1786799173
რუსული Wildberries-ის შავი პერიოდი - 5 მლრდ დოლარამდე ზარალი და ბიზნესი, რომლის აღდგენასაც წლები დასჭირდება
2026 წლის ივლისი-აგვისტო რუსული ელექტრონული კომერციისთვის შავი პერიოდია. ამის შესახებ რუსული კომპანია, MP Manager თავის ვებგვრდზე წერს, რომელიც IT-გადაწყვეტილებებს Wildberries-ის, Ozon-ის და Yandex Market-ის სავაჭრო პლატფორმებისთვის ავითარებს.
კომპანიის განახლებული მონაცემებით, Wildberries-ის ლოგისტიკურ ინფრასტრუქტურაზე უკრაინული დრონების უპრეცედენტო თავდასხმების სერიამ რუსეთის 16 რეგიონში, მოსკოვის რეგიონიდან ანექსირებულ ყირიმამდე, ვოლგის რეგიონამდე და ურალამდე 23 სადისტრიბუციო-გამანაწილებელი ცენტრი მწყობრიდან გამოიყვანა.
“Wildberries-ის საწყობებზე თავდასხმები კოორდინირებული იყო და 2-4-დღიანი ინტერვალებით ტალღებად განხორციელდა. ბოლო მასიური თავდასხმა 16 აგვისტოს, მოსკოვის რეგიონში მოხდა, რამაც კოლედინოში მდებარე მთავარ სადისტრიბუციო ჰაბი და დომოდედოვოს ჩრდილოეთ ნაწილში მდებარე კომპლექსი დააზიანა,” - წერს MP Manager.
Wildberries-ის მთლიანი ზარალის ზუსტი შეფასება ჯერ არ არის შედგენილი, მაგრამ ცნობილია შემდეგი მონაცემები: ინფრასტრუქტურის ღირებულების მხრივ, დაზიანებული უძრავი ქონების ოდენობა 60 მლრდ რუბლს (711.56 მლნ დოლარს) შეადგენს. ექსპლუატაციიდან ამოღებული ობიექტების, ანუ 444.000 კვ. მეტრის აღდგენას 35.5 მლრდ რუბლი (421 მლნ დოლარი) სჭირდება. ამასთან, მაგალითად, 2024 წელს შუშარის საწყობში გაჩენილი ხანძრის შემდეგ გამყიდველებისთვის გაცემულმა კომპენსაციამ 35 მლრდ რუბლი (415 მლნ დოლარი) შეადგინა.
რაც შეეხება დაკარგულ ლოგისტიკურ შესაძლებლობებს, თავიდან Wildberries-ის დეკლარირებული ინფრასტრუქტურის მოცულობა 5.2 მლნ კვ. მ-ს, ანუ 100%-ს შეადგენდა. აქედან დაბომბილი ობიექტების ფართობი 1.35-1.62 მლნ კვ.მეტრს, ანუ 26-31%-ს შეადგენს, ხოლო დაზიანებული ფართობი 950 000-1.25 მლნ კვ.მეტრი, ანუ 18-24%-ია.
სხვადასხვა შეფასებით, თავდასხმების შედეგად მიღებული მთლიანი ეკონომიკური ზარალი 340-435 მლრდ რუბლს, ანუ 4-5 მლრდ დოლარზე მეტს შეადგენს. ეს მაჩვენებელი მოიცავს დაზიანებული ინფრასტრუქტურის ღირებულებას, საცალო ვაჭრობის პროდუქციის დანაკარგსა და მიწოდების ჯაჭვების აღსადგენად კომპანიების ოპერაციულ ხარჯს. მხოლოდ სამარაში ასობით საცალო გამყიდველმა მარაგის 100% დაკარგა. ექსპერტები 4 აგვისტოს თავდასხმების ტალღისგან მიყენებულ ბიზნეს-ზარალს უკვე ათობით მილიარდ რუბლად აფასებენ.
