1792822020
სპორტი
ხვიჩა კვარაცხელიამ „ოქროს ბურთის“ რეიტინგში მე-6 ადგილი დაიკავა
საქართველოს ნაკრების კაპიტანმა და ფრანგული „პსჟ“-ს ფეხბურთელმა ხვიჩა კვარაცხელიამ 2026 წლის „ოქროს ბურთის“ რეიტინგში მე-6 ადგილი დაიკავა. „ოქროს ბურთის“ რიგით 70-ე დაჯილდოების ცერემონია ლონდონში გაიმართა.2026 წლის „ოქროს ბურთის“ გამარჯვებული მიუნხენის „ბაიერნისა“ და ინგლისის ნაკრების ფორვარდი, ჰარი კეინი გახდა. ჰარი კეინი 2026 წლის საუკეთესო ფორვარდადაც დასახელდა.2026 წლის „ოქროს ბურთის" ათეული ასე გამოიყურება:ჰარი კეინი (მიუნხენის „ბაიერნი");კილიან მბაპე (მადრიდის „რეალი");ლამინ იამალი („ბარსელონა");როდრი („ბარსელონა");ლიონელ მესი (მაიამის „ინტერი");ხვიჩა კვარაცხელია („პსჟ");უსმან დემბელე („პსჟ");ერლინგ ჰოლანდი („მანჩესტერ სიტი");მაიკლ ოლისე (მიუნხენის „ბაიერნი");ფაბიან რუისი („პსჟ").
1793078856
ხვიჩა კვარაცხელია ოპერაციას მიმდინარე კვირაში, კატარში გაიკეთებს - L'Equipe
L'Equipe ხვიჩა კვარაცხელიას ოპერაციის ჩატარების თარიღსა და ლოკაციაზე ინფორმაციას ავრცელებს.,,ხვიჩა კვარაცხელია მიმდინარე სეზონში პსჟ-სთვის ერთ-ერთი ყველაზე მნიშვნელოვანი დანაკლისი იქნება.ქართველმა ფეხბურთელმა ბარსელონასთან გამართულ შეხვედრაში (4:2), მარჯვენა მუხლის ჯვარედინი იოგი გაიწყვიტა და უახლოეს დღეებში ოპერაციას გაიკეთებს.ქირურგიული ჩარევა მომავალი კვირის დასაწყისში, კატარის დედაქალაქ დოჰაში, ასპეტარის კლინიკაშია დაგეგმილი. ოპერაციის ზუსტი თარიღი ჯერჯერობით არ გასაჯაროებულა." - წერს ფრანგული გამოცემა.ოპერაციის შემდეგ ქართველ ფეხბურთელს რეაბილიტაციის ხანგრძლივი პროცესი ელის. დიდი ალბათობით, ის მიმდინარე სეზონში თამაშს ვეღარ შეძლებს.adjarabetarena.com
1792995586
გამარჯვებაში დარწმუნებული ვარ, რადგან მასზე მაღალი დონის მებრძოლი ვარ – მერაბ დვალიშვილი პიოტრ იანთან ბრძოლის წინ
მერაბ დვალიშვილმა პიოტრ იანთან UFC-ს სუპერმსუბუქი (61კგ) წონის საჩემპიონო ბრძოლის წინ ჟურნალისტების კითხვებს უპასუხა. „აბუ დაბიში ყოფნა ძალიან მახარებს. საბრძოლო კვირეულის რუტინა მიმდინარეობს – ვარჯიშები, წონის კლება და მედიასთან კომუნიკაცია. ფორმაში ვარ და თავს მშვენივრად ვგრძნობ. მართალია, გადატვირთული გრაფიკი მქონდა, მაგრამ წუწუნი არ მჩვევია. პროფესიონალი ვარ და რამე რომც მაწუხებდეს, ოქტაგონზე მაინც გავალ. ახლა კი მოგების უდიდესი სურვილი მაქვს. სანამ ზუსტ დროს გავიგებდი, დალოდება ნამდვილად სტრესული იყო. თუმცა როგორც კი თარიღი დადასტურდა, დაძაბულობა მომეხსნა. ჩხუბი ძალიან მომენატრა და მჯერა, რომ ახლა ჩემს საუკეთესო ვერსიას ვაჩვენებ. რა თქმა უნდა, კონკურენტული გარემო მიყვარს. ჭიდაობამ მომცა საშუალება, ყურადღება სხვა რამეზე გადამეტანა და მაყურებლის წინაშე გამოსვლის წნეხს შევჩვეოდი. საქართველოში უამრავი გულშემატკივრის წინაშე გამოსვლა განსხვავებული ემოცია იყო. ამასთან, ამერიკის რამდენიმე შტატშიც ვიასპარეზე, რამაც დამატებითი გამოცდილება შემძინა და განვითარებაში დამეხმარა. ეს მესამე შეხვედრაა. პირველად უპირატესობა ჩემ მხარეს იყო და გავიმარჯვე, მეორე დაპირისპირებაც ცალმხრივად წარიმართა, თუმცა ჩემთვის სავალალოდ დასრულდა. ახლა დარწმუნებული ვარ მოგებაში, რადგან მასზე მაღალი დონის მებრძოლი ვარ და ეს უნდა დავამტკიცო. მომზადებაში დიდი შრომა ჩავდე. ახლა მთავარია, გავიდე, ჩემი საქმე შევასრულო, გამარჯვება ვიზეიმო და მომდევნო კვირას უკვე მშვიდად დავისვენო. მინდა, რომ პოზიტიურად ვიყო და ამ პროცესით ვისიამოვნო. მადლიერების გრძნობა სიმშვიდეს მანიჭებს. UFC-ში მოხვედრა ჩემი ოცნება იყო და ახლა უკვე ამ რეალობაში ვცხოვრობ. მთავარია, ბოლომდე დავიხარჯო და ჩემი სტილი ვაჩვენო. შედეგის მიუხედავად, ბედნიერი ვიქნები, თუმცა ვიცი, რომ თუ ჩემს შესაძლებლობებს სრულად გამოვავლენ, ამ ბრძოლას აუცილებლად მოვიგებ“, – ამბობს დვალიშვილი. მერაბ დვალიშვილისა და პიოტრ იანის საჩემპიონო ბრძოლა 24 ოქტომბერს აბუ დაბიში ჩატარდება.პირველი არხი
1792743060
„ოქროს ბურთის“ გამარჯვებულის ვინაობა ცერემონიამდე გასაიდუმლოებული დარჩება - ისტორიაში პირველად დაჯილდოება ლონდონში გაიმართება
გამოცემა France Football ყველაფერს გააკეთებს იმისთვის, რომ 2026 წლის „ოქროს ბურთის“ გამარჯვებულის ვინაობა დაჯილდოების ცერემონიამდე არ გახმაურდეს. გავრცელებული ინფორმაციით, ორგანიზატორები შარშანდელი მიდგომის შენარჩუნებას გეგმავენ და გამარჯვებულის ვინაობას ბოლო მომენტამდე საიდუმლოდ დატოვებენ.მსგავსი წესი 2025 წელსაც გამოიყენეს, როდესაც „ოქროს ბურთი“ ფრანგმა ფეხბურთელმა უსმან დემბელემ მოიგო. მან საკუთარი გამარჯვების შესახებ მხოლოდ სცენაზე, კონვერტის გახსნის შემდეგ შეიტყო. გავრცელებული ცნობით, წელსაც გამარჯვებულის ვინაობა წინასწარ არც თავად ფეხბურთელს ეცოდინება და არც მის კლუბს.გამარჯვებულისთვის შედეგის წინასწარ გაუმხელლობა ახალი პრაქტიკა არ არის. ბოლო წლებში ორგანიზატორები ცდილობენ, დაჯილდოების ცერემონიაზე სიურპრიზი შეინარჩუნონ და გამარჯვებული უშუალოდ ღონისძიების დროს გამოაცხადონ.2026 წლის „ოქროს ბურთის“ დაჯილდოების ცერემონია 26 ოქტომბერს, ლონდონის „პალადიუმის“ თეატრში გაიმართება. ღონისძიება ინგლისის დედაქალაქში პირველად ჩატარდება და „ოქროს ბურთის“ ისტორიაში საიუბილეო, 70-ე დაჯილდოება იქნება.ჯილდოს მოგების 30 ნომინანტს შორის საქართველოს ნაკრების კაპიტანი ხვიჩა კვარაცხელიაცაა.
