მერაბ დვალიშვილი UFC-ს სუპერმსუბუქი წონის (61 კგ) საჩემპიონო ბრძოლაში პიოტრ იანთან მსაჯების გადაწყვეტილებით დამარცხდა და ქამარი დათმო.შეხვედრა თანაბრად დაიწყო, ხოლო მეორე რაუნდში იანი გააქტიურდა, ის კრივში ჯობდა დვალიშვილს და თეიქდაუნებისგანაც თავს კარგად იცავდა.34 წლის მერაბ დვალიშვილს UFC-ს რეკორდის დამყარება შეეძლო – მან ერთ სრულ წელში ქამარი სამჯერ დაიცვა, ხოლო ოთხჯერ ამის გაკეთება აქამდე ვერავინ შეძლო.ქართველმა მებრძოლმა შერეული ორთაბრძოლების ყველაზე გავლენიანი ორგანიზაციის ქამარი 2024 წლის სექტემბერში, შონ ო’მალის დამარცხების შემდეგ მოიპოვა. ჩემპიონის რანგში მიმდინარე წლის იანვარში მან უმარ ნურმაგომედოვს მოუგო, ივნისში კვლავ ო’მალის სძლია, ხოლო ოქტომბერში კორი სენდჰეგენი დაამარცხა.„ყველაფერი გავაკეთე, რაც შემეძლო. ვცადე, შოუ დამედგა, მაგრამ საბოლოოდ ბრძოლა დავთმე, ის დღეს უფრო ძლიერი იყო. ვულოცავ გამარჯვებას, თუმცა რემატჩი ჩემთვის აუცილებელია. ჯერ კიდევ ახალგაზრდა ვარ, ბევრს ვსწავლობ და წინ დიდი გზა მაქვს“, – თქვა ქართველმა მებრძოლმა შეხვედრის შემდეგ.მერაბ დვალიშვილს შერეულ ორთაბრძოლებში გამართული 26 შეხვედრის შემდეგ 21 გამარჯვება აქვს.

იაპონიის დედაქალაქ ტოკიოში მიმდინარე ძიუდოს გრანდ სლემზე ილია სულამანიძე (100 კგ) ოქროს მედლის მფლობელი გახდა – ქართველმა ფინალში ულამაზესი გდებით იაპონელ დოტა არაი დაამარცხა და საქართველოს ნაკრებს ტურნირზე პირველი ოქროს მედალი მოუტანა.სულამანიძემ ტოკიოს გრანდ სლემზე მედალი კარიერაში პირველად მოიპოვა და მეოთხე ქართველი გახდა დავით ბოდაველის (1982), ავთანდილ ჭრიკიშვილისა (2015) და ბექა ღვინიაშვილის (2019) შემდეგ, ვისაც ეს პრესტიჟული ტურნირი აქვს მოგებული.გრანდ სლემზე ეთერ ლიპარტელიანმა (57 კგ) და გიორგი ჯაბნიაშვილმა (90 კგ) ბრინჯაოს მედლები მოიპოვეს – ლიპარტელიანმა ფრანგი სარა-ლეონ სისიქი ვაზარით დაამარცხა, ჯაბნიაშვილმა კი ასევე ვაზარით ​იტალიელ ტიციანო ფალკონეს აჯობა.

Globe Soccer Awards-მა 2025 წლის ფინალისტები დაასახელა. ხვიჩა კვარაცხელია მოხვდა როგორც საუკეთესო ფეხბურთელებში, ასევე თავდამსხმელებში.ჯილდო 2010 წელს დაწესდა უეფა-ს, ევროპის კლუბების ასოციაციისა და ევროპის მოთამაშეთა ასოციაციის ინიციატივით. ნომინანტების პირველი შერჩევის შემდეგ ფინალისტების საბოლოო სია გულშემატკივრებმა შეარჩიეს. ახლა გამარჯვებულებს გულშემატკივრები და ყოფილი მოთამაშეების, მწვრთნელების, აგენტებისა და ჟურნალისტებისგან შემდგარი ჟიური შეარჩევს.ისინი შეირჩევიან 2025 წლის კალენდარული წლის მიხედვით, რაც ნიშნავს, რომ გათვალისწინებულია გასული სეზონის მეორე ნახევარი და მიმდინარე 2025/26 სეზონის დასაწყისი. გამარჯვებულები გამოვლინდებიან 2025 წლის 28 დეკემბერს.Globe Soccer Awards-ის ფინალისტები:2025 წლის საუკეთესო მამაკაცი ფეხბურთელი უსმან დემბელე დეზირე დუე ერლინგ ჰალანდი აშრაფ ჰაკიმი ვინისიუს ჟუნიორი ხვიჩა კვარაცხელია რობერტ ლევანდოვსკი კილიან მბაპე ნუნო მენდესი კოულ პალმერი პედრი რაფინია მოჰამედ სალაჰი ვიტინია ლამინ იამალი 2025 წლის საუკეთესო ფორვარდი უსმან დემბელე ჰარი კეინი ხვიჩა კვარაცხელია რობერტ ლევანდოვსკი კილიან მბაპე რაფინია მოჰამედ სალაჰი ლამინ იამალი პირველი არხი

