უეფა-მ 2025/26 წლების სეზონის სეზონის საუკეთესო გოლების რეიტინგი გამოაქვეყნა.ათი ყველაზე სანახაობრივი გოლის სია ორგანიზაციის ტექნიკური დამკვირვებლების ჯგუფმა შეადგინა. პირველობა „რეალის“ ნახევარმცველმა, ფედერიკო ვალვერდემ მოიპოვა, რომელმაც მერვედფინალის პირველ მატჩში „მანჩესტერ სიტის“ ულამაზესი გოლი გაუტანა.პრესტიჟულ რეიტინგში საქართველოს ნაკრების კაპიტანიც მოხვდა. ხვიჩა კვარაცხელია „ატალანტას“ რამდენიმე მცველს დრიბლინგით გასცდა და არანაკლებ ეფექტური დარტყმით კარი აიღო. პსჟ-ის ქართველი ვარსკვლავი რეიტინგში მე-4 ადგილზეა.2025/26 წლების ჩემპიონთა ლიგის 10 საუკეთესო გოლი უეფას მიხედვით: 1. ფედერიკო ვალვერდე (რეალი – მანჩესტერ სიტი 3:0) 2. მიკი ვან დე ვენი (ტოტენჰემი – კოპენჰაგენი 4:0) 3. ლუის დიასი (პსჟ – ბაიერნი 5:4) 4. ხვიჩა კვარაცხელია (პსჟ – ატალანტა 4:0) 5. ჰარი კეინი (ბაიერნი – ატალანტა 4:1) 6. ლამინ იამალი (ბრიუგე – ბარსელონა 3:3) 7. ვიტინია (პსჟ – ტოტენჰემი 5:3) 8. ანატოლი ტრუბინი (ბენფიკა – რეალი – 4:2) 9. ვლად დრაგომირი (პაფოსი – პრაღა სლავია 4:1) 10. ნონი მადუეკე (ბრიუგე – არსენალი 0:3) პირველი არხი

დანიელი ფეხბურთელი კრისტიან ერიქსენი, უკრაინის წინააღმდეგ გამართული ამხანაგური მატჩის დროს მოედანზე დაეცა და გონება დაკარგა. ​ოდენსეში მიმდინარე თამაში 65-ე წუთზე შეწყდა, როდესაც ის მოედანზე დაეცა, მალევე კი მატჩი საბოლოოდ ჩაიშალა. 34 წლის ფეხბურთელმა მოედნის დატოვება ფეხით შეძლო.„მანჩესტერ იუნაიტედისა“ და „ტოტენჰემის“ ყოფილ ნახევარმცველს კარდიოსტიმულატორი ჩაუდგეს, მას შემდეგ, რაც 5 წლის წინ, ევროპის ჩემპიონატის მატჩის დროს გული გაუჩერდა.მოგვიანებით ფეხბურთელის ჯანმრთელობის მდგომარეობის შესახებ ცნობები დანიის ნაკრების ექიმმა, მორტენ ბოესენმა გაავრცელა.„კრისტიანი თავს კარგად გრძნობს და მოედანი დამოუკიდებლად დატოვა. კარდიოსტიმულატორმა ზუსტად ისე იმუშავა, როგორც უნდა ემუშავა. ის მცირე ხნით უგონოდ იყო, მაგრამ გონება ძალიან სწრაფად დაუბრუნდა და მასთან კონტაქტზე მალევე გავედით. ახლა ის საავადმყოფოში დამატებით გამოკვლევებს ჩაიტარებს, რათა დადგინდეს, რამ გამოიწვია ეს ინციდენტი. თუმცა ახლა გონზეა, აცხადებს დანიის ფეხბურთის ასოციაცია. „ჩვენ მუდმივ კონტაქტზე ვართ მასთან და საავადმყოფოს ექიმებთან“, - განაცხადა ბოესენმა.„ევრო 2020“-ის რიგით მე-3 მატჩში დანია ფინეთს მასპინძლობდა, როცა პირველი ტაიმის მიწურულს კრისტიან ერიქსენი მიწაზე დაეცა. მას სამედიცინო დახმარებას მოედანზე 15 წუთის განმავლობაში უწევდნენ. მოგვიანებით გაირკვა, რომ ფეხბურთელს გული გაუჩერდა. ერიქსენმა ვარჯიში იმავე წლის დეკემბერში დაიწყო და ფეხბურთსაც დაუბრუნდა.