1792051740
გიორგი მიქაუტაძის საბაზრო ღირებულება €10 მილიონით გაიზარდა
საქართველოს ეროვნული საფეხბურთო ნაკრებისა და „ვილიარეალის“ შემტევის, გიორგი მიქაუტაძის საბაზრო ღირებულება Transfermarkt-ზე 10 მილიონი ევროთი გაიზარდა და 40 მილიონ ევროს გაუტოლდა. შედეგად, გიორგიმ ნაკრებში მეორე ყველაზე ძვირად ღირებული ფეხბურთელის სტატუსი გაიმყარა და ამ დროისთვის სატრანსფერო ფასით მხოლოდ ხვიჩა კვარაცხელიას (€140 მილიონი) ჩამორჩება.გიორგი მიქაუტაძის საბაზრო ღირებულებამ €1-მილიონიან ნიშნულს 2020 წლის ოქტომბერში გადააბიჯა, როდესაც ფეხბურთელი ბელგიური „სერენის“ ღირსებას იცავდა. ის „მეციდან“ სწორედ ამ კლუბში იყო განათხოვრებული.2023 წლის ზაფხულში მიქაუტაძე „მეცმა“ „აიაქსში“ გაასხვისა. ნიდერლანდურმა კლუბმა სანაცვლოდ 16 მილიონი ევრო გადაიხადა. თუმცა „აიაქსში“ გიორგის კარიერა ვერ აეწყო და ის კვლავ „მეცმა“, 13 მილიონი ევროდ გამოისყიდა.2024 წლის ზაფხულში მიქაუტაძე ლიონის „ოლიმპიკს“ შეუერთდა, თუმცა დაახლოებით ერთ წელიწადში, ფრანგულ კლუბს ფინანსური პრობლემების გამო მისი გაშვება მოუწია. გიორგიმ კი კარიერა ესპანეთის ლა-ლიგაში, „ვილიარეალში“ განაგრძო. კლუბმა 25 წლის ქართველი ფეხბურთელი 22 მილიონ ევროდ შეიძინა.წყარო: forbes.ge
1791281820
საქართველოს ნაკრებისა და უკრაინის მატჩი ფრედ დასრულდა
საქართველოს ნაკრებმა ერთა ლიგის გათამაშების მეორე ტურში უკრაინის ნაკრებს უმასპინძლა და მატჩი ნულოვანი ფრით დასრულდა – 0:0.ვილი სანიოლის წასვლის შემდეგ რამაზ სვანაძემ გუნდი მოედანზე მთავარი მწვრთნელის რანგში პირველად გაიყვანა. ის შემადგენლობაში მკვეთრ ცვლილებებს მოერიდა და ამ ფორმაციის გუნდისთვის უფრო ლოგიკური 3-5-2 განლაგება აირჩია, კიტეიშვილი, ჩაკვეტაძე და წიტაიშვილი კი ძირითად შემადგენლობაში დააყენა.მიუხედავად იმისა, რომ სტუმრები „ჯვაროსნების“ შეჩერებას ხისტი თამაშით ცდილობდნენ, საქართველოს ნაკრები უპირატესობას მაინც დაეუფლა და არაერთი მწვავე მომენტი შექმნა.მე-15 წუთზე ხვიჩამ საჯარიმო სახიფათოდ შეასრულა და კარს ბურთი სანტიმეტრებით ააცილა. ყველაზე დიდი საფრთხე 20 წუთზე შეიქმნა: ჩაკვეტაძის შესანიშნავი დარტყმის შემდეგ ტრუბინმა ბურთი „ცხრიანიდან“ მოხსნა და გუნდი გოლისგან იხსნა.მეორე ტაიმში თამაშის სურათი არ შეცვლილა, უფრო მეტს საქართველოს ნაკრები უტევდა, მაგრამ გოლი არ ჩანდა. მწვრთნელმა რამაზ სვანაძემ შეტევის ხაზი მნიშვნელოვნად შეცვალა – მიქაუტაძე, ჩაკვეტაძე და კიტეიშვილი გაიყვანა და თამაშში ჩართო კვერნაძე, დავითაშვილი და მექვაბიშვილი. გოლი არც ამის შემდეგ გასულა.0:0 – საქართველოს ნაკრებმა ერთა ლიგის ამ გათამაშებაში პირველი ქულა მოიპოვა.მომდევნო მატჩს ჩვენი გუნდი 2 ოქტომბერს უნგრეთის წინააღმდეგ სტუმრად გამართავს.
1790657802
საქართველოს ეროვნულ ნაკრებს რამაზ სვანაძე უხელმძღვანელებს
საქართველოს ეროვნულ საფეხბურთო ნაკრებს 2028 წლის ბოლომდე ქართველი სპეციალისტი რამაზ სვანაძე უხელმძღვანელებს. სვანაძე მთავარი მწვრთნელის პოსტზე ფრანგ ვილი სანიოლს შეცვლის.სანიოლი საქართველოს ნაკრებს 2021 წლის თებერვლიდან ხელმძღვანელობდა. ამ პერიოდში ეროვნულმა გუნდმა 57 მატჩი ჩაატარა.სანიოლის ხელმძღვანელობით საქართველოს ნაკრებმა ისტორიულ წარმატებას მიაღწია. 2024 წელს გუნდმა პირველად ითამაშა ევროპის ჩემპიონატის ფინალურ ეტაპზე, სადაც ჯგუფური ეტაპის დაძლევა მოახერხა და ტურნირის საუკეთესო 16 გუნდს შორის მოხვდა.რამაზ სვანაძე დღემდე საქართველოს 21-წლამდელთა ნაკრებს ხელმძღვანელობდა და ახალგაზრდულ გუნდთან ერთად ევროპის ჩემპიონატის ფინალურ ეტაპზე ორჯერ იასპარეზა.საქართველოს 21-წლამდელთა ნაკრების საკვალიფიკაციო ეტაპის ბოლო სამ შეხვედრაში სვანაძეს მისი ასისტენტი გიორგი ადამია შეცვლის.მადლობა, ვილი სანიოლს, საქართველოს ნაკრებში გატარებული თითოეული წუთისთვის და იმ ემოციებისთვის, რომლებიც ამ ისტორიულ გზაზე ერთად გამოვიარეთ.
