ლეგენდარული აირტონ სენას Honda NSX აუქციონზე იყიდება

1715335857

წელს დასასრულებელ კორპუსებში ბინების მხოლოდ 18%, 2025 წლის პროექტებში კი 34%-ია გასაყიდად დარჩენილი, ამის შესახებ „გალთ ენდ თაგარტის“ კვლევაშია აღნიშნული.კერძოდ, კლევის თანახმად, 2024 წელს დასასრულებელ პროექტებში ბინების 82%-უკვე სრულად გაყიდულია, შესაბამისად, დარჩენილია მხოლოდ 18%; 2025 წელს დასასრულებელ პროექტებში 66%-ია უკვე გაყიდული, ხოლო იმ პროექტებში, რომელთა დასრულებაც 2026-2028 წლებში იგეგმება, ბინების თითქმის ნახევარი - 41%-ია უკვე გაყიდული, შესაბამისად, გასაყიდად ხელმისაწვდომია ბინების 59%.ამასთან, როგორც „გალთ ენდ თაგარტის“ კვლევაშია აღნიშნული, 2024 წლის მარტში თბილისში 229.4 მლნ აშშ დოლარის ღირებულების ბინები გაიყიდა, რაც წლიურად 8.4%-იანი კლებაა.

1715328683

2024 წლის I კვარტალში საქართველოს ტერიტორიიდან დაფიქსირდა საქართველოს რეზიდენტი მოგზაურები 642.8 ათასი გასვლა საზღვარგარეთ, რაც 9.7 პროცენტით მეტია წინა წლის ანალოგიური პერიოდის მაჩვენებელზე. გასვლების უდიდესი ნაწილი, 46.1 პროცენტი, განხორციელდა 31-50 წლის მოგზაურების მიერ. „საქსტატის“ ინფორმაციით, აღნიშნული რაოდენობიდან საქართველოს რეზიდენტი ვიზიტორების მიერ საზღვარგარეთ განხორციელებული ვიზიტების რაოდენობამ 521.6 ათასი შეადგინა, რაც 16.3 პროცენტით მეტია 2023 წლის ანალოგიური პერიოდის მაჩვენებელზე.საქართველოს რეზიდენტი ვიზიტორების მიერ საზღვარგარეთ განხორციელდა 328.6 ათასი ტურისტული ტიპის ვიზიტი, რაც 28.6 პროცენტით მეტია წინა წლის ანალოგიური პერიოდის მაჩვენებელზე.ვიზიტების უმრავლესობა, 48.4 პროცენტი, განხორციელდა 31-50 წლის საქართველოს რეზიდენტი ვიზიტორების მიერ. ქალების მიერ განხორციელებული ვიზიტების რაოდენობა მთლიანი ვიზიტების 45.5 პროცენტს შეადგენდა.2024 წლის I კვარტალში ვიზიტების ყველაზე დიდი ნაწილი (34.6 პროცენტი) განხორციელდა მეგობრების/ნათესავების მონახულების მიზნით.ვიზიტების უმრავლესობა განხორციელდა თურქეთსა და რუსეთის ფედერაციაში, შესაბამისად, 204.8 ათასი და 90.0 ათასი ვიზიტი.2024 წლის I კვარტალში განხორციელებული ვიზიტებისას გათეული ღამეების საშუალო რაოდენობამ 6.4 ღამე შეადგინა, რაც 2023 წლის I კვარტალში დაფიქსირებულ მაჩვენებელზე (6.1 ღამე) 5.3 პროცენტით მეტია.განხორციელებული ვიზიტების 97.9 პროცენტი წარმოადგენდა განმეორებითი ხასიათის ვიზიტს.2024 წლის I კვარტალში განხორციელებული ვიზიტებისას გაწეული ხარჯები 455.5 მილიონ ლარს გაუტოლდა, რაც 22.3 პროცენტით მეტია წინა წლის ანალოგიური პერიოდის მაჩვენებელზე. ვიზიტზე საშუალო ხარჯი 2023 წლის I კვარტალთან შედარებით 5.1 პროცენტით გაიზარდა და 873.1 ლარი შეადგინა.

