1778400941
ერთად ნაყიდი, მაგრამ მეუღლის სახელზე რეგისტრირებული ბინა - როგორ უნდა დაიცვათ ქონება, თქვენი ნებართვის გარეშე გასხვისებისგან?
ყოველდღიურ ცხოვრებაში ხშირად ვაწყდებით რთულ იურიდიულ საკითხებს, სადაც სწორი ინფორმაციის ფლობა გადამწყვეტია. როგორ დავიბრუნოთ სამკვიდრო ვადის გასვლის შემდეგ? ვინ არის პასუხისმგებელი დაზიანებულ ამანათზე? ან როგორ დავიცვათ უძრავი ქონება ოჯახური დავის დროს?
თქვენს შეკითხვებს პასუხობს ადმინისტრაციულ, სამოქალაქო საქმეთა და ბავშვთა უფლებებში სპეციალიზებული ადვოკატი, საქართველოს ადვოკატთა ასოციაციის აღმასრულებელი საბჭოს მოქმედი წევრი - ნუგბარა როსტიაშვილი.
როცა სამკვიდროს მიღების ვადა გასულია, შემიძლია თუ არა ვადის გაგრძელება?
- სამკვიდროს მიღების ვადა შეიძლება გააგრძელოს სასამართლომ, თუ ვადის გადაცილება საპატიო მიზეზით მოხდა. მაგალითად, თუ მემკვიდრემ არ იცოდა და არც შეეძლო სცოდნოდა სამკვიდროს გახსნის შესახებ. აგრეთვე, თუ მან ობიექტური მიზეზის გამო ვერ შეძლო ფაქტობრივად დაუფლებოდა სამკვიდროს ან მიემართა ნოტარიუსისთვის.
ვადის გაშვების საპატიოობის მტკიცების ტვირთი ეკისრება ვადის გამშვებ მემკვიდრეს. ამასთან, სასამართლოსთვის მიმართვა საჭირო არაა, თუ ყველა მემკვიდრე გამოთქვამს თანხმობას ვადის გამშვები მემკვიდრის მიერ სამკვიდროს მიღებაზე.
ტვირთების გადაზიდვის კომპანიამ დაზიანებული ტვირთი ჩამოიტანა და არ მინაზღაურებს. აქვს თუ არა ამის ვალდებულება კომპანიას და ვის მივმართო?
- საქართველოს სამოქალაქო კოდექსისა და მომხმარებლის უფლებების დაცვის შესახებ კანონის მიხედვით, მომხმარებელს უნდა აუნაზღაურდეს ის ზიანი, რომელიც მან მიიღო ტვირთის მთლიანად ან ნაწილობრივ დაკარგვითა თუ დაზიანებით, ასევე ტვირთის მიტანის ვადის გადაცილებით.
ზიანის ანაზღაურებაზე, პირველ რიგში, გადამზიდავია პასუხისმგებელი და ტვირთის მიწოდებასთან დაკავშირებული პრობლემისას მომხმარებელმა მას უნდა მიმართოს. თუ ნივთის დაზიანებამ გამოიწვია მისი მხოლოდ ნაწილის გაუფასურება, მაშინ ანაზღაურება მოიცავს მხოლოდ გაუფასურებული ნაწილის ფარგლებს, ხოლო თუ ნივთის ნაწილის დაზიანებამ მისი მთლიანად გაუფასურება გამოიწვია, ანაზღაურება იგივე უნდა იყოს, რაც ნივთის განადგურების შემთხვევაში იქნებოდა.
თუ ნივთის მიწოდების ვადა წინასწარ არ ყოფილა დათქმული, მაშინ გადასაზიდად "ჩვეული ვადის" გადაცილება ჩაითვლება პირობის დარღვევად, რაც იმაზეა დამოკიდებული, თუ საიდან ხდება ნივთის ტრანსპორტირება. შესაბამისად, ყოველ კონკრეტულ შემთხვევაში, "ჩვეული ვადა" განსხვავებული იქნება, თუმცა მისი გაანგარიშება ბაზარზე არსებული მდგომარეობის გათვალისწინებით უნდა მოხდეს.