1790580780
ილია თოფურია დასაბრუნებლად მზად არის – UFC-ს პრეზიდენტი დანა უაითი
UFC-ს პრეზიდენტმა, დანა უაითმა ილია თოფურიას ოქტაგონზე დაბრუნების შესახებ ისაუბრა. მისი თქმით, ქართველი ბრძოლისთვის მზად არის. „ჩვენი გუნდი მას მუდმივად ეკონტაქტება. ჯერჯერობით კონკრეტული არაფერი დაგვიგეგმავს, თუმცა ილია ბრძოლისთვის მზად არის და, შესაბამისად, ჩვენც. გეიჯისა და პედი პიმბლეტთან დაპირისპირება კარგად ჟღერს და არცერთი ამ ვარიანტის გამორიცხვა არ მსურს. გეიჯისთან რემატჩი შესანიშნავი იქნებოდა, ისევე როგორც პადი პიმბლეტთან ბრძოლა“, – აღნიშნა უაითმა. ილია თოფურიამ ბოლოს მიმდინარე წლის 15 ივნისს თეთრ სახლში ჯასტინ გეიჯისთან იბრძოლა და მსუბუქი წონის (70 კგ) საჩემპიონო ქამარი დათმო.1tv.ge
1789280940
ხვიჩა კვარაცხელიამ ჩემპიონთა ლიგის საუკეთესო მოთამაშის ჯილდო მიიღო
კვარაცხელიას ჩემპიონთა ლიგის სეზონის საუკეთესო ფეხბურთელის ჯილდო გადასცეს. ქართველმა ვარსკვლავმა საპატიო პრიზი ლუიშ ფიგუსგან ჩაიბარა.ჩემპიონთა ლიგის ძირითადი ეტაპის პირველ ტურში "პარი სენ-ჟერმენი" სლოვაკეთის ჩემპიონს, ბრატისლავის "სლოვანს" უპირისპირდება. საქართველოს ნაკრების კაპიტანი ძირითად შემადგენლობაში არ იქნება, ის თამაშს სათადარიგოთა სკამიდან დაიწყებს.
1789020000
ხვიჩა კვარაცხელია „ფრანს ფუტბოლმა“ „ოქროს ბურთის“ 30 ნომინანტს შორის დაასახელა
„ფრანს ფუტბოლმა“ 30 ფეხბურთელის სია გამოაქვეყნა, ვინც ოქტომბერში „ოქროს ბურთისთვის“ იბრძოლებს – ნომინანტთა შორის არის საქართველოს ნაკრების კაპიტანი და „პარი სენ-ჟერმენის“ ერთ-ერთი ლიდერი ხვიჩა კვარაცხელია.გასულ სეზონში ქართველი თავდამხმელი ჩემპიონთა ლიგის საუკეთესო მოთამაშედ აღიარეს. მან „პარი სენ-ჟერმენთან“ ერთად საფრანგეთის ჩემპიონატი, თასი, სუპერთასი და ჩემპიონთა ლიგა (ზედიზედ მეორედ) მოიგო. საქართველოს ნაკრების კაპიტანს არაერთი მხარდამჭერი ჰყავს მთელ მსოფლიოში, რომლებიც კვარაცხელიასთვის საუკეთესო მოთამაშის ჯილდოს გადაცემას ყველაზე სამართლიან გადაწყვეტილებად მიიჩნევენ.ხვიჩა კვარაცხელია „ოქროს ბურთის“ 30 საუკეთესოს შორის ორჯერ იყო ნომინირებული – 2023 წელს მე-17 ადგილი ერგო, ხოლო 2025 წელს მე-13 პოზიცია დაიკავა.„ოქროს ბურთის“ დაჯილოება 26 ოქტომბერს ლონდონში გაიმართება. „ოქროს ბურთის“ 30 ნომინანტი: ხვიჩა კვარაცხელია („პარი სენ-ჟერმენი“), პაუ კუბარსი („ბარსელონა“), ჯუდ ბელინგემი („რეალი“), მარკ კუკურელია („ჩელსი“/„რეალი“), უსმან დემბელე („პარი სენ-ჟერმენი“), ბრუნო ფერნანდეში („მანჩესტერ იუნაიტედი“), ლუის დიასი („ბაიერნი“), ერლინგ ჰოლანდი („მანჩესტერ სიტი“), გაბრიელ მაგალაეში („არსენალი), აშრაფ ჰაკიმი („პარი სენ-ჟერმენი“), ჰარი კეინი („ბაიერნი“), ლამინ იამალი („ბარსელონა), სადიო მანე („ალ ნასრი), მარკინიოსი („პარი სენ-ჟერმენი“), ლაუტარო მარტინესი („ინტერი“), კილიან მბაპე („რეალი“), ნუნუ მენდეში („პარი სენ-ჟერმენი“), ლიონელ მესი („ინტერ მაიამი“), მაიკლ ოლისე („ბაიერნი), ჟოაო ნევეში („პარი სენ-ჟერმენი“), უილიამ პაჩო („პარი სენ-ჟერმენი“), ხულიან კინიონესი („ალ ქადსია“), დეკლან რაისი („არსენალი“), როდრი („მანჩესტერ სიტი“/„ბარსელონა“), დაიოტ უპამეკანო („ბაიერნი), ფერან ტორესი („პარი სენ-ჟერმენი“/„ბარსელონა“), ფაბიან რუისი („პარი სენ-ჟერმენი“), ვილიამ სალიბა („არსენალი), ვიტინია („პარი სენ-ჟერმენი“), ვინისიუს ჟუნიორი („რეალი“). 1tv.ge
1788938394
ბოლო წლებში „ჯვაროსნების“ ტრანსფერებში 175 მილიონი დაიხარჯა, საქართველო ევროპისთვის, ურუგვაის მსგავსად, მნიშვნელოვანი ბაზარი ხდება – Footballweek-ის ანალიტიკური წერილი ქართულ ფეხბურთზე
გამოცემა Footballweek-მა გამოაქვეყნა ანალიტიკური წერილი ქართულ ფეხბურთზე, სადაც საქართველოს ურუგვაის ადარებს.„საქართველო ევროპული კლუბებისთვის საფეხბურთო ტალანტების მსხვილი მიმწოდებელი ხდება. ევროპის ტოპ 5 ლიგებში 13 ქართველი ფეხბურთელია, ბოლო ოთხი წლის განმავლობაში დადასტურებული ტრანსფერების ჯამური ღირებულება 175 მილიონ ევროზე მეტია. ნებისმიერი პროფესიონალი სკაუტის და სპორტული დირექტორისთვის გასაგებია, რომ საქართველოში სისტემა მუშაობს, მაგრამ ტალანტების ექსპორტის მოდელი საფეხბურთო ბაზარმა ჯერ სრულად ვერ აღიქვა.ქართული კლუბები ფეხბურთელებს ევროპის საშუალო დონის ლიგებში უშვებენ, სადაც უკვე ტოპ ლიგებისთვის ემზადებიან. ეს განვითარების მოდელია, რომელიც საქართველოს ბაზარზე დამკვიდრდა. ტალანტების ექსპორტი მოსახლეობის რაოდენობასთან ასევე არაპროპორციულია ურუგვაიშიც, რომლის მოსახლეობა 3.5 მილიონია, რაც თითქმის უტოლდება საქართველოს მოსახლეობას.საუკუნეზე მეტია, ეს ქვეყანა მისაბაძი მაგალითია. საქართველო მსგავს სახელს ახლა იმკვიდრებს. ევროპული გუნდების მიმწოდებელი ორი აკადემიაა – „დინამო თბილისი“ და თბილისის „იბერია“. ორივე აკადემიაში „ბარსელონას“ გამოცდილებაზე დაფუძნებული მეთოდოლოგია მუშაობს.