საცალო გამყიდველების პოტენციური დანაკარგი 214.9-დან 279.6 მლრდ რუბლამდე, ანუ 2.5-დან 3.3 მლრდ დოლარად არის შეფასებული. თავდასხმების შედეგად დაზარალებული მეწარმეების რაოდენობამ შესაძლოა, რამდენიმე ასეულ ათასს მიაღწიოს.
რაც შეეხება ლოგისტიკურ ქსელზე ზემოქმედებას, ფედერალური ლოგისტიკური ობიექტების 18-24% მწყობრიდან გამოვიდა. ეს კომპანიის ყოველი მეხუთე საწყობია. ანალიტიკოსების შეფასებით, 7 აგვისტოს მდგომარეობით Wildberries-მა დროებით ან სამუდამოდ რუსეთში თავისი სასაწყობო სიმძლავრეების, თითქმის, მესამედი დაკარგა.
ლოგისტიკისთვის დამდგარი შედეგებით, ცენტრალურ და სამხრეთ რუსეთში საშუალო მიწოდების დრო 3-6 დღით გაიზარდა. შორეული მანძილზე, ანუ მაგისტრალური ლოგისტიკის ღირებულება ციმბირსა და ურალის გავლით შეკვეთების „წრიული“ ტრანსპორტირების საჭიროების გამო გაიზარდა.
ბიზნესის საოპერაციო მოგება შესაძლოა, კრიტიკულ მინიმუმამდე დაეცეს.
ამასთან, რამდენიმე კატეგორიაში საქონლის, განსაკუთრებით, საყოფაცხოვრებო ქიმიკატების, ტანსაცმლისა და მცირე ელექტრონიკის დეფიციტისა და ლოგისტიკური ხარჯის ზრდის გამო მარკეტპლეისზე გამოფენილი ნივთების საბოლოო ფასი შესაძლოა, 10-15%-ით გაიზარდოს. საცალო მოვაჭრეებისთვის ეს ფასების გადახედვის აუცილებლობას ნიშნავს.
ბევრი რეგიონული საცალო მოვაჭრისთვის სამ ან ოთხ საწყობში მარაგის დაკარგვა ერთდროულად ვირტუალურ გაკოტრებას ნიშნავს. ბიზნესები ფულადი ნაკადის დეფიციტს, მიუწვდომელი საქონლისთვის სესხების დაფარვის აუცილებლობას და საძიებო რეიტინგის დაკარგვას აწყდებიან.
“Wildberries თავის ისტორიაში ყველაზე მძიმე კრიზისს განიცდის. ლიდერობის შესანარჩუნებლად კომპანია საგანგებო ზომებს იღებს, როგორიც არის „გაქცევა“ დსთ-ში,” - წერს MP Manager
კერძოდ, Wildberries-მა ყაზახეთში ნებისმიერი ხელმისაწვდომი სასაწყობო სივრცის სასწრაფო ძებნა და შეძენა დაიწყო. გაცხადებული საჭირო ფართობი, მინიმუმ, 100 000 კვადრატული მეტრს შეადგენს. რუსეთის ფარგლებს გარეთ არსებული საწყობები მარაგის შენახვის უსაფრთხო ცენტრებად ითვლება.
თავად რუსეთში დიდი ლოგისტიკური პარკების მფლობელები ამჟამად უკიდურესად ერიდებიან Wildberries-ისთან ახალი იჯარის ხელშეკრულებების გაფორმებას. Wildberries-ის ბრენდის ქვეშ არსებული ნებისმიერი ობიექტი ამჟამად ბაზარზე მაღალი რისკის ზონად აღიქმება.