1715327727

მსოფლიოს უმდიდრესი ქალაქების წლევანდელ რეიტინგში ლიდერი ნიუ-იორკია. ინფორმაციას Bloomberg საკონსულტაციო კომპანია Henley&Partners-ის მონაცემებზე დაყრდნობით ავრცელებს.კერძოდ, მეგაპოლისის მცხოვრებლების მთლიანმა ქონებამ 3 ტრლნ დოლარს გადააჭარბა, ხოლო მოსახლეობით 8,26-მილიონიან ქალაქში ყოველი 24-ე მცხოვრების კაპიტალი 1 მლნ დოლარზე მეტს შეადგენს.კვლევის მიხედვით, ნიუ-იორკში, დაახლოებით, 350 ათასი მილიონერი ცხოვრობს. ეს, 2013 წელთან შედარებით, 48%-ით მეტია, როცა ქალაქის, თითქმის, ყოველი 36-ე მცხოვრები იყო მილიონერი. ამასთან, ნიუ-იორკში კვლავ უმდიდრესი ადამიანების მაღალი კონცენტრაციაა. კერძოდ, მათი რაოდენობა მოიცავს 60 მილიარდერსა და 744 მცხოვრებს, რომელთა ქონებაც 100 მლნ დოლარზე მეტს შეადგენს.რეიტინგში მეორე ადგილი სან-ფრანცისკოს ყურის ოლქმა დაიკავა, სადაც 305,7 ათასი მილიონერია. მათი რაოდენობა 10 წლის განმავლობაში 82%-ით გაიზარდა.მესამე ადგილზე 298,3 ათასი მილიონერით ტოკიოა, რაც, 2013 წელთან შედარებით, 5%-ით ნაკლებია.შემდეგი სინგაპურია, სადაც მილიონერთა რაოდენობა 10 წლის განმავლობაში 64%-ით გაიზარდა და 244,8 ათასი კაცი შეადგინა.წამყვან ხუთეულს ხურავს ლონდონი, სადაც, 2013 წელთან შედარებით, 10%-ით ნაკლები, ანუ 227 ათასი მილიონერი ცხოვრობს.Henley&Partners-ის აღმასრულებელ დირექტორ იურგ შტეფენის შეფასებით, მეგაპოლისებში მილიონერების რაოდენობის ზრდას საფონდო ბირჟების წარმატებამ, მათ შორის, S&P 500-ისა და Nasdaq-ის ინდექსების რალიმ, ასევე, ხელოვნური ინტელექტის, რობოტექნიკისა და ბლოკჩეინის ტექნოლოგიების სწრაფმა განვითარებამ შეუწყო ხელი.ამასთან, მსოფლიოს ზოგიერთი ქალაქიდან ბოლო წლებში მილიონერების გადინება დაფიქსირდა. კერძოდ, ლონდონმა, ნაწილობრივ, Brexit-ის გამო მდიდარი მცხოვრებლების 10%, ხოლო ჰონგ-კონგმა პანდემიის შემდეგ სინგაპურში გადასვლის ფონზე მდიდრების 4% დაკარგა.თუმცა მილიონერების რიცხვი 140%-ით გაიზარდა ჩინეთის ქალაქ შენჩჟენში, ხოლო ინდოეთის ბანგალორში, ვიეტნამის ხოშიმინსა და აშშ-ის სკოტსდეილში გაორმაგდა.