გიორგი მიქაუტაძე ასახავს ბერკეტს, რომელიც საქართველომ გაააქტიურა, მაგრამ ეს იზოლირებული შემთხვევაა და არა პროგრამა. საქართველოს ჰყავს დიასპორა, რომელიც განაწილებულია მთელ ევროპაში – საბერძნეთში, გერმანიაში, იტალიასა და ესპანეთში.ეროვნული ლიგა არის სათბური და არა დანიშნულების ადგილი. ეს ზუსტად იგივე სტრუქტურული პრობლემაა, რაც ურუგვაიში: „ნასიონალი“ და „პენიაროლი“ ზრდიან მოთამაშეებს, რომელთა შესანარჩუნებლად ევროპას ეკონომიკურად კონკურენციას ვერ უწევენ.საუკეთესოები 17-დან 19 წლამდე ასაკში ქვეყანას ტოვებენ. კლუბი აღზრდის ხარჯებს ფარავს, შემოსავლებს ევროპული ბაზარი ითვისებს, ხოლო ქვეყანა ამ ღირებულების ნაწილს ტრანსფერების საფასურითა და საერთაშორისო რეპუტაციის მეშვეობით იბრუნებს. ფეხბურთელთა ექსპორტი სისტემის პრობლემა არ არის, ეს მისი მოსალოდნელი შედეგია.ბოლო ათწლეულის განმავლობაში საქართველო პერიფერიული ბაზრიდან ისეთ ბაზრად გადაიქცა, სადაც მსხვილი ევროპული კლუბები 17 წლის მოთამაშეებისთვის აქტიურად იბრძვიან. ამას პრაქტიკული შედეგები მოჰყვა: ახალგაზრდა ქართველი მოთამაშეების საფასური გაიზარდა, ზოგჯერ 4-5 წლის წინანდელ მაჩვენებელთან შედარებით ორჯერ ან ოთხჯერ მეტადაც“.წყარო: პირველი არხი
1788412031
საქართველოს კალათბურთელთა ნაკრებმა მსოფლიო ჩემპიონატის შესარჩევი ეტაპის მატჩი პორტუგალიაში მოიგო
საქართველოს კალათბურთელთა ნაკრებმა მსოფლიო ჩემპიონატის შესარჩევი ეტაპის მერვე მატჩი პორტუგალიაში გამართა. მეტისმეტად დაძაბულ შეხვედრაში გაიმარჯვა საქართველომ – 98:90.ურთიერთშეხვედრამდე როგორც პორტუგალიას, ისე საქართველოს ჯგუფში 4 მოგება ჰქონდათ. ეს გუნდები მსოფლიო ჩემპიონატის საგზურისთვის ბრძოლაში უშუალო კონკურენტები არიან. გამარჯვება ნებისმიერისთვის დიდი ნაბიჯი იქნებოდა მიზნისკენ, რადგან ექვსგუნდიანი ჯგუფიდან მსოფლიოს 2027 წლის ჩემპიონატზე მხოლოდ სამი საუკეთესო გადის.წინასწარი პროგნოზების მიხედვით, ფავორიტის სტატუსი საქართველოს ჰქონდა. ეს ლოგიკურიც იყო, რადგან თუ პორტუგალიას ერთი NBA-ელი ჰყავს, ჩვენს გუნდში ნაციონალური საკალათბურთო ასოციაციის ორი მოთამაშეა, გვყავს ევროლიგის საუკეთესო ფორვარდი და მაღალი დონის ამერიკელი გამთამაშებელი.ასეთი ხარისხის გუნდებთან მეტოქეები გამარჯვების გასაღებს დაცვაში ეძებენ. პორტუგალიაც ასე იყო. თავიდანვე გამოჩნდა მწვრთნელის მითითება – მაქსიმალურად შეეშელათ ხელი ქართველების ინდივიდუალური თუ კომბინაციური თამაშისთვის. მასპინძლები უმეტეს შემთხვევაში ქართველ ლიდერებზე ბურთის მიღებისთანავე ჯარიმდებოდნენ, პირველ ტაიმში საქართველოს უკვე 20 საჯარიმო ჰქონდა ნასროლი და 18 ჩაგდებული (საბოლოოდ 32-დან 27).„ბოსტონ სელტიკსის“ ცენტრი კეტა ფარქვეშ ბევრს იბრძოდა, ბურთსაც ხსნიდა, პასებსაც კარგად არიგებდა და აგდებდა კიდეც. იყო მომენტი, როცა პირველ ტაიმში პორტუგალია 22:11 დაწინაურდა, თუმცა საქართველოს ნაკრებმა სტაბილური თამაშით სხვაობა ნელ-ნელა შეამცირა და პირველი ტაიმის ბოლო წამზე მამუკელაშვილის სამქულიანის შემდეგ პორტუგალია მხოლოდ ერთი ქულითღა იგებდა – 42:41.მეორე ტაიმში რატი ანდრონიკაშვილის ჩაჭრის, სამქულიანისა და მამუკელაშვილის 2+1 ქულის შემდეგ საქართველოს ნაკრებმა უპირატესობა მოიპოვა – 57:52. მეოთხე პერიოდის წინ საქართველო 70:66 დაწინაურდა.უნდა აღინიშნოს ალექსანდრე ჯიკიჩის სტრატეგიული ჩანაფიქრი. ისევე როგორც მონტენეგროსთან, საქართველოს ნაკრებმა დაცვაში აგრესია მეოთხე პერიოდში გაამძაფრა, შეტევაში კი ტემპს ძალიან უმატა, რისთვისაც პორტუგალიელები მოუმზადებლები აღმოჩნდნენ და საქართველო მატჩის დასრულებამდე 4 წუთით ადრე 87:71 დაწინაურდა. ეს უკვე გამარჯვებას ნიშნავდა.უნდა აღინიშნოს, რომ ეს რატი ანდრონიკაშვილისთვის ყველაზე შედეგიანი მატჩი იყო საქართველოს ნაკრებში. მას 2022 წელს ესპანეთთან 17 ქულა ჰქონდა ჩაგდებული, ხოლო პორტუგალიაში 20 ქულამდე ავიდა, რასაც 4 ჩაჭრა მიამატა. შეხვედრის ბომბარდირი თორნიკე შენგელია გახდა, რომელმაც 26 ქულა ჩააგდო, მამუკელაშვილის ანგარიშზე კი 22 ქულაა.ამავე ჯგუფში ათენში საბერძნეთის ნაკრებმა დამატებით დროში დაამარცხა ესპანეთი – 108:106.სატურნირო მდგომარეობა თ მ წ სხ ქ 1. ესპანეთი 8 5 3 +91 13 2. საქართველო 8 5 3 +23 13 3. პორტუგალია 8 4 4 +34 12 4. უკრაინა 7 5 2 +51 12 5. საბერძნეთი 8 4 4 +21 12 6. მონტენეგრო 7 4 3 -50 11 I ჯგუფი 26 ნოემბერი, 2026მონტენეგრო-ესპანეთიპორტუგალია-უკრაინასაბერძნეთი-საქართველო29 ნოემბერი, 2026ესპანეთი-საბერძნეთიუკრაინა-მონტენეგროსაქართველო-პორტუგალია26 თებერვალი, 2027პორტუგალია-ესპანეთისაბერძნეთი-უკრაინამონტენეგრო-საქართველო1 მარტი, 2027ესპანეთი-მონტენეგროუკრაინა-პორტუგალიასაქართველო-საბერძნეთიპირველი არხი
1788245968
მსოფლიო
სხვადასხვა
1793078736