რატომ სჭირდება აღდგენას წლები და არა თვეები?! მაგალითად, 100 000 კვ.მეტრის საწყობის მზა მშენებლობას 12-18 თვე სჭირდება. თუმცა მშენებლობის დაწყებამდე კიდევ რამდენიმე ეტაპი უნდა დასრულდეს. ეს არის საგამოძიებო სამუშაოები და ექსპერტების შეფასებები (2-4 კვირა), ნანგრევების გაწმენდა და დაზიანებული ნაგებობების დემონტაჟი (2-4 თვე) და ახალი ობიექტის პროექტირება (2-4 თვე). მხოლოდ ამის შემდეგ შეიძლება, დაიწყოს საძირკვლის სამუშაოები და მონტაჟი. საერთო ჯამში, დრონების შეტევიდან ახალი ობიექტის ექსპლუატაციაში გაშვებამდე დრო, დაზიანების მასშტაბის მიხედვით, 1.5-დან 3 წლამდე მერყეობს.
“ივლისის მოვლენებმა მთლიანად შეცვალა რუსული ელექტრონული კომერციის ლანდშაფტი. დასრულდა ასობით ათასი ნივთის ერთ გიგანტურ საწყობში უაზროდ შენახვის ერა,” - წერს MP Manager.
ცნობისთვის: Wildberries-მა საქართველოში გაყიდვები 2024 წლის ოქტომბერში, ქართული პარტნიორი კომპანიის ფრენჩაიზით დაიწყო. მაშინვე აქტიურად ამუშავდა Wildberries-ის ქართულენოვანი ვებგვერდი. ქართული ფრენჩაიზი შპს “ტრანსკომ გრუპია,” რომელიც, სამეწარმეო რეესტრის მიხედვით, საქართველოში 2022 წელს დარეგისტრირდა.
მსოფლიო
სხვადასხვა
მეცნიერები სატურნის უდიდეს მთვარე ტიტანზე ავტონომიური დასახლების შექმნის ინიციატივით გამოვიდნენ
1787033350
სინოპტიკოსების პროგნოზით, უახლოეს დღეებში საქართველოს მასშტაბით არამდგრადი ამინდია მოსალოდნელიგარემოს ეროვნული სააგენტოს ინფორმაციით, უახლოეს დღეებში საქართველოს მასშტაბით არამდგრადი ამინდია მოსალოდნელი. სინოპტიკოსების პროგნოზით, როგორც დასავლეთ, ისე აღმოსავლეთ საქართველოში პერიოდულად იწვიმებს, ჰაერის ტემპერატურა დასავლეთ საქართველოში 25-დან 30 გრადუსამდე, აღმოსავლეთში კი 28-დან 33 გრადუსამდე იქნება.ნალექიანი ამინდი იქნება დედაქალაქშიც. თბილისში მოსალოდნელია მცირე წვიმა, ჰაერი კი დღისით დაახლოებით 31 გრადუსამდე გათბება.
1786698721
სინოპტიკოსების პროგნოზით, უახლოესი სამი დღის განმავლობაში საქართველოს უმეტეს რაიონში იწვიმებს, აღმოსავლეთ საქართველოში მოსალოდნელია სეტყვაცგარემოს ეროვნული სააგენტოს ინფორმაციით, საქართველოს უმეტეს ტერიტორიაზე მოსალოდნელია დროგამოშვებით წვიმა, ზოგან ძლიერი, აღმოსავლეთ საქართველოს ზოგიერთ რაიონში შესაძლებელია სეტყვაც. სინოპტიკოსების თქმით, 20 აგვისტოდან გამოიდარებს და ტემპერატურაც მოიმატებს.„დღეს და მომდევნო ორი დღის განმავლობაში, საქართველოს უმეტეს რაიონში იწვიმებს, ზოგან ძლიერად. აღმოსავლეთ საქართველოში შესაძლებელია სეტყვაც. ტემპერატურა 1-2 გრადუსით დაიკლებს და დასავლეთს საქართველოს დაბლობში და აღმოსავლეთ საქართველოს ბარში 25-30 გრადუსი. თბილისშიც უახლოესი სამი დღის განმავლობაში წვიმიან ამინდს ველოდებით. აქ ტემპერატურა 30 გრადუსამდე მოიმატებს“, - განაცხადა სინოპტიკოსმა თამარ გულედანმა.