გიორგი მამარდაშვილი არ ყოფილა „ლივერპულის“ წაგებების მიზეზი, როგორც ბევრ გულშემატკივარს ეგონა. ეს კარში ალისონ ბეკერის დაბრუნებამაც დაადასტურა, – ამის შესახებ ინგლისური გამოცემა Rousing The Kop-ი წერს „ნოტინგემ ფორესტთან“ საშინაო მარცხის (0:3) შემდეგ.„ლივერპული“ ჩიხშია შესული და გამოსვლას ვერ ახერხებს. „წითლების“ მარცხი „ნოტინგემ ფორესტთან“ ნიშნავს, რომ მათ ბოლო 11 მატჩიდან რვა წააგეს, რის გამოც გუნდმა ცხრილში მე-11 პოზიციაზე გადაინაცვლა.არნე სლოტმა სანაკრებო პაუზის პერიოდში სცადა ვითარების გამოსწორება, მაგრამ ამას შედეგი არ მოჰყოლია. ერთ-ერთი ცვლილება სასტარტო შემადგენლობაში ხანგრძლივი პაუზის შემდეგ ალისონ ბეკერის დაბრუნება იყო, თუმცა მანაც ვერ შეძლო „ფორესტის“ შეჩერება. ამან ნათლად აჩვენა, რომ ვითარება შესაძლოა იმაზე მძიმეა, ვიდრე „ლივერპულის“ გულშემატკივრებს წარმოუდგენიათ.ბევრი ფიქრობდა, რომ ალისონის დაბრუნებით სიტუაცია გამოსწორდებოდა, რადგან ბრაზილიელი, გიორგი მამარდაშვილისადმი დიდი პატივისცემის მიუხედავად, მასზე უკეთესია – უკეთ თამაშობს ფეხით, გამოირჩევა სიმშვიდითა და ლიდერობით, უკეთ კოორდინირებს დაცვას. თუმცა „ფორესტის“ წინააღმდეგ მანაც ვერაფერი შეცვალა, რითაც პრაქტიკულად დადასტურდა, რომ გუნდის წარუმატებლობაში დამნაშავეა დაცვის ხაზი და არა მეკარე.მამარდაშვილი გუნდის წარმატებისთვის ყველაფერს აკეთებდა, თუმცა ხშირად იმედგაცრუებული რჩებოდა უკანახაზელებით – როგორც ჩანს, მსგავს ვითარებაში აღმოჩნდება ალისონიც.„ლივერპულს“ სტრუქტურული ცვლილებები სჭირდება. არნე სლოტის სქემები არ მუშაობს – შეტევა საკმარისად ძლიერი არ არის, ნახევარდაცვა ზედმეტად ღიაა, დაცვა კი ბევრ შეცდომას უშვებს, რის გამოც მეკარეებს რეალური შანსი არ ეძლევათ. ამ ეტაპზე „ლივერპულის“ ყველაზე დიდი პრობლემა დაცვაა, რომელმაც ლიგაში უკვე 20 გოლი გაუშვა“, – წერს გამოცემა.ბრაზილიელი მეკარე 30 სექტემბერს „გალათასარაისთან“ შეხვედრის დროს დაშავდა, ხოლო მის არყოფნაში გიორგი მამარდაშვილმა ინგლისური გრანდის რიგებში რვა მატჩი ჩაატარა.პირველი არხი