საქართველოს ნაკრების მთავარმა მწვრთნელმა, ვილი სანიოლმა მიხეილ მესხის სახელობის სტადიონზე პრესკონფერენცია გამართა და ბაჰრეინთან მოახლოებულ ამხანაგურ მატჩზე ისაუბრა.„წინა თამაშთან შედარებით, შემადგენლობაში რამდენიმე ცვლილება იქნება. ბაჰრეინს რაც შეეხება, ბოლო წლებში აზიის ტურნირებში კარგი შედეგები აქვს, საერთოდ ახალ გუნდებთან თამაში საქართველოს ნაკრების განვითარებისთვის კარგი იქნება.ჩაკვეტაძის ტრავმა სერიოზული არ არის, მაგრამ ფეხი დასიებული აქვს და ვერ ითამაშებს. ხვიჩა კვარაცხელიას რაც შეეხება, მას თავიდანვე სურდა, გუნდს შემოერთებოდა და ხვალ პირველივე წუთებიდან მოედანზე იქნება. გიორგი მამარდაშვილს რთული სეზონი ჰქონდა. ძნელია, გიორგი ურჩიო „ლივერპულიდან“ წასვლა, მაგრამ ხომ არ აჯობებს, რომ გუნდი შეიცვალოს? ზოგადად, ეს ტრანსფერი გაგვიხარდა, მაგრამ მის ასაკში, ჩემი აზრით, აჯობებს სხვა გუნდში გადავიდეს. სასურველია, რომ ყველა პოზიციაზე იყოს კონკურენცია და 2-3 კანდიდატი გვყავდეს. ამიტომ ხვალ შანსი ლუკა გუგეშაშვილს მიეცემა. რუმინეთთან საკმაოდ ბევრი მომენტი შევქმენით, მაგრამ ბოლო ფაზაში გვიჭირდა დაგვირგვინება. იმედია, ბაჰრეინთან უკეთესი შედეგი იქნება და შეკრებას მოგებით დავასრულებთ.ბართიშვილის თამაშს ვუყურე და ნიჭიერი მოთამაშეა, მაგრამ უფრო მაღალ დონეზე სათამაშოდ მხოლოდ ტექნიკა არ არის საკმარისი, აზროვნებაც საჭიროა. ამის მაგალითია ხვიჩა კვარაცხელია. იმედია,  ბართიშვილი შრომას გააგრძელებს და განვითარებას“.საქართველოსა და ბაჰრეინის ნაკრებების ამხანაგური მატჩი მიხეილ მესხის სახელობის სტადიონზე 5 ივნისს, 20:00 საათზე დაიწყება – პირდაპირ რეპორტაჟს საქართველოს პირველი არხი შემოგთავაზებთ.პირველი არხი

ქართველი ფეხბურთელის ხვიჩა კვარაცხელიას სატრანსფერო ღირებულება 50 მლნ ევროთი გაიზარდა და 140 მლნ ევროს მიაღწია. მანამდე მისი ღირებულება 90 ევროს შეადგენდა.შეგახსენებთ, რომ 30 მაისს, ბუდაპეშტში გამართული ჩემპიონთა ლიგის ფინალის შემდეგ, ხვიჩა კვარაცხელიას „პარი სენ-ჟერმენმა“ ლონდონური „არსენალი“ პენალტების სერიაში დაამარცხა და ზედიზედ მეორედ, ევროპის უმთავრეს საკლუბო ტიტულს დაეუფლა.31 მაისს კი უეფამ „პარი სენ-ჟერმენის“ ქართველი ფეხბურთელი ხვიჩა კვარაცხელია ჩემპიონთა ლიგის სეზონის საუკეთესო მოთამაშედ დაასახელა.ცნობისთვის, კვარაცხელიამ ამ სეზონში 16 მატჩში 10 გოლი გაიტანა და 6 საგოლე გადაცემა გააკეთა.უცხოური გამოცემების დათვლებით, ჩემპიონი პსჟ-ს ჯამურმა შემოსავალმა სეზონზე საშუალოდ, 146 მლნ ევროს მიაღწია.