1786333268
მოსალოდნელმა ძლიერმა ნალექებმა შესაძლებელია პატარა მდინარეებზე წყალმოვარდნები - ამინდის პროგნოზი9-11 აგვისტოს საქართველოში მოსალოდნელია დროგამოშვებით წვიმა, 9 აგვისტოს სანაპირო რაიონებში, აჭარა-გურიის, სამეგრელო-ზემო სვანეთის, რაჭა-ლეჩხუმის და ქვემო სვანეთის და სამცხე-ჯავახეთის რეგიონების მთიან ზონაში, 10-11 აგვისტოს კახეთის, ქვემო ქართლის და მცხეთა-მთიანეთის რეგიონებში ზოგან ძლიერი ინტენსივობის. შესაძლებელია ელჭექი, სეტყვა და ქარის გაძლიერება.მოსალოდნელმა ძლიერმა ნალექებმა შესაძლებელია პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გაქტიურება გამოიწვიოს (საფრთხის დონე საშუალო).ინფორმაციას უახლოესი დღეების მოსალოდნელი ამინდის შესახებ გარემოს ეროვნული სააგენტო ავრცელებს.
1785394776
გარემოს ეროვნული სააგენტო ამინდის მოსალოდნელი გაუარესების შესახებ ინფორმაციას ავრცელებს30 ივლისის დღის მეორე ნახევრიდან 31 ივლისის დღის მეორე ნახევრამდე შიდა ქართლის, მცხეთა-მთიანეთის და კახეთის რეგიონებში მოსალოდნელია დროგამოშვებით წვიმა, ჩრდილოეთით მთიან რაიონებში ზოგან ძლიერი. შესაძლებელია ელჭექი, სეტყვა და ნისლი.მოსალოდნელმა ძლიერმა ნალექებმა შესაძლებელია პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გაქტიურება გამოიწვიოს (საფრთხის დონე საშუალო).ინფორმაციას გარემოს ეროვნული სააგენტო ავრცელებს
1784955300
ქორწინება სმარტფონიდან - უკრაინაში ონლაინ რეგისტრაციამ ერთ წელიწადში ტრადიციულ მოდელს სერიოზული კონკურენცია გაუწია2026 წლის პირველ ნახევარში უკრაინაში რეგისტრირებული ქორწინებების 38.3% სრულად ელექტრონულად გაფორმდა, რაც სახელმწიფო სერვისების გაციფრულების ერთ-ერთი ყველაზე სწრაფად მზარდი მიმართულებაა. უკრაინის იუსტიციის სამინისტროს მონაცემებით, იანვრიდან ივნისის ჩათვლით ქვეყანაში 79 516 ქორწინება დარეგისტრირდა, აქედან 30 488 ონლაინ რეჟიმში. შედარებისთვის, 2025 წლის განმავლობაში რეგისტრირებული 165 587 ქორწინებიდან ელექტრონული ფორმით 18.4% გაფორმდა. შესაბამისად, ონლაინ რეგისტრაციის წილი ერთ წელიწადში 19.9 პროცენტული პუნქტით გაიზარდა და ორ წელზე ნაკლებ დროში პრაქტიკულად გაორმაგდა. 2026 წლის მხოლოდ ექვს თვეში ელექტრონულად გაფორმებული ქორწინებების რაოდენობა უკვე დაახლოებით გაუტოლდა 2025 წლის მთელი წლის სავარაუდო მაჩვენებელს.