როგორი ამინდია მოსალოდნელი დღეს საქართველოში27 ოქტომბერს ქუთაისში მზიან ამინდს ელოდებიან, დღისით +26 და ღამით +19 გრადუსია მოსალოდნელი.მზეს ოზურგეთშიც ელოდებიან, დღისით +27 გრადუსი დაფიქსირდება, ღამით კი +18 გრადუსი იქნება. ბათუმშიც მზე იქნება, დღისით ჰაერი +27 გრადუსამდე გათბება, ხოლო ღამით +18 გრადუსი დაფიქსირდება.უნალექო ამინდია ფოთშიც. დღისით +27 გრადუსი დაფიქსირდება, ღამით კი +19 გრადუსია მოსალოდნელი. მზე ზუგდიდშიც იქნება, დღისით ტემპერატურა +26, ღამით კი +18 გრადუსია ნავარაუდევი.სოხუმშიც მზიანი დღეა. +26 გრადუსია მოსალოდნელი დღისით, ღამით +17 გრადუსი დაფიქსირდება.მესტიაში მზეა. დღისით +18 გრადუსი იქნება, ღამით კი +6 გრადუსი დაფიქსირდება. ლენტეხშიც მზიანი ამინდი იქნება. დღისით +17 გრადუსი, ხოლო ღამით +8 გრადუსი იქნება.ამბროლაურშიც მზიანი ამინდია. დღისით ჰაერი +23 გრადუსამდე გათბება, ღამით კი +8 გრადუსი დაფიქსირდება.ჭიათურაში მზიანი ამინდია, დღისით +25 გრადუსი, ღამით კი +12 გრადუსი დაფიქსირდება. ახალციხეშიც მზიანი დღეა, დღისით +19 გრადუსი, ღამით კი +7 გრადუსი იქნება.ნალექს არ ელოდებიან ახალქალაქშიც. ტემპერატურა დღისით +18, ღამით კი +8 დაფიქსირდება.ბორჯომში უნალექო დღეა, +18 იქნება დღისით, ღამით კი +9 გრადუსი დაფიქსირდება. მზიანი დღეა მოსალოდნელი ბაკურიანშიც, დღისით +15 გრადუსია მოსალოდნელი, ღამით +2 გრადუსი დაფიქსირდება.უნალექო დღეს ელოდებიან გორში, დღისით +19 გრადუსი, ღამის განმავლობაში კი +11 გრადუსი დაფიქსირდება. ცხინვალში ჰაერის ტემპერატურა +18 გრადუსი იქნება, ღამით კი +10 გრადუსი დაფიქსირდება და იქნება მზე.გუდაურშიც მზიანი ამინდია. დღის განმავლობაში +6 გრადუსი დაფიქსირდება, ღამით კი ჰაერის ტემპერატურა +1 გრადუსი იქნება. ომალოში დღისით, 9 ღამით კი 3 გრადუსი დაფიქსირდება. არ იწვიმებს.ლაგოდეხში წვიმიან დღეს ელოდებიან. ჰაერის ტემპერატურა დღის განმავლობაში +17 გრადუსი იქნება, ღამით კი +10 გრადუსი დაფიქსირდება. წვიმიანი დღე იქნება თელავში, +16 გრადუსი დაფიქსირდება, ღამით კი +11 გრადუსია ნავარაუდევი.უნალექო დღე იქნება გურჯაანში. დღისით +16 გრადუსი, ღამით კი +9 გრადუსი დაფიქსირდება. სიღნაღშიც მზიანი დღეა მოსალოდნელი, დღისით +15 გრადუსია მოსალოდნელი, ღამით +9 გრადუსი დაფიქსირდება.რუსთავშიც წვიმიანი დღეა მოსალოდნელი, დღისით +17 გრადუსია მოსალოდნელი, ღამით კი +12 გრადუსი დაფიქსირდება.თბილისშიც ხანმოკლე წვიმას ელოდებიან. ჰაერის ტემპერატურა დღისით +17 გრადუსს მიაღწევს, ღამით კი +12 გრადუსი იქნება.
1792735251
როგორი ამინდია მოსალოდნელი დღეს საქართველოში23 ოქტომბერს ქუთაისში უნალექო ამინდი და +27 გრადუსია მოსალოდნელი, ღამით კი +16 გრადუსი იქნება. ოზურგეთშიც გამოიდარა. ჰაერის ტემპერატურა დღისით +25 გრადუსი იქნება, ღამით კი +16 გრადუსია ნავარაუდევი. ბათუმშიც უნალექო დღე იქნება. დღისით ჰაერი +24 გრადუსამდე გათბება, ღამით კი +12 გრადუსი დაფიქსირდება.მზიანი დღე იქნება ფოთშიც. დღისით +26 გრადუსი დაფიქსირდება, ღამით კი +16 გრადუსია მოსალოდნელი. ზუგდიდშიც გამოიდარა. დღისით +26 გრადუსი იქნება, ღამით კი +15 გრადუსია ნავარაუდევი. სოხუმში ჰაერის ტემპერატურა დღისით +24 გრადუსს მიაღწევს, ღამით კი +12 გრადუსი იქნება.მესტიაში უნალექო დღე და +18 გრადუსია მოსალოდნელი, ღამით კი +5 გრადუსი დაფიქსირდება. ამბროლაურში +23 გრადუსამდე გათბება, ღამით კი +8 გრადუსი დაფიქსირდება.ჭიათურაშიც მზიანი დღეა მოსალოდნელი. ჰაერის ტემპერატურა +25 გრადუსია მოსალოდნელი, ღამით კი +14 გრადუსი დაფიქსირდება. ახალციხეში დღისით +21 გრადუსია მოსალოდნელი, ღამის განმავლობაში კი ჰაერის ტემპერატურა +4 გრადუსამდე დაიწევს. იწვიმებს.ახალქალაქში ტემპერატურა დღისით +20, ღამით კი +10 დაფიქსირდება.ბორჯომში უნალექო დღეა, +21 იქნება დღისით, ღამით კი +7 გრადუსი დაფიქსირდება. მზიანი დღეა მოსალოდნელი ბაკურიანშიც, დღისით +16 გრადუსია მოსალოდნელი, ღამით +0 გრადუსი დაფიქსირდება.უნალექო დღეს ელოდებიან გორში, დღისით +22 გრადუსი, ღამის განმავლობაში კი +9 გრადუსი დაფიქსირდება. ცხინვალში ჰაერის ტემპერატურა +20 გრადუსი იქნება, ღამით კი +8 გრადუსი დაფიქსირდება. დღე უნალექოდ ჩაივლის.გუდაურშიც წვიმიანი ამინდია. დღის განმავლობაში +7 გრადუსი დაფიქსირდება, ღამით კი ჰაერის ტემპერატურა +1 გრადუსი იქნება. ომალოში დღისით, 11 ღამით კი 2 გრადუსი დაფიქსირდება და იწვიმებს.ლაგოდეხშიც წვიმიან დღეს ელოდებიან. ჰაერის ტემპერატურა დღის განმავლობაში +19 გრადუსი იქნება, ღამით კი +12 გრადუსი დაფიქსირდება. წვიმიანი დღე იქნება თელავში, +18 გრადუსი დაფიქსირდება, ღამით კი +13 გრადუსია ნავარაუდევი.ნალექი გურჯაანშიც იქნება. დღისით +19 გრადუსი, ღამით კი +12 გრადუსი დაფიქსირდება. სიღნაღშიც წვიმიანი დღეა მოსალოდნელი, დღისით +18 გრადუსია მოსალოდნელი, ღამით +11 გრადუსი დაფიქსირდება.რუსთავშიც წვიმიანი დღეა მოსალოდნელი, დღისით +21 გრადუსია მოსალოდნელი, ღამით კი +13 გრადუსი დაფიქსირდება.თბილისშიც ხანმოკლე წვიმას ელოდებიან. ჰაერის ტემპერატურა დღისით +20 გრადუსს მიაღწევს, ღამით კი +13 გრადუსი იქნება.
