მეტრიანი ავტობუსები, დამატებით 200 ერთეულ ავტობუსს ვყიდულობთ იმისათვის, რომ არ დაგვრჩეს ქალაქში უბანი, ქუჩა, სადაც ტრანსპორტი არ გადაადგილდება; რაც შეიძლება ბევრ ადამიანს ჰქონდეს შესაძლებლობა, ისარგებლოს საზოგადოებრივი ტრანსპორტით და ქალაქში გადაადგილება, შესაბამისი ინფრასტრუქტურით და საავტობუსო ზოლებით იყოს კომფორტული.ასევე, ახსენეთ ტრამვაი - პროექტის სატენდერო პროცედურების პირველი ეტაპი დამთავრებულია. მიმდინარეობს საკმაოდ მოცულობითი სატენდერო დოკუმენტაციის შესწავლა, კონკრეტული საკითხების დაზუსტება და ივნისის ბოლოსთვის უკვე შევძლებთ გავაფორმოთ ხელშეკრულება გამარჯვებულ კომპანიასთან. 36 თვეა სამუშაოების წარმოების ვადა და თბილისს ექნება ტრამვაის სახით პირველი პროექტი. დიდი იმედი მაქვს, რომ ეს არ იქნება პირველი და ბოლო, ჩვენს ქალაქს ძალიან სჭირდება ისეთი საზოგადოებრივი ტრანსპორტი, როგორიც არის ტრამვაი“ - განაცხადა კახა კალაძემ.თბილისის ვიცე-მერის, გიორგი ტყემალაძის განცხადებით, ახალი ავტობაზის მშენებლობა ივნისის ბოლოსთვის დასრულდება და აბსოლუტურად ყველა 18-მეტრიანი ავტობუსი სხვადასხვა მარშრუტზე იქნება გაშვებული.ინფორმაციას თბილისის მერია ავრცელებს.