აქვე უნდა გაითვალისწონოთ, თუ მომხმარებელი ტვირთის მიღებისას მას გადამზიდავის წარმომადგენლის თანდასწრებით არ შეამოწმებს, ხელს მოაწერს მიღება-ჩაბარების აქტს და გადამზიდავს მაშინვე არ წაუყენებს პრეტენზიას გარეგნულად შესამჩნევი დანაკარგებისა და დაზიანების შესახებ, ჩაითვლება, რომ გადამზიდავმა ნაკისრი ვალდებულება ჯეროვნად შეასრულა.
გარეგნულად შესამჩნევი დანაკარგებისა და დაზიანების დროს პრეტენზიის მოგვიანებით წარდგენის შემთხვევაში, მომხმარებელს მოუწევს იმის დამტკიცება, რომ ნაკლის მქონე ნივთი ჩაიბარა. თუმცა, ამასთან, "მომხმარებლის უფლებების დაცვის შესახებ" კანონის თანახმად (გარდა გამონაკლისი შემთხვევებისა) მომხმარებელს უფლება აქვს ყოველგვარი საფუძვლის მითითების გარეშე თქვას უარი დისტანციურად დადებულ ხელშეკრულებაზე 14 კალენდარული დღის განმავლობაში.
რაც შეეხება პრეტენზიებს გარეგნულად შეუმჩნეველი დანაკარგებისა და დაზიანების თაობაზე, ისინი წარდგენილი უნდა იქნეს გადამზიდავთან ტვირთის ჩაბარებიდან არაუგვიანეს 7 დღისა; რადგან ფარული დანაკარგებისა და დაზიანებების აღმოჩენა გარკვეულ დროს მოითხოვს. გადამზიდავი შეიძლება გათავისუფლდეს პასუხისმგებლობისაგან თუ იგი დაამტკიცებს, რომ: ტვირთის ნაკლი ან მიწოდების დაგვიანება ფორსმაჟორული გარემოებებითაა გამოწვეული, მაგალითად, როგორებიცაა ომი, სტიქიური უბედურება, კარანტინი და სხვა;
ანუ ისეთი გარემოებები, რომელთა თავიდან აცილებაც გადამზიდავს არ შეეძლო. გამყიდველმა გადამზიდავს არ მიაწოდა სრულყოფილი ინფორმაცია იმის შესახებ, რომ გადაზიდვის დროს ნივთი შესაძლოა დაზიანდეს და მას დამატებითი შეფუთვა სჭირდება. მაგალითად, მსხვრევადი ნივთების გადაზიდვის დროს.
ნივთი გადაზიდვის დროს არ დაზიანებულა და მას უკვე გააჩნდა ესა თუ ის ნაკლი, როდესაც იგი გამყიდველმა მიაწოდა. უკანასკნელ ორ შემთხვევაში მომხმარებელს ზიანი გამყიდველმა უნდა აუნაზღაუროს. თუკი ნივთს გადაზიდვამდე გააჩნდა ნაკლი, მაშინ მომხმარებელს უფლება აქვს გამყიდველს პრეტენზია წაუყენოს.
ბინა, რომელიც ერთად შევიძინეთ, არის მეუღლის სახელზე. ქმარს აქვს ვალები და მითხრა, რომ აპირებს ბინის გაყიდვას. მე წინააღმდეგი ვარ, რადგან არა გვაქვს სხვა საცხოვრებელი. მინდა ჩემ გარეშე ვერ შეძლოს ბინის გასხვისება. რა გზა არსებობს?
- კანონით, ქორწინების პერიოდში შეძენილი ბინა საკუთრების უფლებით ორივე მეუღლეს ეკუთვნის, მაგრამ თუ ბინა მხოლოდ ერთ მეუღლეზეა აღრიცხული, მაშინ მესაკუთრედ ითვლება ის, ვის სახელზეც ბინაა. მას უპრობლემოდ შეუძლია ბინის გაყიდვა. ამ დროს მყიდველი კეთილსინდისიერი შემძენი ხდება, რადგან ბინის მესაკუთრე კანონით არის ის, ვისზეც ბინაა აღრიცხული.