1792478040
უახლოესი დღეების ამინდის პროგნოზი20 ოქტომბრის ღამის საათებიდან აღმოსავლეთ, ხოლო 21 ოქტომბრიდან დასავლეთ საქართველოში, 22 ოქტომბრის დღის მეორე ნახევრამდე მოსალოდნელია დროგამოშვებით ნალექი, ქვეყნის ჩრდილო მთიან რაიონებში, ასევე შიდა ქართლის, ქვემო ქართლის და კახეთის რეგიონებში, ზოგან ძლიერი ინტენსივობით - ინფორმაციას გარემოს ეროვნული სააგენტო ავრცელებს.„შესაძლებელია ელჭექი და ქარის გაძლიერება. მოსალოდნელმა ძლიერმა ნალექებმა შესაძლებელია მდინარეებზე - ენგურზე, არაგვზე, ალაზანზე, იორსა და მათ შენაკადებზე წყლის დონეების მნიშვნელოვანი მატება და წყალმოვარდნები, გორაკ-ბორცვიან და მთიან ზონებში მეწყრული და ღვარცოფული პროცესების ჩასახვა-გააქტიურება, ხოლო ურბანულ ტერიტორიებზე ცალკეული მონაკვეთების დატბორვა გამოიწვიოს (საფრთხის დონე საშუალო)“–ნათქვამია ინფორმაციაში.
1792394940
ჭკვიანი საპარკინგე ინფრასტრუქტურა: როგორ ცვლის ტექნოლოგიები ურბანულ მობილობასა და ბიზნესის ეფექტიანობასთანამედროვე ქალაქებში ავტომობილების რაოდენობის დინამიურმა და უპრეცედენტო ზრდამ უძრავი ქონებისა და სატრანსპორტო სექტორის წინაშე სრულიად ახალი მასშტაბისა და სირთულის ლოგისტიკური გამოწვევები წამოჭრა. დღეს საპარკინგე სივრცე აღარ არის მხოლოდ ტერიტორია, სადაც მძღოლები ავტომობილებს დროებით ტოვებენ — ეს არის კრიტიკული ინფრასტრუქტურული კვანძი, რომლის გამართულ მუშაობაზეც პირდაპირ არის დამოკიდებული ობიექტის ოპერაციული ეფექტიანობა, უსაფრთხოება, ფინანსური მაჩვენებლები და ვიზიტორთა კმაყოფილება. ამ პირობებში, ინტელექტუალური პარკირების სისტემები იქცა მთავარ ინსტრუმენტად, რომელიც ურბანული ქაოსის მოწესრიგებასა და სატრანსპორტო ნაკადების ეფექტიან მართვას უზრუნველყოფს.ობიექტების აბსოლუტური უმრავლესობა, იქნება ეს მსხვილი სავაჭრო ცენტრები, საცხოვრებელი კომპლექსები, ბიზნეს ცენტრები თუ სამედიცინო დაწესებულებები, ყოველდღიურად აწყდება ერთსა და იმავე მწვავე პრობლემებს: შესასვლელებთან წარმოქმნილ ხანგრძლივ საცობებსა და რიგებს, არასანქცირებულ პარკირებას, თავისუფალი ადგილების გაურკვევლობას, ქაოსურ მოძრაობასა და ხელით კონტროლის დაბალ ეფექტიანობას. ტრადიციული მეთოდები, რომლებიც მხოლოდ დაცვის პერსონალის, დარაჯების ან მარტივი მექანიკური ბარიერების იმედზეა, თანამედროვე ინტენსიურ სატრანსპორტო ნაკადებს ვერ აუდიტებს. სწორედ ამ გამოწვევების საპასუხოდ, სულ უფრო მოთხოვნადი ხდება პარკინგის ავტომატიზაცია, რომელიც უზრუნველყოფს ნაკადების ციფრულ მართვასა და პროცესების სრულ ოპტიმიზაციას.ტერიტორიიდან ციფრულ ეკოსისტემამდე: რა არის ჭკვიანი პარკინგითანამედროვე გაგებით, საპარკინგე სივრცე წარმოადგენს მულტიფუნქციურ ციფრულ ეკოსისტემას, სადაც ერთმანეთთან ჰარმონიულად არის დაკავშირებული აპარატურული და პროგრამული გადაწყვეტილებები. ძველი, მექანიკური მეთოდებისგან განსხვავებით, ინტელექტუალური მიდგომა ადამიანურ ფაქტორს მინიმუმამდე ამცირებს და ყველა ძირითად საოპერაციო პროცესს ავტომატურ რეჟიმში გადაიყვანს. ინტეგრირებული პარკირების სისტემები იძლევა შესაძლებლობას, რომ მთელი ტერიტორია კონტროლდებოდეს ერთიანი, ცენტრალიზებული პლატფორმიდან.დღევანდელი ჭკვიანი საპარკინგე ინფრასტრუქტურა რამდენიმე ძირითად ტექნოლოგიურ კომპონენტს აერთიანებს: მაღალტექნოლოგიური ვიდეოკამერები: უზრუნველყოფს ტერიტორიისა და სექტორების უწყვეტ ვიზუალურ მონიტორინგსა და ვიდეოჩანაწერის წარმოებას. ავტომობილის ნომრის ამოცნობა: სპეციალური პროგრამული ალგორითმები, რომლებიც ნებისმიერ კლიმატურ პირობებსა თუ განათებაში მყისიერად კითხულობენ სახელმწიფო სანომრე ნიშანს. ავტომატური შლაგბაუმი: სწრაფი რეაგირების მექანიზმები, რომლებიც უზრუნველყოფენ დაშვების ფიზიკურ კონტროლს. ულტრაბგერითი და ოპტიკური სენსორები: ახორციელებენ თავისუფალი ადგილების კონტროლს და აწვდიან რეალურ მონაცემებს მძღოლებსა თუ ადმინისტრაციას. გადახდის ტერმინალები: უზრუნველყოფენ გადახდის ავტომატიზაციას საბანკო ბარათებით, QR-კოდებით ან მობილური აპლიკაციებით. ცენტრალიზებული დაშვების კონტროლი: განსაზღვრავს და მართავს ავტომობილების უფლებამოსილებებს, კატეგორიებსა და დაყოვნების დროს. ანალიტიკური პროგრამული უზრუნველყოფა: აგროვებს მონაცემებს, აწარმოებს დეტალურ სტატისტიკას და უზრუნველყოფს პარკინგის მართვას რეალურ დროში. როდესაც ეს კომპონენტები ერთიანად და შეუფერხებლად ფუნქციონირებს, მთელი ობიექტის მართვა ხდება მაქსიმალურად მოქნილი, საიმედო და გამჭვირვალე.როგორ მუშაობს პარკინგის მართვისა და კონტროლის სისტემაავტომატიზებული ინფრასტრუქტურის მთავარი ღირსება მომხმარებლისთვის შეუმჩნეველი, სწრაფი და სტრესისგან თავისუფალი მომსახურებაა. პროცესი იმდენად ოპტიმიზებულია, რომ მძღოლს პრაქტიკულად არ უწევს ზედმეტი მოქმედებების შესრულება ან ავტომობილიდან გადმოსვლა.როდესაც ავტომობილი უახლოვდება ობიექტის შესასვლელ ზონას, სპეციალური ნომრის ამომცნობი კამერა წამებში აფიქსირებს სანომრე ნიშანს და მონაცემებს გადასცემს ცენტრალურ სერვერს. თუ ავტომობილი რეგისტრირებულია სისტემაში ან ტერიტორია ღიაა ვიზიტორებისთვის, მყისიერად იღება ავტომატური შლაგბაუმი.