ნოემბერში გამართული მსოფლიო ჩემპიონატის შესარჩევი მატჩების დასრულების შემდეგ ფიფა-მ მსოფლიო რეიტინგი განაახლა. როგორც მოსალოდნელი იყო, ესპანეთთან და ბულგარეთთან წაგებების შემდეგ საქართველოს ნაკრებმა პოზიცია ვერ შეინარჩუნა და 70-დან 73-ადგილზე გადაინაცვლა. მას 1347.88 ქულა აქვს.პირველია ესპანეთი, რომელსაც არგენტინა მოსდევს: 1. ესპანეთი – 1877.18 ქულა 2. არგენტინა – 1873.33 3. საფრანგეთი – 1870 4. ინგლისი – 1834.12 5. ბრაზილია – 1760.46 6. პორტუგალია – 1760.38 7. ნიდერლანდები – 1756.27 8. ბელგია – 1730.71 9. გერმანია – 1724.15 10. ხორვატია – 1716.88

საქართველოს ფეხბურთის ეროვნული ნაკრები უკვე თურქეთშია. მსოფლიო ჩემპიონატის საკვალიფიკაციო ეტაპის მომდევნო მატჩში გუნდი თურქეთის ნაკრებს დაუპირისპირდება. ფეხბურთელები დღეს ქოჯაელის სტადიონზე მატჩისწინა ვარჯიშს ჩაატარებენ. ტრადიციულად, საწვრთნელი პროცესის დაწყებამდე გაიმართება საქართველოს ნაკრების მთავარი მწვრთნელის პრესკონფერენციაც.შეხვედრა ხვალ, 14 ოქტომბერს ქალაქ იზმითში, საქართველოს დროით 22:45 სთ-ზე დაიწყება. ცნობილი ხდება, რომ მატჩს რუმინელი რადუ პეტრესკუ იმსაჯებს. მსოფლიო ჩემპიონატის საკვალიფიკაციო ეტაპის მესამე შეხვედრა საქართველოს ეროვნულმა ნაკრებმა ესპანეთის წინააღმდეგ შაბათს გამართა. ელჩეში ჩატარებული მატჩი მასპინძელთა გამარჯვებით, 2:0 დასრულდა.

დღეს, თბილისის დროით 22:45 საათზე, საქართველოსა და ესპანეთის ნაკრებები ერთმანეთს ელჩეში (ესპანეთი) დაუპირისპირდებიან. აღნიშნული შეხვედრა მსოფლიო ჩემპიონატის საკვალიფიკაციო ეტაპია, რომლის დასრულების შემდეგ, უკვე 14 ოქტომბერს საქართველოს და თურქეთის ნაკრებები ქალაქ იზმითში შეხვდებიან.„ბიზნესპრენსიუსი“ დაინტერესდა როგორია საქართველოსა და ესპანეთის ნაკრებების ღირებულება. ამასთან, როგორია ყველაზე ძვირად ღირებული ფეხბურთელების ათეული.Transfermarkt-ის ბოლო მონაცემებით, საქართველოს ნაკრების საერთო ღირებულება 205.15 მლნ ევროა.დღეის მდგომარეობით, 10 ყველაზე ძვირად ღირებული (სატრანსფერო ღირებულებით) ქართველი ფეხბურთელის ჩამონათვალი ასეთია: ხვიჩა კვარაცხელია - 90 მლნ ევრო; გიორგი მამარდაშვილი - 30 მლნ ევრო; გიორგი მიქაუტაძე - 30 მლნ ევრო; ზურიკო დავითაშვილი - 10 მლნ ევრო; ოთარ კიტეიშვილი - 6 მლნ ევრო; გიორგი ქოჩორაშვილი - 6 მლნ ევრო; საბა გოგლიჩიძე - 6 მლნ ევრო; საბა ლობჟანიძე - 4 მლნ ევრო; ირაკლი აზაროვი 4 მლნ ევრო გიორგი გოჩოლეიშვილი - 2.5 მლნ ევრო. რაც შეეხება ესპანეთის ნაკრებს, Transfermarkt-ზე გუნდის ღირებულება 996 მლნ ევროა.ყველაზე ძვირად ღირებული ფეხბურთელების ჩამონათვალი კი ასეთია: პედრი - 140 მლნ ევრო; პაუ კუბარსი - 80 მლნ ევრო; დანი ოლმო - 60 მლნ ევრო; მარტინ ზუბიმენდი - 60 მლნ ევრო; ალექს ბაენა - 55 მლნ ევრო; პაბლო ბარიოს - 55 მლნ ევრო; ფერან ტორეს - 50 მლნ ევრო; სამუ აგეჰოვა - 50 მლნ ევრო; დავიდ რაია - 40 მლნ ევრო; დანი ვივიან - 40 მლნ ევრო.