მყიდველისთვის ბინის გადაფორმების შემდეგ თანამესაკუთრე, რომელსაც წილი საჯარო რეესტრში არა აქვს დაფიქსირებული, კეთილსინდისიერი მყიდველისგან ამ ბინიდან წილს ვეღარ დაიბრუნებს. მეორე მეუღლეს მხოლოდ და მხოლოდ ერთი გზა რჩება - ბინის მესაკუთრეს, ანუ თავისი ოჯახის წევრს, კომპენსაცია მისი წილის სანაცვლოდ მოსთხოვოს.
ასეთი დავები ხშირია სასამართლოში, მაგრამ პრობლემა ისაა, რომ ძალიან ხშირად, როცა ბინა გაიყიდება, ბინის გამყიდველი, იმისთვის, რომ თავი აარიდოს კომპენსაციის გადახდას, აღებული ფულით არ ყიდულობს ისეთ ქონებას, რომელიც შეიძლება მის სახელზე დარეგისტრირდეს, ასეთ შემთხვევაში კი დაზარალებული თანამესაკუთრე კომპენსაციასაც ვეღარ იღებს.
ამიტომაც თანამესაკუთრის უფლება დაცული რომ იყოს, საჯარო რეესტრში თავიდანვე უნდა დაარეგისტრიროს მეორე მეუღლემაც თავისი თანასაკუთრების უფლება. ასეთ სიტუაციაში მისი თანხმობის გარეშე მეუღლე ბინას ვერ გაყიდის.
დღეს მოქმედი კანონით, კეთილსინდისიერი შემძენის უფლებები უფრო დაცულია - თუკი ბინა გაიყიდა, მისი დაბრუნება გამორიცხულია. თუკი მოახერხებთ და დაიყოლიებთ მეუღლეს, გირჩევთ ამ ქონების თანამესაკუთრედ დარეგისტრირდეთ, რომ მან თქვენ გარეშე ქონების გაყიდვა ვერ შეძლოს.
როცა არსებობს თანამესაკუთრედ მეორე პირი გაფორმებული, ასეთ დროს ბინის მესაკუთრეს თანამესაკუთრის თანხმობა სესხის აღების დროსაც სჭირდება და თქვენ გარეშე ვერანაირ ოპერაციას ვერ ჩაატარებს, ამით კი თავს და თქვენს ქონებას დაიცავთ.
თუ მეუღლე თანამესაკუთრეობას არ თანხმდება, მიმართეთ სასამართლოს და მოითხოვეთ ქორწინების პერიოდში შეძენილი ქონების ნახევრის თქვენს სახელზე აღრიცხვა, თუმცა ასევე მეუღლესაც შეუძლია ვალების გადახდაში მონაწილეობა დაგავალოთ, რადგან რეგისტრირებულ ქორწინებაში მყოფ მეუღლეთა შორის იყოფა როგორც აქტივი, ასევე პასივი.