ბუდაპეშტში გამართული ჩემპიონთა ლიგის ფინალის შემდეგ, სადაც ხვიჩა კვარაცხელიას „პარი სენ-ჟერმენმა“ ლონდონური „არსენალი“ პენალტების სერიაში დაამარცხა და ზედიზედ მეორედ დაეუფლა ევროპის უმთავრეს საკლუბო ტიტულს, მსოფლიო მედიის ყურადღების ცენტრში, სპორტულ შედეგებთან ერთად, ტურნირის რეკორდული ფინანსებიც მოექცა.როგორც წესი, ჩემპიონთა ლიგის ფინალი მხოლოდ სპორტული დაპირისპირება არასდროსაა, ეს არის ძალიან დიდი ფინანსური ბრძოლაც, რადგან ჩემპიონთა ლიგა ყველაზე შემოსავლიანი საკლუბო ტურნირია ევროპაში.გავლენიანი საერთაშორისო ბიზნეს-გამოცემების, მათ შორის Financial Times-ის, Business Standard-ისა და Hindustan Times-ის ანალიზი აჩვენებს, რომ უეფას (UEFA) განახლებული ფორმატი და გაზრდილი, 2.4-მილიარდიანი საპრიზო ფონდი, კლუბებისთვის სოლიდური შემოსავლის წინაპირობად იქცა.ავტორიტეტული გამოცემების გათვლებით, მხოლოდ ფინალურ მატჩში გამარჯვებისთვის პსჟ-მ უეფასგან პირდაპირი საპრიზო თანხის სახით 25 მლნ ევრო (დაახლოებით 26.8 მლნ დოლარი) მიიღო, ხოლო ვიცე-ჩემპიონმა „არსენალმა“ - 18.5 მილიონი ევრო.წესების თანახმად, 18.5 მლნ ევრო სწორედ ფინალში მოხვედრისთვის დაწესებული ჯილდოა, გამარჯვებულს (პსჟ) კი ბონუსის სახით უეფა-სგან 6.5 მლნ ევროს ბონუსი დაემატა. თუმცა, როგორც სპორტული ფინანსების ექსპერტები Financial Times-თან საუბრისას აღნიშნავენ, ეს მხოლოდ აისბერგის მწვერვალია.უცხოური გამოცემები განმარტავენ, რომ ჩემპიონთა ლიგის ტურნირიდან მიღებული შემოსავლები გუნდებისთვის რამდენიმე ნაწილად იყოდა, მათ შორისაა მონაწილეობისთვის ფიქსირებული თანხა, მატჩების მოგების ან ფრედ დასრულების შემთხვევაში ბონუსები, ეტაპებზე გასვლის ჯილდოები (მერვედფინალი, მეოდხედფინალი, ნახევარფინალი) და რაც ძალიან მნიშვნელოვანი ნაწილია, უეფას ე.წ. „Value Pillar“-ის (სატელევიზიო ბაზრის წილი და კლუბის რეიტინგი) წყალობით მიღებული შემოსავლები. სწორედ აღნიშნულ დათვლებზე დაყრდნობით, უცხოური მედია წერს, რომ ჩემპიონი პსჟ-ს ჯამურმა შემოსავალმა ამ სეზონიდან საშუალოდ, 146 მილიონ ევროს მიაღწია.რა თანხას გამოიმუშავებს ხვიჩა კვარაცხელია ჩემპიონთა ლიგის მოგებისთვის?ბიზნეს-ანალიტიკაში ერთ-ერთი ყველაზე საინტერესო კითხვაა, რა ხვდებათ თავად მოედანზე მყოფ ვარსკვლავებს ამ მილიონებიდან? ეს კითხვა საინტერესოა ქართველი გულშემატკივრისთვისაც, რადგან მოედანზე მყოფ ვარსკვლავთა შორის ერთ-ერთი სწორედ ქართველი ფეხბურთელი, ხვიჩა კვარაცხელია იყო, რომელიც პსჟ-სთან ერთად ჩემპიონთა ლიგის გამარჯვებული ზედიზედ მეორედ გახდა.ოფიციალურად, წესების თანახმად, უეფა ფეხბურთელებს ინდივიდუალურად არ აჯილდოებს და მთელი თანხა კლუბის ანგარიშზე შედის. მოთამაშეების ანაზღაურება კი, სრულად შიდა საკლუბო კონტრაქტების პირობებსა და პრემიებზეა დამოკიდებული.თუკი აქამდე ტოპ-კლუბებში ჩემპიონთა ლიგის მოგებისთვის ფეხბურთელების სტანდარტული ბონუსი 400 000-დან 600 000 ევრომდე მერყეობდა, პარიზულმა გრანდმა წელს ახალი რეკორდი დაამყარა.წამყვანი ფრანგული გამოცემის, L'Équipe-ის ექსკლუზიურ ინფორმაციაზე დაყრდნობით (რომელიც წამყვანმა სპორტულმა პლატფორმებმა, მათ შორის Goal.com-მაც გაავრცელეს), პსჟ-ს თითოეული ფეხბურთელი ჩემპიონთა ლიგის მოგებისთვის ბონუსის სახით 1 მილიონ ევროს მიიღებს.ევროპული პრესა ხაზს უსვამს, რომ ეს პუნქტი სეზონის დაწყებამდე კლუბის მენეჯმენტსა და გუნდის „ლიდერთა საბჭოს“ (მარკინიოსი, აშრაფ ჰაკიმი, უსმან დემბელე და ვიტინია) შორის ხანგრძლივი მოლაპარაკებების შედეგად შეთანხმდა.პუბლიკაციაში საუბარია იმაზეც, რომ კლუბის სპორტულმა დირექტორმა, ლუის კამპოსმა, ძველი მიდგომები შეცვალა, რომელიც ადრე ისეთ სუპერვარსკვლავებზე იყო მორგებული, როგორიცაა მაგალითად, კილიან მბაპე. ახალი სისტემით, კლუბმა პრიორიტეტი კოლექტიურ ბონუსს მიანიჭა, რაც ნიშნავს იმას, რომ გუნდურობის წასახალისებლად, ფიქსირებულ 1 მილიონ ევროს მიიღებს აბსოლუტურად ყველა ძირითადი მოთამაშე, განურჩევლად მათი ვარსკვლავური სტატუსისა და იმ სათამაშო დროისა, რაც მოედანზე გაატარეს.უცხოური გამოცემები ასევე წერენ, რომ გუნდის მთავარმა მწვრთნელმა, ლუის ენრიკემ, მედიასთან ფინანსური სტიმულირება მეორეხარისხოვნ საკითხად წარმოაჩინა და განაცხადა, რომ ჩემპიონთა ლიგის მოგებაზე დიდი მოტივაცია და ჯილდო არაფერია.bpn.ge