„Diia-ს“ მობილური აპლიკაციის საშუალებით წყვილს შეუძლია შეიტანოს განცხადება, შეარჩიოს თარიღი, დაადასტუროს თანხმობა ელექტრონული ხელმოწერით და ვიდეოკავშირის დროს ოფიციალურად გააფორმოს ქორწინება. ცერემონია მაქსიმუმ 30 წუთს გრძელდება, ციფრული მოწმობა კი აპლიკაციაში ავტომატურად აისახება. სურვილის შემთხვევაში ქაღალდის დოკუმენტის ფოსტით მიღებაც შესაძლებელია. უკრაინა პირველი ქვეყანაა, რომელმაც ქორწინების სრული სამართლებრივი პროცესი, განცხადებიდან ოფიციალურ რეგისტრაციამდე, მობილურ აპლიკაციაში გადაიტანა.სერვისი განსაკუთრებით მნიშვნელოვანია ომის პირობებში, როდესაც მილიონობით უკრაინელი ქვეყნის შიგნით ან საზღვარგარეთაა გადაადგილებული, სამხედრო მოსამსახურეთა ნაწილი კი ფრონტის ხაზზე იმყოფება. „Diia-ს“ ინფორმაციით, 2026 წლის თებერვლისთვის ონლაინ ქორწინების სერვისით უკვე 40 ათასზე მეტ წყვილს ჰქონდა სარგებლობა, მათ შორის 1 700-ზე მეტ სამხედრო ოჯახს. ფიზიკური ადგილმდებარეობა რეგისტრაციისთვის დაბრკოლებას აღარ წარმოადგენს, რადგან ცერემონიაში მონაწილეობა სხვადასხვა ქალაქიდან ან ქვეყნიდან შეიძლება.ეკონომიკური ეფექტი პირველ რიგში დროის, ტრანსპორტისა და ადმინისტრაციული რესურსების დაზოგვაში გამოიხატება. 2026 წლის პირველ ნახევარში ონლაინ დაქორწინებული 30 488 წყვილი 60 976 მოქალაქეს ნიშნავს. მხოლოდ პირობითი სცენარით, თუ თითოეულ ადამიანს სახელმწიფო ოფისში ერთი მისვლა და ჯამურად ორი საათი მაინც ეზოგება, მოსახლეობის დაზოგილი დრო დაახლოებით 122 ათას საათს აღწევს. ეს ოფიციალური ეკონომიკური შეფასება არ არის, თუმცა აჩვენებს სერვისის შესაძლო პროდუქტიულობის ეფექტს. ამას ემატება მგზავრობის, დოკუმენტების ბეჭდვისა და რიგში დგომის ხარჯების შემცირება, ხოლო სახელმწიფოსთვის მონაცემების ავტომატური შემოწმება და ელექტრონული ჩანაწერები ხელით დამუშავების საჭიროებას ამცირებს.ზუსტი საბიუჯეტო სარგებლის დათვლა ამ ეტაპზე შეუძლებელია. უკრაინის ხელისუფლებას არ გამოუქვეყნებია ინფორმაცია, რა დაჯდა კონკრეტულად ონლაინ ქორწინების სისტემის შექმნა, რამდენია ერთი ელექტრონული რეგისტრაციის თვითღირებულება ან რამდენი ადმინისტრაციული თანხა დაიზოგა. ცნობილია, რომ სერვისი იუსტიციისა და ციფრული ტრანსფორმაციის სამინისტროებმა სხვა სახელმწიფო უწყებებთან ერთად შექმნეს, ფინანსური და ინსტიტუციური მხარდაჭერა შვეიცარიულ-უკრაინულმა EGAP-ის პროგრამამ უზრუნველყო, ვიდეოკავშირის ტექნოლოგიური პარტნიორი კი Cisco გახდა. პროექტის ცალკე ბიუჯეტი საჯაროდ არ არის დასახელებული, ამიტომ კონკრეტული ფინანსური ეკონომიის მითითება მხოლოდ ვარაუდი იქნებოდა.მომხმარებლისთვის სახელმწიფო ქორწინების რეგისტრაციის საბაზისო მოსაკრებელი დაბალია და 0.85 გრივნას შეადგენს, თუმცა ონლაინ მომსახურების საბოლოო ფასი შეიძლება გაიზარდოს არჩეული თარიღის, დამატებითი მომსახურებისა და დოკუმენტის მიწოდების მიხედვით. სამართლებრივი კვლევების მიხედვით, სრული ონლაინ მომსახურების მაქსიმალური ღირებულება დაახლოებით 1 664 გრივნას აღწევდა, თუმცა ეს თანხა ყველა წყვილისთვის სავალდებულო გადასახადი არ არის.