მსოფლიო
სხვადასხვა
1778476500
როგორი ამინდია მოსალოდნელი დღეს საქართველოშისინოპტიკოსების პროგნოზით, 11 მაისს საქართველოს უმეტეს ქალაქებში ღრუბლიანი, თუმცა თბილი ამინდია მოსალოდნელი. ტემპერატურა რამდენიმე ქალაქში +27 გრადუსს მიაღწევს. ზოგან მოსალოდნელია წვიმა.ამინდი ქალაქების მიხედვით:გაგრა +23 - უმეტესად ღრუბლიანისოხუმი +24 - უმეტესად ღრუბლიანიზუგდიდი +27 - უმეტესად ღრუბლიანიმესტია +13 - წვიმაფოთი +23 - უმეტესად ღრუბლიანიბათუმი +23 - მზიანიოზურგეთი +27 - უმეტესად ღრუბლიანიქუთაისი +28 - უმეტესად ღრუბლიანიამბროლაური +24 - წვიმაახალციხე +22 - წვიმაბორჯომი +19 - წვიმაბაკურიანი +16 - წვიმაგორი +24 - უმეტესად ღრუბლიანიცხინვალი +22 - უმეტესად ღრუბლიანისტეფანწმინდა +12 - მოღრუბლულიგუდაური +8 - წვიმათელავი +24 - უმეტესად ღრუბლიანირუსთავი +28 - მზიანითბილისი +26 - უმეტესად ღრუბლიანი
1778400787
McDonald's ირანის ომის გამო მომხმარებლებს კარგავს - კომპანიამ შესაძლოა, ფრენჩაიზების ქსელს გადახედოსირანის ომის გამო საწვავზე ფასების ზრდა არაპროპორციული ძალით მოქმედებს დაბალი შემოსავლის მქონე მომხმარებლებზე, რაც მათ McDonald's-ის შეკვეთებზე უარის თქმისკენ უბიძგებს.ამის შესახებ Reuters კომპანიის აღმასრულებელ დირექტორ კრის კემპჩინსკიზე დაყრდნობთ წერს.სააგენტოს შეფასებით, McDonald's, ისევე, როგორც სწრაფი კვების სხვა რამდენიმე ქსელი მეტად არის დამოკიდებული დაბალი შემოსავლის მქონე მომხმარებლებზე და სპეციალური შეთავაზებები აქვს, რომ შეზღუდული ფინანსური რესურსებით მეტი მომხმარებელი მიიზიდოს.„საწვავზე მაღალი ფასები არის მთავარი პრობლემა, რომელსაც ამჟამად ვაწყდებით… მაკროეკონომიკური გარემო ნამდვილად არ უმჯობესდება და შესაძლოა, ცოტათი გაუარესდეს კიდეც,“ - ამბობს კემპჩინსკი.მისი ცნობით, მცირდება მარჟაც, რადგან ინფლაცია კომპანიას აიძულებს, პროდუქტებზე, ქაღალდსა და საწვავზე მეტი დახარჯოს. კერძოდ, აშშ-ში გასულ წელთან შედარებით შედეგი 25%-ით შემცირდა და 59 მლნ დოლარს მიაღწია.კემპჩინსკი დასძენს, რომ McDonald's-მა შედეგების გასაუმჯობესებლად შესაძლოა, ფრენჩაიზების ქსელს გადახედოს.თუმცა, იმის მიუხედავად, რომ გაყიდვების ზრდა მოლოდინს ჩამორჩება, კომპანიის მთლიანმა შემოსავალმა პროგნოზირებულ 6.47 მლრდ დოლარს გადააჭარბა და 6.52 მლრდ დოლარი შეადგინა.გაყიდვების სუსტი კვარტალური ზრდა რესტორნების რამდენიმე სხვა ამერიკულმა ქსელმაც დააფიქსირა, როგორიც არის Shake Shack, Papa John's, Wingstop და Domino's. მიზეზად ირანში ომის გავლენა სახელდება.
1778218910
როგორი ამინდია მოსალოდნელი დღეს საქართველოში8 მაისს ქუთაისში მზიან ამინდს ელოდებიან, დღისით +22 და ღამით +9 გრადუსია მოსალოდნელი.ნალექს ელოდებიან ოზურგეთში. დღისით +21 გრადუსი დაფიქსირდება, ღამით კი +8 გრადუსი იქნება.ბათუმში უნალექო ამინდია. დღისით ჰაერი +20 გრადუსამდე გათბება, ხოლო ღამით +10 გრადუსი დაფიქსირდება.ფოთში დღისით +20 გრადუსი დაფიქსირდება, ღამით კი +10 გრადუსია მოსალოდნელი. იწვიმებს ზუგდიდშიც, დღისით ტემპერატურა +21, ღამით კი +8 გრადუსია ნავარაუდევი.სოხუმში მზიანი დღეა, +19 გრადუსია მოსალოდნელი დღისით, ღამით +9 გრადუსი დაფიქსირდება.