მსოფლიოს ყველაზე ძვირად ღირებული საფეხბურთო კლუბების 2026 წლის რეიტინგს მადრიდის „რეალი“ ლიდერობს. ამის შესახებ ამერიკული Forbes-ი წერს. კლუბის ამჟამინდელი ღირებულება 9.5 მლრდ დოლარია.მეორე ადგილზე იმყოფება „ბარსელონა“, რომელიც „რეალს“ 2 მლრდ-ით ჩამორჩება. რეიტინგში მესამე ადგილზე „მანჩესტერ იუნაიტედია“ 7.2 მლრდ დოლარით.Forbes -ის ვერსიით, ყველაზე ძვირად ღირებული საფეხბურთო კლუბების 10-ეული ასე გამოიყურება: „რეალი“ – 9.5 მლრდ; „ბარსელონა“ – 7.5 მლრდ; „მანჩესტერ იუნაიტედი“ – 7.2 მლრდ; „ლივერპული“ – 6.2 მლრდ; „პარი სენ-ჟარმენი“ – 5.8 მლრდ; „ბაიერნი“ – 5.7 მლრდ; „მანჩესტერ სითი“ – 5.5 მლრდ; „არსენალი“ – 5.4 მლრდ; „ჩელსი“ – 4.2 მლრდ; „ტოტენჰემი“ – 3 მლრდ.