1715327579

საქართველოს მთავრობა საპენსიო სააგენტოს მმართველობის სისტემის მნიშვნელოვნად შეცვლას გეგმავს. ცვლილებებს ითვალისწინებს კანონპროექტი, რომელიც ეკონომიკის სამინისტრომ პარლამენტში წარადგინა. ამავე ცვლილებებით იზრდება ლიმიტები, რომლის ფარგლებშიც საპენსიო ფონდს შეეძლება შევიდეს მსხვილი პროექტების ფინანსირებაში. საუბარია საერთაშორისო საფინანსო ინსტიტუტებთან ერთად პროექტის დაფინანსებაში პირდაპირ მონაწილეობაზე. პარლამენტში შესული საკანონმდებლო ცვლილებების პროექტებით, დაბალრისკიანი საინვესტიციო პორტფელიდან შესაძლებელი გახდება სხვადასხვა პროექტის დაფინანსება, ეს შეიძლება იყოს ჰესის, პორტის თუ სხვა საინვესტიციო პროექტების დაფინანსებაში მონაწილეობის მიღება, თუკი აღნიშნულ პროექტის ფინანსირებაში საერთაშორისო საფინანსო ინსტიტუტებიც მონაწილეობენ.გარდა ამისა, სამეთვალყურეო და საინვესტიციო საბჭო უქმდება და იქმნება ახალი მმართველობითი საბჭო, რომელსაც 9-15 წევრი ეყოლება. საბჭოში თავის მხრივ, შეიქმნება სამი კომიტეტი, რისკების, აუდიტისა და ინვესტიციების კომიტეტი. ამასთან, აღნიშნული საბჭოს წევრებს საქართველოს პრემიერ-მინისტრი დაამტკიცებს.ფინანსისტი გიგა ბედინეიშვილი „კომერსანტთან“ ამბობს, რომ აქტივების სხვადასხვა პროექტების ფინანსირებაში გამოყენება დამატებით მოედანს უქმნის მთავრობას ფულის განკარგვის თვალსაზრისით, შესაბამისად შეიძლება ფონდი უფრო მაღალრისკიანი აღმოჩნდეს.„ძირითადად ორი მიმართულებით არის ცვლილებები, ერთი რომ უფრო მაღალრისკიანი საინვესტიციო პოლიტიკის განხორციელება შეეძლება ამ ფონდს, შესაბამისად თეორიულად შეიძლება რომ ეს ფონდი უფრო მაღალრისკიანი აღმოჩნდეს. მეორე არის ის, რომ ფონდის მართვის ფილოსოფია იცვლება, შედარებით დამოუკიდებელიდან გადავდივართ მთავრობის ჩართულობის და კონტროლის ქვეშ მყოფი ფონდის სტრუქტურაზე. თუმცა საპენსიო ფონდების ბედი, ზოგადად ძირითადად ასე ვითარდება ხოლმე, როდესაც მთავრობა უფრო მეტად ყოფს ხალხის ჯიბეში ხელს.რაც შეეხება ინვესტირებას, აქტივების სხვადასხვა პროექტების ფინანსირებაში გამოყენება დამატებით მოედანს უქმნის მთავრობას ფულის განკარგვის თვალსაზრისით, სადაც დაახლოებით ნახევარი მილიარდი თანხაა.საპენსიო ფონდის ძირითადი მისია უნდა იყოს დაზოგვა, დოვლათის შენარჩუნება და კონსერვატიული პოლიტიკა. ფაქტობრივად ძალდატანებით ხდება ამ თანხების მობილიზება, რადგან არჩევანის უფლება, დისკრეცია აღარ გვაქვს, ამ ყველაფრის მერე, მათი მაღალრისკიანად განთავსება, გაუმართლებელია“, - ამბობს გიგა ბედინეიშვილი.BDO-ს მმართველი პარტნიორი ზურაბ ლალაზაშვილიც საპენსიო დანაზოგებით მსხვილი პროექტების დაფინანსებაში გარკვეულ რისკებს ხედავს. მისი თქმით, მსხვილ პროექტებში საპენსიო თანხების ინვესტირებისას არაერთი საკითხი იქნება გასათვალისწინებელი.„საპენსიო თანხები მსხვილ პროექტებში მიმართვა გარკვეულ რისკებს შეიცავს. შესაძლოა, მთავრობას ამ დანაზოგებით რაიმე საინტერესო ინფრასტრუქტურული პროექტის აშენება სურდეს, თუმცა შესაძლოა, თანხების ხარჯვა არაეფექტურად მოხდეს ან საერთოდ ვერც განხორციელდეს პროექტი. ასევე საკითხავია, რამდენად იქნება სარგებლის მომტანი ასეთი ინვესტიცია. ბევრი კითხვაა - მაგალითად, თუკი ჩემს დაზოგილ 1000 ლარს სახელმწიფოს ვანდობ და ის ამ თანხას რომელიმე პროექტში ჩადებს, ასე უფრო მეტ სარგებელს მივიღებ თუ იმ შემთხვევაში, თუკი ამ თანხას კერძო აქტივების მმართველ კომპანიას ვანდობ. როდესაც არსებობს გრძელვადიანი ლარი, ყოველთვის დიდი ცდუნებაა ხელისუფლების მხრიდან, რომ რაიმე პროექტისკენ მიმართოს ეს თანხები.შესაბამისად, გადაწყვეტილებას, რომ მოქალაქეები საპენსიო დანაზოგების დამოუკიდებელ აქტივების მმართველ კომპანიებში გადატანას ვეღარ შეძლებენ, უარყოფითად ვაფასებ. მე უნდა შემეძლოს მივიღო გადაწყვეტილება, ვის ვანდო ჩემი ფული“, - ამბობს ზურაბ ლალაზაშვილი.ფინანსისტი და საპენსიო სააგენტოს ყოფილი დირექტორი ლევან სურგულაძე მიიჩნევს, რომ საპენსიო სააგენტომ მსხვილი პროექტები მხოლოდ ფასიანი ქაღალდების გამოშვების გზით უნდა დააფინანსოს. მისი თქმით, საპენსიო თანხებით პირდაპირი ფორმით პროექტებში ინვესტირება უნდა გამოირიცხოს და შესაბამისი პირობები კანონმდებლობაშიც უნდა გაიწეროს.ცნობისთვის, საქართველოს მოქალაქეთა საპენსიო დანაზოგები 4.9 მილიარდ ლარს აღწევს. აქედან 4.8 მილიარდი ლარი განთავსებულია ნაკლებად რისკიან საპენსიო პორტფელში, დანარჩენი კი საშუალო და მაღალრისკიან პორტფელებში.