Transfermarkt-ის ბოლო მონაცემებით საქართველოს ეროვნული ნაკრების 3 ფეხბურთელის სატრანსფერო ღირებულება კიდევ გაიზარდა.საუბარია, გიორგი მიქაუტაძეზე, გიორგი ქოჩორაშვილსა და ლუკა ლოჩოშვილზე.უფრო კონკრეტულად, Transfermarkt-ის მიხედვით, გიორგი მიქაუტაძის სატრანსფერო ღირებულება 22 მლნ ევროდან, 30 მლნ ევრომდე გაიზარდა, გიორგი ქოჩორაშვილის 5 მლნ ევროდან 6 მლნ ევრომდე, ხოლო ლუკა ლოჩოშვილის - 500 000 ევროდან 1.5 მლნ ევრომდე.გთავაზობთ, transfermarkt-ის მონაცემებს, დღეის მდგომარეობით, 10 ყველაზე ძვირად ღირებული ქართველი ფეხბურთელის შესახებ: ხვიჩა კვარაცხელია - 90 მლნ ევრო; გიორგი მამარდაშვილი - 30 მლნ ევრო; გიორგი მიქაუტაძე - 30 მლნ ევრო; ზურიკო დავითაშვილი - 10 მლნ ევრო; ოთარ კიტეიშვილი - 6 მლნ ევრო; გიორგი ქოჩორაშვილი - 6 მლნ ევრო; საბა გოგლიჩიძე - 6 მლნ ევრო; საბა ლობჟანიძე - 4 მლნ ევრო; ირაკლი აზაროვი 4 მლნ ევრო გიორგი გოჩოლეიშვილი - 2.5 მლნ ევრო. bpn.ge

„პარი სენ-ჟერმენი“ სერიოზულად არის დაინტერესებული „ბარსელონას“ გარემარბის ლამინ იამალის შეძენით.გამოცემა Defensa Central-ის ინფორმაციით, საფრანგეთის ჩემპიონი აპირებს 230 მილიონი ევრო შესთავაზოს კატალონურ მხარეს 18 წლის ფეხბურთელის სანაცვლოდ.შეგახსენებთ, რომ ფეხბურთის ისტორიაში სატრანსფერო რეკორდი სწორედ „პარი სენ-ჟერმენს“ ეკუთვნის, რომელმაც 2017 წელს „ბარსელონადან“ 222 მილიონ ევროდ შეიძინა ბრაზილიელი ფორვარდი ნეიმარი.

კრიშტიანუ რონალდუ პირველი მილიარდერი ფეხბურთელი გახდა - ამის შესახებ ინფორმაციას გამოცემა Bloomberg ავრცელებს.პორტუგალიელმა ფეხბურთელმა ახლახან  საუდის არაბეთის კლუბ Al-Nassr-თან $400 მილიონიანი კონტრაქტი გაახანგრძლივა, რითაც 40 წლის ფეხბურთელის ქონება $1.4 მილიარდამდე გაზარდა (Bloomberg Billionaires Index)