ტურინის „იუვენტუსს“ „ლივერპულიდან“ ალისონ ბეკერის დამატება სურდა, თუმცა, შესაძლოა, ალტერნატიულ ვარიანტად გიორგი მამარდაშვილი განიხილოს, – ინფორმაციას იტალიური გამოცემა La Gazzetta dello Sport-ი ავრცელებს.„მნიშვნელოვანი ამბავი – „იუვენტუსის“ ალტერნატიული გეგმა, შესაძლოა, გიორგი მამარდაშვილის იჯარით დამატებას გულისხმობდეს. ტურინული კლუბი 2027 წლამდე მოიცდის, სანამ ალისონი „ლივერპულს“ თავისუფალი აგენტის სტატუსით დატოვებს და მასთან ხელშეკრულების გაფორმებას ამის შემდეგ შეეცდება“, – წერს La Gazzetta dello Sport-ი.მანამდე გავრცელებული ინფორმაციით, ალისონ ბეკერი „ლივერპულს“ სეზონის დასრულების შემდეგ დატოვებდა, ხოლო მის ადგილს სწორედ გიორგი მამარდაშვილი დაიკავებდა, თუმცა, როგორც ჩანს, ბრაზილიელი მეკარის მომავალთან დაკავშირებით საბოლოო გადაწყვეტილება ჯერ კიდევ არ არის მიღებული.პირველი არხი

„პარი სენ-ჟერმენმა“ სტუმრად „ლანსი“ ანგარიშით 2:0 დაამარცხა და გახდა საფრანგეთის ჩემპიონი ფეხბურთში.გატანილი გოლებით ხვიჩა კვარაცხელია (მე-19 წუთი) და იბრაჰიმ მბაიე (90+4) გამოირჩნენ.„პარი სენ-ჟერმენმა“ 76 ქულა დააგროვა და ტურნირის დასრულებამდე ერთი ტურით ადრე გაინაღდა ტიტული.პარიზულმა გუნდმა ზედიზედ მეხუთედ და ჯამში მეთოთხმეტედ მოიგო საფრანგეთის ჩემპიონატი.

ხვიჩა კვარაცხელიამ ჩემპიონთა ლიგაზე მორიგი საგოლე მოქმედება ჩაიწერა. მისმა „პარი სენ-ჟერმენმა“ მიუნხენში „ბაიერნთან“ ფრედ ითამაშა (1:1) და ფინალში გავიდა.პარიზში პსჟ-მა 5:4 მოიგო. განმეორებითი შეხვედრა ასეთივე უხვგოლიანი არ გამოდგა. ქართველმა ვარსკვლავმა ეს შეხვედრაც შესანიშნავად დაიწყო, მე-3 წუთზე საგოლე შეტევა განავითარა, რომელიც უსმან დემბელემ ზუსტი დარტყმით დააგვირგვინა – 1:0.„ბაიერნი“ დიდ უპირატესობას ფლობდა, მაგრამ ანგარიში მხოლოდ მსაჯის მიერ დამატებულ წუთზე გაათანაბრა. გოლი ჰარი კეინმა გაიტანა.მეორე ტაიმში მიუნხენელები დიდ უპირატესობას ფლობდნენ, მაგრამ ფრანგების დაცვას ვერაფერს უხერხებდნენ. პსჟ-დან კი ყველაზე მწვავედ კვარაცხელია უტევდა, მე-80 წუთზე შესანიშნავი ფინტებით კარის წინ დარჩა და გატანა შეეძლო, მაგრამ შანსით ვერ ისარგებლა.ჩემპიონთა ლიგაზე ხვიჩა კვარაცხელიას ანგარიშზე უკვე 10 გოლი და 6 ასისტია, რაც მის კარიერაში საუკეთესო შედეგია, მიმდინარე ტურნირზე ქართველი ვარსკვლავი 16 საგოლე მოქმედებებით კილიან მბაპეს დაეწია და მეორე ადგილზეა. ამავე დროს, ჩემპიონთა ლიგაზე პირველი ფეხბურთელია, რომელმაც პლეი ოფის ზედიზედ მე-7 შეხვედრაში საგოლე მოქმედება ჩაიწერა.1TV