1715324595

 „ქალაქში უნდა არსებობდეს გამჭოლი გზები“ - საცობების პრობლემის მოგვარების გზებზე კომენტირებისას „ბიზნესპრესნიუსთან“ საავტომობილო ფედერაციის ვიცე-პრეზიდენტმა მევლუდ მელაძემ განაცხადა.მანვე განმარტა, რომ გამჭოლი გზები არის ერთ-ერთი საშუალება იმისა, რომ თბილისში საცობების პრობლემა მოგვარდეს. მელაძის თქმით, გულისხმობს ისეთ საავტომობილო გზებს, რომელზეც არ არის ისეთი შემაფერხებლები, როგორიცაა შუქნიშანი და სხვა.„რამდენიმე რაღაც არის გასაკეთებელი: პირველი, უნდა არსებობდეს ქალაქში გამჭოლი გზები, რომელზეც არ არის შუქნიშნები და შემაფერხებლები, რომელიც ქალაქის ერთ ბოლოში გადის და ერთი უბნიდან მეორეში შემოდიხარ და გადიხარ. თქვენ ვერ დამისახელებთ ვერცერთ დიდ ცივილიზებულ ქალაქს პლანეტაზე, სადაც გამჭოლი გზები არ არის. ერთმანეთთან აცდენილი მაინც უნდა იყოს გზები“, - ამბობს მელაძე. საცობების პრობლემას ამძიმებს ქალაქგანაშენიანების გამოწვევები და საპარკინგე სივრცეების არარსებობა ან სიმცირე საცხოვრებელ კორპუსებთან. მელაძე ამბობს, რომ ყველა შენობას, რომლის მშენებლობაც იგეგმება, უნდა მოჰყვებოდეს გეგმა, როგორ მოეწყობა საპარკინგე სივრცე, წინააღმდეგ შემთხვევაში კი ნებართვა არ უნდა გაიცეს.„ქალაქდაგეგმარებას აქვს სერიოზული პრობლემები, რომ ავიღოთ ქალაქის ცენტრში მაღალსართულიანი შენობები ერთი მეორის მიყოლებით რომ შენდება და საპარკინგე სივრცეები საერთოდ არ აქვს, ან საკმარისი არ აქვს, მსგავსი ტიპის შენობების აშენებაზე ნებართვები არ უნდა გაიცეს, რაღაც სპეციფიკური მოთხოვნების ქვეშ უნდა იყოს. უნდა ჯდებოდეს ეს ქალაქის არქიტექტურაში, სხვადასხვა სიმაღლის და ფერის არ უნდა იყოს. თან ნებისმიერი მშენებლობის ნებართვა, რომელიც გაიცემა, უნდა იყოს დეტალური ინსტრუქცია იმისა, რომ საპარკინგე სივრცე უნდა ჰქონდეს“, - დასძინა მან.საავტომობილო ფედერაციის ვიცე-პრეზიდენტი აღნიშნავს, რომ მხოლოდ ზემოთ ჩამოთვლილი პრობლემების გადაჭრა საკმარისი არ არის. მისი თქმით, აუცილებელია, რომ თითოეულ შენობას ჰქონდეს სატრანსპორტო კვანძების შესახებ გეგმა.„მარტო საპარკინგე სივრცეც არ შველის სატრანსპორტო გეგმა უნდა მოჰყვებოდეს ზუსტი, როგორ აპირებენ ამ შენობაში შესვლა-გამოსვლას, ანუ საავტომობილო კვანძი როგორ შეერწყმება ცენტრალურ მოძრაობას ისე, რომ არ შექმნას საცობი. მსგავსი რაღაცები არ კეთდება, შესაბამისად ,რაც უფრო წინ მივდივართ, უფრო და უფრო მეტ პრობლემას ვქმნით საცობის მხრივ“, - აღნიშნა მევლუდ მელაძემ.