სერვისი 2024 წელს მთავრობის მიერ დამტკიცებული ექსპერიმენტული პროექტის ფარგლებში ამოქმედდა. 2026 წელს უკრაინის პარლამენტში დაიწყო მუშაობა ცვლილებებზე, რომლებმაც ონლაინ ქორწინება დროებითი ექსპერიმენტიდან მუდმივ სამართლებრივ მექანიზმად უნდა გარდაქმნას. პარლამენტის ჰუმანიტარული და საინფორმაციო პოლიტიკის კომიტეტმა შესაბამის ინიციატივას მხარი დაუჭირა, თუმცა მასალის მომზადების დროისთვის საბოლოო საკანონმდებლო პროცესი დასრულებული არ იყო. ეს განსხვავება მნიშვნელოვანია: სერვისი რეალურად მოქმედებს, მაგრამ მისი გრძელვადიანი სამართლებრივი სტატუსის საბოლოო გამყარება ჯერ კიდევ საპარლამენტო პროცესზეა დამოკიდებული.გაციფრულებას კიბერუსაფრთხოების ხარჯიც ახლავს. 2024 წლის დეკემბერში რუსეთის მიერ განხორციელებულმა მასშტაბურმა კიბერშეტევამ უკრაინის იუსტიციის სამინისტროს სახელმწიფო რეესტრები დროებით გათიშა, რის შედეგადაც ქორწინების, დაბადებისა და სხვა სამოქალაქო აქტების ონლაინ სერვისებიც შეფერხდა. ოფიციალური პირების განცხადებით, მონაცემების დაკარგვა არ დადასტურდა, თუმცა შემთხვევამ აჩვენა, რომ ციფრული სახელმწიფოს ფინანსური ეფექტიანობა მონაცემთა დაცვის, სარეზერვო სისტემებისა და უწყვეტი მუშაობის უზრუნველყოფაში მუდმივ ინვესტიციას მოითხოვს.ფართო სურათში ონლაინ ქორწინების პოპულარობა „Diia-ს“ მომხმარებელთა ბაზის ზრდას ასახავს. 2025 წლის ოქტომბრისთვის აპლიკაციას 23 მილიონზე მეტი უკრაინელი იყენებდა, მასში 33 ციფრული დოკუმენტი და 70-ზე მეტი მომსახურება იყო ინტეგრირებული, ხოლო სისტემასთან 25 ათასზე მეტი სახელმწიფო დაწესებულება და კომპანია თანამშრომლობდა. ქორწინებების თითქმის 40%-ის ონლაინ რეგისტრაცია მიუთითებს, რომ ელექტრონული სახელმწიფო უკრაინაში მხოლოდ ტექნოლოგიური პროექტი აღარ არის და მოქალაქეების ყოველდღიური ქცევის ნაწილად იქცა.საბოლოოდ, ინიციატივის მთავარი ეკონომიკური მნიშვნელობა მოსაკრებლების ზრდაში არ არის. მისი ღირებულება ბიუროკრატიული ტრანზაქციის შემცირებაში, მოქალაქეების დროის დაზოგვაში, სამხედროებისა და ემიგრაციაში მყოფი ადამიანებისთვის სახელმწიფო სერვისებზე ხელმისაწვდომობაში და რეესტრების ავტომატიზაციაში მდგომარეობს. თუ 2026 წლის მეორე ნახევარშიც იგივე ტენდენცია შენარჩუნდება, ონლაინ ქორწინება უკრაინაში ალტერნატიული მომსახურებიდან სამოქალაქო რეგისტრაციის ერთ-ერთ ძირითად არხად გადაიქცევა.