მესტიაში წვიმაა ნავარაუდევი, დღისით +16 გრადუსი იქნება, ღამით კი +2 გრადუსი დაფიქსირდება. ამბროლაურშიც წვიმაა მოსალოდნელი, ჰაერი +18 გრადუსამდე გათბება, ღამით კი +5 გრადუსი დაფიქსირდება.ჭიათურაში მზიანი ამინდია, დღისით +20 გრადუსი, ღამით კი +6 გრადუსი დაფიქსირდება. ახალციხეშიც იწვიმებს, დღისით +20 გრადუსი, ღამით კი +2 გრადუსი იქნება.ახალქალაქში წვიმას ელოდებიან. ტემპერატურა დღისით +16, ღამით +1 დაფიქსირდება.ბორჯომშიც წვიმიანი დღეა, +18 იქნება დღისით, ღამით კი +5 გრადუსი დაფიქსირდება. ნალექია მოსალოდნელი ბაკურიანში, დღისით +13 გრადუსია მოსალოდნელი, ღამით -2 გრადუსი დაფიქსირდება.წვიმას ელოდებიან გორში, დღისით +20 გრადუსი, ღამის განმავლობაში კი +6 გრადუსი დაფიქსირდება. ცხინვალშიც ნალექიანი დღეა, ჰაერის ტემპერატურა +19 გრადუსი იქნება, ღამით კი +5 გრადუსი დაფიქსირდება.გუდაურში ნალექიანი ამინდია მოსალოდნელი, დღის განმავლობაში +8 გრადუსი დაფიქსირდება, ღამით კი ჰაერის ტემპერატურა -1 გრადუსი იქნება. ომალოში წვიმიანი დღეა, დღისით +12 ღამით კი 1 გრადუსი დაფიქსირდება.ლაგოდეხში წვიმას ელოდებიან. ჰაერის ტემპერატურა დღის განმავლობაში +21 გრადუსი იქნება, ღამით კი +10 გრადუსი დაფიქსირდება. წვიმა იქნება დღეს თელავში, +18 გრადუსი დაფიქსირდება, ღამით კი +8 გრადუსია ნავარაუდევი.წვიმა იქნება გურჯაანში, დღისით +19 გრადუსი, ღამით კი +9 გრადუსი დაფიქსირდება. სიღნაღში ნალექია მოსალოდნელი, დღისით +21 გრადუსია მოსალოდნელი, ღამით +10 გრადუსი დაფიქსირდება.რუსთავში ნალექია მოსალოდნელი, დღისით +22 გრადუსია მოსალოდნელი, ღამით კი +9 გრადუსი დაფიქსირდება.თბილისშიც წვიმაა მოსალოდნელი, ჰაერის ტემპერატურა დღისით +21 გრადუსს მიაღწევს, ღამით კი +9 გრადუსი იქნება.
1778140140
გარდაიცვალა CNN-ის დამფუძნებელი ტედ ტერნერი„სიენენის“ დამფუძნებელი ტედ ტერნერი 87 წლის ასაკში გარდაიცვალა.ტედ ტერნერი ცნობილია როგორც ადამიანი, რომელმაც სრულად შეცვალა ახალი ამბების გავრცელების ფორმატი. 1980 წელს მან დააარსა „სიენენი“ – მსოფლიოში პირველი 24-საათიანი საინფორმაციო არხი. ტერნერმა შექმნა მედია კომპანია Turner Broadcasting-ი, ფლობდა სპორტულ გუნდებს და აქტიურად იყო ჩართული ქველმოქმედებაში.ტედ ტერნერი ბოლო წლებში ჯანმრთელობის პრობლემებს ებრძოდა. 2018 წელს მან საჯაროდ განაცხადა, რომ ჰქონდა ნერვული სისტემის პროგრესირებადი დაავადება. მისი გარდაცვალების მიზეზი ოფიციალურად არ დასახელებულა.აშშ-ის პრეზიდენტმა, დონალდ ტრამპმა განაცხადა, რომ ტედ ტერნერი ყველა დროის უდიდესი ფიგურა იყო.„ტედ ტერნერი, ყველა დროის ერთ-ერთი უდიდესი ფიგურა, ახლახან გარდაიცვალა. მან დააარსა „სიენენი“, შემდეგ კი გაყიდა. ეს გარიგება პირადად მისთვის ძალიან მძიმე იყო, რადგან ახალი მფლობელების პირობებში მისი „შვილი“ გაანადგურეს. არხი გახდა ისეთი, რაც მის ხედვას საერთოდ არ შეესაბამებოდა. შესაძლოა, ახალმა მფლობელებმა შეძლონ მისი ძველი სანდოობისა და დიდების დაბრუნება. მიუხედავად ყველაფრისა, ის იყო სამაუწყებლო ისტორიაში ერთ-ერთი უდიდესი ფიგურა და ჩემი მეგობარი. როცა მჭირდებოდა, ყოველთვის ჩემ გვერდით იყო და მზად იყო ებრძოლა კარგი საქმისთვის!“ – წერს ტრამპი სოციალურ ქსელში.