შიდა ტერიტორიაზე შესვლისთანავე, სისტემა აფიქსირებს ზუსტ დროს და იწყებს ტარიფიკაციას (თუ საუბარია კომერციულ ფასიან ზონაზე). საინფორმაციო ტაბლოები და ინდიკატორები მძღოლს ეხმარება, სწრაფად იპოვოს თავისუფალი ადგილი, რაც გამორიცხავს უაზრო მოძრაობასა და საცობებს შიდა პერიმეტრზე. ობიექტიდან გასვლისას, გადახდის ავტომატიზაცია უზრუნველყოფს სწრაფ ანგარიშსწორებას, რის შემდეგაც გასასვლელი ბარიერი ავტომატურად იხსნება. სწორედ ასე ფუნქციონირებს ინტელექტუალური პარკინგის მართვისა და კონტროლის სისტემა, რომელიც სრულად გამორიცხავს ხელით ოპერაციებსა და შესასვლელებთან რიგებს.ANPR ტექნოლოგია: ავტომობილის ნომრის ამოცნობა და უსაფრთხოებათანამედროვე ავტომატიზაციის ინტელექტუალურ ბირთვს წარმოადგენს ANPR (Automatic Number Plate Recognition) ტექნოლოგია, რომელიც საგრძნობლად მაღალ საფეხურზე წევს ობიექტის უსაფრთხოებასა და გადაადგილების კომფორტს.ამ ტექნოლოგიის დანერგვით მიღწეული ძირითადი უპირატესობებია: უპასპორტო და უბარათო დაშვება: მძღოლს არ სჭირდება ავტომობილის ფანჯრის ჩამოწევა, პლასტიკური ბარათის გამოყენება ან ქაღალდის ბილეთის აღება, რაც საგრძნობლად ზრდის ტრანსპორტის გამტარუნარიანობას. მუდმივი და დროებითი სიების მართვა: შესაძლებელია „თეთრი სიის“ (whitelist) შექმნა ბინათმესაკუთრეებისთვის, მობინადრეებისთვის ან თანამშრომლებისთვის, ხოლო „შავი სიის“ (blacklist) მეშვეობით – არასასურველი და უფლებამოსილების არმქონე ტრანსპორტის მყისიერი დაბლოკვა. დროებითი ვიზიტორების მოქნილი კონტროლი: სტუმრებს შეუძლიათ ისარგებლონ წინასწარ გაგზავნილი QR-კოდით, დროებითი დაშვების უფლებით ან ერთჯერადი ბილეთით. დეტალური ისტორია და მონიტორინგი: მონაცემთა ბაზაში უვადოდ ინახება თითოეული ავტომობილის შესვლისა და გასვლის ზუსტი დრო, ფოტომასალასთან და ვიდეოჩანაწერთან ერთად, რაც მნიშვნელოვნად ზრდის პარკირების უსაფრთხოებას. ეს მრავალფუნქციური შესაძლებლობები უზრუნველყოფს, რომ პარკინგის კონტროლი იყოს სრულიად დაცული, გამჭვირვალე და ეფექტიანი.საპარკინგე ტექნოლოგიების გამოყენების სფეროებიავტომატიზებული გადაწყვეტილებები დღეს გამოიყენება პრაქტიკულად ყველა ტიპის კომერციულ, საჯარო თუ საცხოვრებელ ინფრასტრუქტურაში, სადაც ტრანსპორტის ინტენსიური მოძრაობაა: სავაჭრო და გასართობი ცენტრები: მაღალი გამტარუნარიანობა, სწრაფი როტაცია და მარტივი ანგარიშსწორება პირდაპირ აისახება მომხმარებელთა კმაყოფილებასა და სავაჭრო ობიექტის ფინანსურ ბრუნვაზე. ბიზნეს ცენტრები და საოფისე შენობები: საშუალებას იძლევა მკაცრად გაიმიჯნოს თანამშრომელთა და ვიზიტორთა საპარკინგე ზონები და დაცული იყოს გამოყოფილი ადგილები. თანამედროვე პარკირების სისტემები ეხმარება კომპანიებს, ეფექტიანად გაანაწილონ ლიმიტირებული ადგილები თანამშრომლებსა და პარტნიორებზე. საცხოვრებელი კომპლექსები: უზრუნველყოფს ეზოებისა და მიწისქვეშა ავტოსადგომების დაცვას უცხო ავტომობილებისგან, რაც გარანტირებულ ადგილებს უტოვებს მაცხოვრებლებს. სასტუმროები და სამედიცინო დაწესებულებები: უზრუნველყოფს პაციენტების, ვიზიტორებისა და სტუმრებისთვის მშვიდ, ორგანიზებულ და სტრესისგან თავისუფალ გარემოს. აეროპორტები, სადგურები და სპორტული არენები: მასშტაბური ნაკადების პირობებში, ავტომატიზებული ტარიფიკაცია და კონტროლი ერთადერთი საშუალებაა ქაოსისა და საცობების თავიდან ასაცილებლად. ასევე, ინტელექტუალური ტექნოლოგიები ფართოდ გამოიყენება უნივერსიტეტებში, კერძო საწარმოო ტერიტორიებსა და მუნიციპალურ თუ კომერციულ ფასიან პარკინგებზე.ბიზნეს სარგებელი: შემოსავლების ოპტიმიზაცია და საოპერაციო ეფექტიანობაობიექტის მფლობელებისა და მმართველებისთვის საპარკინგე სივრცის ავტომატიზაცია პირდაპირ უკავშირდება ფინანსურ სარგებელსა და საოპერაციო ხარჯების მნიშვნელოვან შემცირებას. ინტელექტუალური პარკირების სისტემები ბიზნესს აძლევს სრულ ინსტრუმენტარიუმს ფინანსური ნაკადების გამჭვირვალობისთვის.პირველ რიგში, ციფრული აღრიცხვა სრულად გამორიცხავს ფინანსურ გაჟონვას. ვინაიდან ყველა ტრანზაქცია, დაყოვნების დრო და ტარიფიკაცია პროგრამულად კონტროლდება, გამორიცხულია ადამიანური შეცდომები, არასანქცირებული ფასდაკლებები ან სხვა სახის ბოროტად გამოყენება. გარდა ამისა, საგრძნობლად მცირდება მომსახურე პერსონალის საჭიროება, რაც საოპერაციო ხარჯებს მინიმუმამდე დაჰყავს.ანალიტიკური მოდული ადმინისტრაციას აძლევს შესაძლებლობას, სიღრმისეულად შეისწავლოს პარკინგის დატვირთულობის დინამიკა, გამოავლინოს პიკური საათები და დააწესოს მოქნილი, სეგმენტირებული ტარიფები. ამ გზით, თანამედროვე პარკინგის მართვისა და კონტროლის სისტემა ხდება არა მხოლოდ წესრიგის დამყარების ინსტრუმენტი, არამედ შემოსავლის გენერირებისა და ბიზნესის გაფართოების ეფექტიანი საშუალება.სწორი პარკირების სისტემები და ინდივიდუალური არქიტექტურატექნოლოგიური გადაწყვეტილების შერჩევისას უმნიშვნელოვანესია ობიექტის ინდივიდუალური არქიტექტურული და ლოგისტიკური სპეციფიკის გათვალისწინება. არ არსებობს უნივერსალური შაბლონი, რომელიც თანაბრად მოერგება როგორც მცირე საცხოვრებელ კორპუსს, ისე მრავალდონიან სავაჭრო კომპლექსს.