ხვიჩა კვარაცხელია ჩემპიონთა ლიგის კვირის ნაკრებშია – რჩეული თერთმეტეული ორგანიზაციის ოფიციალურმა გვერდმა დაასახელა.საქართველოს ნაკრების და პსჟ-ს თავდამსხმელმა გადამწყვეტი როლი ითამაშა, ფრანგულმა კლუბმა ჩემპიონთა ლიგის ნახევარფინალის პირველ მატჩში მიუნხენის „ბაიერნი“ 5:4 რომ დაამარცხა.შეგახსენებთ, რომ 25 წლის ქართველმა თავდამსხმელმა გერმანულ გრანდთან დუბლი შეასრულა და მოედანზე ერთ-ერთი გამორჩეული იყო.1tv.ge

ხვიჩა კვარაცხელიამ ჩემპიონთა ლიგის პირველ ნახევარფინალურ შეხვედრაში მიუნხენის „ბაიერნთან“ დუბლი შეასრულა, ხოლო „პარი სენ-ჟერმენმა“ გერმანული გუნდი 5:4 დაამარცხა.„ბაიერნმა“ მატჩი კარგად დაიწყო და ჰარი კეინის პენალტით დაწინაურდა. ხვიჩა კვარაცხელიამ პირველი გოლი 24-ე წუთზე გაიტანა.სანახაობრივი და დაძაბული მატჩის პირველ ტაიმში ჟოა ნევეშმა პსჟ 33-ე წუთზე დააწინაურა. მართალია, მაიკლ ოლისემ 41-ე წუთზე წონასწორობა აღადგინა, მაგრამ უსმან დემბელემ პენალტით (45+5) შესვენებამდე პარიზელები კვლავ წინ გაიყვანა.მეორე ტაიმში ხვიჩა კვარაცხელიამ კვლავ გაიბრწყინა – მან 56-ე წუთზე დუბლი შეასრულა. ორ წუთში კი მისი წამოწყებული იერიში დეზირე დუემ უსმან დემბელეს გაუგრძელა და ფრანგმა თავდამსხმელმაც დუბლი გაიფორმა. „ბაიერნი“ უპამეკანოს (65) და ლუის დიასის (69) გოლებით თამაშში მაინც დაბრუნდა და სხვაობა მინიმუმამდე შეამცირა.ხვიჩა კვარაცხელიას ჩემპიონთა ლიგის მიმდინარე სეზონში 15 საგოლე მოქმედება აქვს – 10 გოლი და 5 შედეგიანი გადაცემა.საპასუხო ნახევარფინალური შეხვედრა „ბაიერნსა“ და „პარი სენ-ჟერმენს“ შორის მიუნხენში 6 მაისს გაიმართება. მიმდინარე სეზონში ჩემპიონთა ლიგის ფინალი ბუდაპეშტში 30 მაისს შედგება.

ხვიჩა კვარაცხელიამ მორიგი შთამბეჭდავი თამაში ჩაატარა „პარი სენ-ჟერმენში“ და გუნდს დუბლით „ნანტის“ დამარცხებაში დაეხმარა – 3:0.საფრანგეთის ლიგა 1-ის მორიგ ტურში, „ნანტთან“ საშინაო შეხვედრაში საქართველოს ნაკრების ლიდერმა მე-13 წუთზე პენალტი უნაკლოდ შეასრულა და ანგარიში გახსნა.50-ე წუთზე კი კვარაცხელიამ ეფექტური ეპიზოდი შემოგვთავაზა – შეტევა თავად წამოიწყო, უსმან დემბელემ საჯარიმოსთან ბურთი დაუბრუნა, ხოლო ზუსტი დარტყმით სეზონში მესამე დუბლი შეასრულა. საბოლოოდ, 9.0 შეფასებით ქართველი მატჩის საუკეთესო მოთამაშედ დაასახელეს.26 ტურის შემდეგ პსჟ 66 ქულით ლიდერია და „ლანსს“ ოთხი ქულით უსწრებს. ხვიჩა კვარაცხელიას ანგარიშზე ლიგა 1-ში 7 გოლი და 4 საგოლე გადაცემაა, მათგან 4 გოლი ბოლო 3 ტურში გაიტანა. ყველა ტურნირზე კი ქართველმა ვარსკვლავმა 16 გოლი და 9 საგოლე გადაცემა დააგროვა.