1778129512
როგორი ამინდია მოსალოდნელი დღეს საქართველოშიგარემოს ეროვნული სააგენტოს ცნობით, დღეს საქართველოში ამინდი განპირობებული იქნება: ამიერკავკასიის ჩრდილოეთიდან მოქმედი გრილი და სამხრეთიდან გავრცელებული თბილი და ნოტიო ჰაერის მასების ურთიერთქმედებით.საქართველოში მოსალოდნელია: დროგამოშვებით ღრუბლიანობის მომატება.დღის მეორე ნახევრიდან უმეტეს რაიონში ხანმოკლე წვიმა და ელჭექი, აღმოსავლეთ საართველოში ზოგან შესაძლებელია ძლიერი და სეტყვა. იქროლებს დასავლეთის მიმართულების ზომიერი ქარი, ელჭექიის დროს შესაძლებელია ქარის გაძლიერება.სოხუმი: დღის მეორე ნახევარში წვიმა ელჭექით. ჰაერის ტემპერატურა: დღისით +17°;ბათუმი: დღის მეორე ნახევარშიწვიმა ელჭექით. ჰაერის ტემპერატურა: დღისით +18°;ქობულეთი: დღის მეორე ნახევარში წვიმა ელჭექით. ჰაერის ტემპერატურა: დღისით +18°;ქუთაისი: დღის მეორე ნახევარში წვიმა ელჭექით. ჰაერის ტემპერატურა: დღისით +20°;ზუგდიდი: დღის მეორე ნახევარში წვიმა ელჭექით. ჰაერის ტემპერატურა: დღისით +19°;ანაკლია: დღის მეორე ნახევარში წვიმა ელჭექით. ჰაერის ტემპერატურა: დღისით +17°;ოზურგეთი: დღის მეორე ნახევარში წვიმა ელჭექით. ჰაერის ტემპერატურა: დღისით +18°;ონი: დღის მეორე ნახევარში წვიმა ელჭექით. ჰაერის ტემპერატურა: დღისით +18°;გორი: დღის მეორე ნახევარში წვიმა ელჭექით. ჰაერის ტემპერატურა: დღისით +19°;ცხინვალი: დღის მეორე ნახევარში წვიმა ელჭექით. ჰაერის ტემპერატურა: დღისით +18°;თბილისი: დღის მეორე ნახევარში წვიმა ელჭექით. იქროლებს დასავლეთის მიმართულების ზომიერი ქარი, ელჭექიის დროს შესაძლებელია ქარის გაძლიერება. ჰაერის ტემპერატურა: +21°;მარნეული: დღის მეორე ნახევარში წვიმა ელჭექით. ჰაერის ტემპერატურა: დღისით +18°;რუსთავი: დღის მეორე ნახევარშიწვიმა ელჭექით. ჰაერის ტემპერატურა: დღისით +21°;ახალციხე: დღის მეორე ნახევარში წვიმა ელჭექით. ჰაერის ტემპერატურა: დღისით +17°;ბორჯომი: დღის მეორე ნახევარში წვიმა ელჭექით. ჰაერის ტემპერატურა: დღისით +15°;ბაკურიანი: დღის მეორე ნახევარშიე წვიმა ელჭექით. ჰაერის ტემპერატურა: დღისით +14;სტეფანწმინდა: დღის მეორე ნახევარში წვიმა ელჭექით. ჰაერის ტემპერატურა: დღისით +12°.