პროექტირებისას ყურადღება უნდა მიექცეს ისეთ პარამეტრებს, როგორებიცაა შესასვლელ-გასასვლელების რაოდენობა, ტრანსპორტის პიკური ნაკადი, ტარიფიკაციის მოდელი, მომხმარებელთა ტიპები და გადახდის მეთოდები. ასევე კრიტიკულია არჩეული ტექნოლოგიის ინტეგრაციის უნარი შენობის უსაფრთხოებისა და მართვის სხვა სისტემებთან (BMS, CCTV, დაშვების სისტემები). სწორედ ამიტომ, ბაზარზე არსებული პროფესიონალური პარკირების სისტემები იძლევიან საშუალებას, შეიქმნას კონკრეტული ობიექტის საჭიროებებზე ზუსტად მორგებული არქიტექტურა. სწორად შერჩეული აღჭურვილობა და პროგრამული უზრუნველყოფა უზრუნველყოფს ინვესტიციის სწრაფ უკუგებასა და ხანგრძლივ, შეუფერხებელ ექსპლუატაციას.მომხმარებლის გამოცდილება და ბრენდის რეპუტაციადღეს მომხმარებელი განსაკუთრებულ მნიშვნელობას ანიჭებს დროსა და პირად კომფორტს. ობიექტზე მისვლისას გამართული, თანამედროვე საპარკინგე ინფრასტრუქტურის დახვედრა ქმნის პოზიტიურ პირველ შთაბეჭდილებას, რაც პირდაპირ აისახება ბრენდის რეპუტაციასა და იმიჯზე.როდესაც პროცესი მარტივი და შეუფერხებელია – მძღოლი სწრაფად შედის ტერიტორიაზე, უპრობლემოდ პოულობს ადგილს და აჩერებს ავტომობილს, მოსახერხებლად იხდის და დაბრკოლების გარეშე ტოვებს პერიმეტრს – მომხმარებლის კმაყოფილების დონე მაღალია. ეს იწვევს ლოიალობის ზრდას და განაპირობებს განმეორებით ვიზიტებს, რაც ნებისმიერი კომერციული ობიექტისთვის გადამწყვეტი ფაქტორია.ინტეგრაცია და მომავლის პერსპექტივებითანამედროვე ურბანისტიკა ვითარდება "ჭკვიანი ქალაქის" (Smart City) კონცეფციის გარშემო, სადაც სატრანსპორტო ინფრასტრუქტურის ყველა ელემენტი ერთიან ციფრულ ქსელშია გაერთიანებული. ინოვაციური პარკირების სისტემები მარტივად ინტეგრირდება ნავიგაციურ აპლიკაციებთან, ელექტრომობილების დამტენ სადგურებსა და ქალაქის მობილობის პლატფორმებთან.მომავალში კიდევ უფრო გაიზრდება ხელოვნური ინტელექტისა (AI) და მანქანური სწავლების როლი, რაც საშუალებას მისცემს სისტემებს, წინასწარ იწინასწარმეტყველონ დატვირთვის პიკური პერიოდები, ავტომატურად დაარეგულირონ ტარიფები და ოპტიმალურად გაანაწილონ ნაკადები. ასეთი მიდგომა უზრუნველყოფს ობიექტის ხანგრძლივ მდგრადობასა და ტექნოლოგიურ მზადყოფნას.დასკვნაურბანული გარემოსა და ბიზნეს სექტორის დინამიურ განვითარებასთან ერთად, საპარკინგე სივრცეების მართვა სულ უფრო კომპლექსურ და პასუხისმგებლიან ამოცანად ყალიბდება. ძველი, მექანიკური და ხელით მართვის მეთოდები ვეღარ აკმაყოფილებს თანამედროვე უსაფრთხოებისა და სიჩქარის მაღალ სტანდარტებს, რის გამოც ციფრულ გადაწყვეტილებებზე გადასვლა გარდაუვალი აუცილებლობა ხდება.პარკირების ავტომატიზაცია წარმოადგენს გრძელვადიან ინვესტიციას ობიექტის უსაფრთხოებაში, საოპერაციო ეფექტიანობასა და მომხმარებლის კმაყოფილებაში. სწორად დაპროექტებული და დანერგილი პარკინგის მართვა ქმნის მოწესრიგებულ, უსაფრთხო და მაღალტექნოლოგიურ გარემოს, რომელიც სრულად პასუხობს თანამედროვე ურბანული მობილობის მოთხოვნებს.
1792126991
როგორი ამინდია მოსალოდნელი 16 ოქტომბერს საქართველოში16 ოქტომბერს ქუთაისში წვიმიან ამინდს ელოდებიან, დღისით +25 და ღამით +16 გრადუსია მოსალოდნელი.ნალექს ოზურგეთშიც ელოდებიან, დღისით +24 გრადუსი დაფიქსირდება, ღამით კი +15 გრადუსი იქნება. ბათუმშიც იწვიმებს დღისით ჰაერი +22 გრადუსამდე გათბება, ხოლო ღამით +17 გრადუსი დაფიქსირდება.ნალექიანი ამინდია ფოთშიც. დღისით +23 გრადუსი დაფიქსირდება, ღამით კი +18 გრადუსია მოსალოდნელი. ნალექი ზუგდიდშიც იქნება, დღისით ტემპერატურა +24, ღამით კი +15 გრადუსია ნავარაუდევი.სოხუმშიც წვიმიანი დღეა. +22 გრადუსია მოსალოდნელი დღისით, ღამით +16 გრადუსი დაფიქსირდება.მესტიაში წვიმს. დღისით +17 გრადუსი იქნება, ღამით კი 7 გრადუსი დაფიქსირდება. ამბროლაურშიც ნალექიანი ამინდია. დღისით ჰაერი +24 გრადუსამდე გათბება, ღამით კი +12 გრადუსი დაფიქსირდება.ჭიათურაში წვიმიანი ამინდია, დღისით +23 გრადუსი, ღამით კი +14 გრადუსი დაფიქსირდება. ახალციხეშიც წვიმიანი დღეა, დღისით +25 გრადუსი, ღამით კი +10 გრადუსი იქნება.ნალექს ახალქალაქშიც ელოდებიან. ტემპერატურა დღისით +21, ღამით კი +8 დაფიქსირდება.ბორჯომში ნალექიანი დღეა, +24 იქნება დღისით, ღამით კი +12 გრადუსი დაფიქსირდება. წვიმიანი დღეა მოსალოდნელი ბაკურიანშიც, დღისით +22 გრადუსია მოსალოდნელი, ღამით +7 გრადუსი დაფიქსირდება.წვიმიან დღეს ელოდებიან გორში, დღისით +25 გრადუსი, ღამის განმავლობაში კი +12 გრადუსი დაფიქსირდება. ცხინვალში ჰაერის ტემპერატურა +24 გრადუსი იქნება, ღამით კი +11 გრადუსი დაფიქსირდება და იქნება წვიმა.გუდაურშიც წვიმიანი ამინდია. დღის განმავლობაში +13 გრადუსი დაფიქსირდება, ღამით კი ჰაერის ტემპერატურა 6 გრადუსი იქნება. ომალოში დღისით, 16 ღამით კი 7 გრადუსი დაფიქსირდება და იწვიმებს.ლაგოდეხშიც წვიმიან დღეს ელოდებიან. ჰაერის ტემპერატურა დღის განმავლობაში +27 გრადუსი იქნება, ღამით კი +17 გრადუსი დაფიქსირდება. წვიმიანი დღე იქნება თელავში, +26 გრადუსი დაფიქსირდება, ღამით კი +16 გრადუსია ნავარაუდევი.ნალექი გურჯაანშიც იქნება. დღისით +26 გრადუსი, ღამით კი +16 გრადუსი დაფიქსირდება. სიღნაღშიც წვიმიანი დღეა მოსალოდნელი, დღისით +24 გრადუსია მოსალოდნელი, ღამით +15 გრადუსი დაფიქსირდება.რუსთავშიც წვიმიანი დღეა მოსალოდნელი, დღისით +26 გრადუსია მოსალოდნელი, ღამით კი +16 გრადუსი დაფიქსირდება.თბილისშიც ხანმოკლე წვიმას ელოდებიან. ჰაერის ტემპერატურა დღისით +27 გრადუსს მიაღწევს, ღამით კი +17 გრადუსი იქნება.