საქართველოს ეროვნული ნაკრები ესპანეთის ქალაქ ალიკანტეში შეიკრიბა და მსოფლიო ჩემპიონატის საკვალიფიკაციო ეტაპის მატჩებისთვის მზადება დაიწყო. გუნდმა პირველი ვარჯიში 7 ოქტომბერს ჩაატარა.11 ოქტომბერს ვილი სანიოლის გაწვრთნილი გუნდი ესპანეთს ელჩეში დაუპირისპირდება, ხოლო 14 ოქტომბერს თურქეთს ქალაქ იზმითში შეხვდება.მოახლოებული მატჩებისთვის სანიოლმა 25 ფეხბურთელი გამოიძახა. ყვითელი ბარათების გამო ლუკა ლოჩოშვილი ესპანეთთან ვერ ითამაშებს, თუმცა თურქეთთან გუნდის დახმარებას შეძლებს.საქართველოს ნაკრების შემადგენლობა:მეკარეები: გიორგი მამარდაშვილი („ლივერპული“, ინგლისი), ლუკა გუგეშაშვილი („პაოკი“, საბერძნეთი), დავით კერესელიძე („დილა“, გორი)მცველები: გურამ კაშია („სლოვანი“, სლოვაკეთი), ოთარ კაკაბაძე („კრაკოვია“, პოლონეთი), ლაშა დვალი („ცსკა 1948 სოფია“, ბულგარეთი), ირაკლი აზაროვი („შახტარი“, უკრაინა), ლუკა ლოჩოშვილი („ნიურნბერგი“, გერმანია), გიორგი გოჩოლეიშვილი („ჰამბურგი“, გერმანია), საბა გოგლიჩიძე („უდინეზე“, იტალია), ივა გელაშვილი („პანსერაიკოსი“, საბერძნეთი)ნახევარმცველები: ოთარ კიტეიშვილი („შტურმი“, ავსტრია), გიორგი ქოჩორაშვილი („სპორტინგი“, პორტუგალია), ანზორ მექვაბიშვილი („კრაიოვა“, რუმინეთი), ნიკა გაგნიძე („კოლოსი“, უკრაინა), ლადო მამუჩაშვილი („ტორპედო“, ქუთაისი), ნოდარ ლომინაძე („ეშტორილი“, პორტუგალია), გიორგი წიტაიშვილი („მეცი“, საფრანგეთი), ზურიკო დავითაშვილი („სენტ-ეტიენი“, საფრანგეთი), საბა ლობჟანიძე („ატლანტა იუნაიტედი“, აშშ)თავდამსხმელები: ხვიჩა კვარაცხელია („პსჟ“, საფრანგეთი), ბუდუ ზივზივაძე („ჰაიდენჰაიმი“, გერმანია), გიორგი კვერნაძე („ფროზინონე“, იტალია), გიორგი გულიაშვილი („სარაევო“, ბოსნია-ჰერცეგოვინა), გიორგი მიქაუტაძე („ვილიარეალი“, ესპანეთი)2026 წლის მსოფლიო ჩემპიონატის საკვალიფიკაციო ეტაპი:11 ოქტომბერი, ელჩე | ესპანეთი – საქართველო | 22:45 საათი14 ოქტომბერი, იზმითი | თურქეთი – საქართველო | 22:45 საათიწყარო: პირველი არხი

MMA-ის ქართველმა მებრძოლმა, მერაბ დვალიშვილმა UFC-ს ქვემსუბუქი წონის საჩემპიონო ქამარი შეინარჩუნა. ლას-ვეგასში გამართულ ღონისძიებაზე დვალიშვილმა ამერიკელი კორი სენდჰეგენი დაამარცხა.The sportster-ის ინფორმაციით, მოპოვებული გამარჯვებით დვალიშვილი PPV-ს (pay-per-view, სამაუწყებლო გაყიდვებიდანაც მიღებული პროცენტული წილი) და ბონუსების ჩათვლით დაახლოებით 1.5 – 2.5 მილიონ დოლარს გამოიმუშავებს.„დვალიშვილის ჰონორარი მუდმივად იზრდება მისი გამარჯვებების სერიის, ტიტულის დაცვისა და მთავარ ორთაბრძოლებში მონაწილეობის გამო“, - წერს The sportster-ი.ამასთანავე, გამოცემა აღნიშნავს, რომ UFC 316-ზე გამარჯვების შემდეგ, დვალიშვილის ჯამური შემოსავლები დაახლოებით 2.3 – 2.39 მილიონ დოლარს შეადგენდა.ინფორმაციისთვის, დვალიშვილმა ჩემპიონის ტიტული 2024 წლის სექტემბერში, შონ ო’მალის დამარცხებით მოიპოვა. ქართველი მებრძოლის ანგარიშზე ამჟამად 21 გამარჯვებაა. UFC 320-ზე მოგება მისთვის ზედიზედ მე-14 გამარჯვება იყო, რაც UFC-ს ისტორიაში მეოთხე საუკეთესო მაჩვენებელია.